پاکستان امريکې سره مهذبه اړيكو جوړولو له خوښي لري٬ د كشمير كشالې تر هواري هند سره د معمول اړيكې نشي بحالېدې۔ د وزيراعظم عمران خان د امريكې نوموړې مجلې “نيويارك ټائمز” سره مركه

اسلام آباد 25 جون (اے پي پي) وزيراعظم عمران خان وئيلي دي پاکستان امريکې سره مهذبه اړيكو جوړولو له خوښي لري٬ د نائن الېون نه پس دا اړيكې يو اړخيزه وي٬ امريكا غواړي چې پاكستان د مرستې په بدل زمونږ خبره اومني٬ افغانستان څخه د امريكې د انخلاء تاريخ اعلانېدو نه پس په طالبانو زمونږ اثر و رسوخ كم شوے ٬ كه طالبانو د پوځي بريا لاره اختيار كړه نو اوږده كورنۍ جګړه رامخې ته كېدې شي٬ چې مونږ به ورسره هم وځپلے شو٬ د كشمير كشالې تر هواري هند سره د معمول اړيكې نشي بحالېدې۔ د دې خيالاتو څرګندونه وزيراعظم عمران خان د امريكې نوموړې مجلې ”نيويارك ټائمز” سره يوه مركه كښې كړې۔ د پاك امريكې اړيكو پحقله د يوې پوښتنې په ځواب كښې وزيراعظم عمران خان ووئيل پاكستان د خپل ګاٶنډي هېواد هند په مقابل كښې امريكې سره زياتې نزدې اړيكې لرلې ٬ د نائن الېون نه پس پاكستان د ترهګرۍ په ضد جنګ كښې امريكې سره شموليت اختيار كړے ٬ اوس چې كله امريكا د افغانستان نه بېرته ستنېږي نو پاكستان ورسره د يو مهذبه تعلق خوښي لري٬ لكه څنګه چې د قامونو ترمېنځه كېږي ۔ده ووئېل مونږ امريكې سره خپلې تجارتي اړيكې بهتر كول غواړو٬ د پاك امريكې اړيكو لا سپيناوي كولو سره وزيراعظم عمران خان ووئيل پاكستان داسې اړيكې غواړي لكه څنګه چې د امريكې برتانيې يا د امريكې هند سره دا وخت جوړې دي ٬ مونږ داسې تعلق غواړو چې د برابرۍ په بنياد وي۔ ده ووئيل د بده مرغه د ترهګرۍ په ضد د جنګ په مهال دا تعلق د برابرۍ په كچه نه ٶ٬ امريكې دا ګڼل چې ھغه پاكستان سره مرسته كوي او ځكه پاكستان له به د امريكې خبره منل وي او پاكستان چې امريكې لپاره څه وكړل د ھغې په سبب د ځاني زيان په صورت لوي زيان پورته كړے شوے ، پاکستان په دې جنګ كښې د 70 زره ځانونو قربانۍ وركړي او د هېواد معيشت ته ورسره د 150 اربه ډالره زيان رسېدلے ۔ ده ووئېل د ترهګرۍ په ضد د جنګ له امله ځانمرګي بريدونه او هېواد كښې ځاے په ځاے بمي چاٶدنې شوي ۔ وزيراعظم ووئيل د دې ځاے نه دا مسئله شروع شوې ٬ امريكې د پاكستان څخه نور توقعات لرل او د بده مرغه د پاكستان حكومتونو د ھغه څه كولو هڅې كړي د كومو چې ئې صلاحيت نه لرلو٬ د دواړو هېوادونو ترمېنځه باور نه ٶ او د پاكستان اولس دا ګڼل چې دوي امريكې سره د تعلق په سبب لوي زيان پورته كړے او امريكې دا ګڼل چې پاكستان ډېر څه نه دي كړي ځكه په داسې ډول دا يو اړخيزه تعلق ٶ۔ وزيراعظم عمران خان ووئيل مونږ په سباٶن كښې داسې تعلق غواړو چې بنياد ئې پهباور او په مشتركه مقاصدو اډاڼه وي او دا مهال هم داسې صورتحال دے ځكه چې په افغانستان كښې زمونږ مقاصد نن بيخي يو ډول دي۔ وزيراعظم عمران خان څخه پوښتنه وكړې شوه چې د پاكستان به افغانسان سره د امريكې د وتلو نه پس دوي سره تزويراتي تعلق دوامداره وي؟ نو په ځواب كښې ئې وزيراعظم عمران خان ووئيل زه په دې لړ كښې هېڅ نشم وئيلے ٬ ما په دې حقله داسې كوم سوچ نه دے كړے چې د پاکستان امريكې سره كوم تزويراتي تعلق پكار دے٬ د رياستونو ترمېنځه تعلق د مشتركه مفاداتو په بنياد وي، د پاکستان زياتره وادني په ځوانانو مشتمل ده او دا د 22 كروړه اولس هېواد دے كوم چې سباٶن لپاره په يو لحاظ سره د تزويراتي مقام وړ دے، كه زمونږ هند سره تعلق په كوم پړاٶ بهتر شي كومې لپاره چې زه هيله مند يم چې بهتر به شي ٬ ځكه چې پاکستان سره يو خوا په لويو ماركيټونو كښې يو موجود دے او بلخوا چين دے، دغسې زمونږ په دواړو اړخونو لوئې منډيانې موجود دي او بيا د توان راهدارۍ هم شته كومو څخه چې استفاده كېدې شي، دغسې پاکستان په اقتصادي لحاظ سره په سباٶن كښې د مهم تزويراتي مقام وړ هېواد دے۔ وزيراعظم د پاکستان او امريکې ترمېنځه د پوځي او سلامتيا اريكو پحقله د يوې پوښتنې په ځواب كښې ووئيل افغانستان څخه د امريكې انخلاء نه پس ما ته نه ده معلومه چې د دواړو هېوادونو ترمېنځه پوځي اړيكې به د كوم نوعيت وي خو دا مهال دا اړيكې افغانستان څخه د امريكې انخلاء څخه وړاندې د مسئلې سياسي حل شريك مقصد په بنياد راجوړول پكار دي ځكه چې پاكستان په افغانستان كښې خونړے جنګ نه غواړي او زه باور لرم چې امريكا به هم په افغانستان كښې يو يا دوه كهرب ډالره خرڅ كولو نه پس داسې نه غواړي چې دا هېواد دې په لمبو كښې وسوځي ٬ ځكه خو زمونږ مقاصد مشترك دي۔ وزيراعظم ووئيل پاکستان په طالبانو خپله د زياتې نه زياته مخ ملازه استعمال كړې۔ ده ووئيل پاكستان په ھغه دريو هېوادونو كښې يو دے چا د كال 1996 نه پس طالبان تسليم كړي۔ وزيراعظم ووئيل افغانستان څخه د امريکي انخلاء د تاريخ اعلانېدو نه پس په طالبانو زمونږ اثر و رسوخ كم شوے او د دې وجه دا ده چې څنګه د امريكې د انخلاء نېټه اعلان شوه طالبانو د فتح ادعا وكړه ٬ ھغوي دا سوچ كوي چې ګني جنګ ئې وګټلو او ھغوي اوس خپل ځان قوي ګڼي او په ھغوي زمونږ اثر و رسوخ كم شوے۔ وزيراعظم ووئيل طالبان خبرو اترو ته نه كېناستل مونږ په مخ ملازه هغوي امريكې سره خبرو اترو ته راضي كړل او افغان واكدارانو سره مونږ پرې خبرو اترو له زور راوړو او دا يو ډېر ګران كار ٶ۔ وزيراعظم څخه پوښتنه وشوه چې پاكستان اوس په طالبانو نور اثر و رسوخ نه لري نو په دې وزيراعظم ووئيل پاكستان په طالبانو زور رواړلو چې ھغوي د پوځي بريا لاره خپله نه كړي ځكه چې دا ممكن نه ده چې كه هغوي پخپل بشپړ طاقت د پوځي بريا ترلاسه كولو هلې ځلې كوي نو دې سره اوږده كورنۍ جګړه رامخې ته كېدې شي او د افغانستان نه پس چې به كوم هېواد د دې صورتحال نه زيات ځپلے كېږي ھغه پاكستان دے ځكه چې پاکستان كښې د افغانستان نه هم زيات پښتانه آباد دي او طالبان چونكه په بنيادي توګه يو پښتون تحريك دے نو د دې به دوه اثرات مرتب شي ۔ده ووئېل مونږ اندېښنه لرو چې د دې په نتيجه كښې به پاكستان ته په لويه شمېره كډالو راشي او د دې نه وړاندې هم پاكستان كښې د 30 لكه افغان كډالو ستونزه رامخې ته ده۔ وزيراعظم ووئيل سباٶن لپاره زمونږ وژن خپل معيشت ته وده وركول دي او د افغانستان د لارې تر مېنځنۍ آسياء تجارت ته وده وركول دي٬ ده ووئېل مونږ د مېنځنۍ آسياء رياستونو سره د ښه تجارتي اړيكو لپاره لوظنامې كړي خو مونږ دغه هېوادونو ته رسنه يوازې د افغانستان د لارې ترلاسه كولې شو او په افغانستان كښې د كورنې جګړې په صورت به دا هر څه بېكاره شي۔ د افغانستان پحقله د يوې پوښتنې په ځواب وزيراعظم ووئيل د سږني كال په پېل كښې ما اشرف غني سره ملاقات لپاره د افغانستان دوره كړې او افغان حكومت ته مې د بشپړ ملاتړ باور وركړے او دوي وئيلي وٶ چې مونږ به د امن تصفيې لپاره هر ممكنه كردار لوبوو۔ ده ووئيل زمونږ د استخباراتي او د افعان انټيلي جنس ايجنسيز، زمونږ د پوځ د سرلښكر او د افغان جمهور ريئس او آرمي چيف ترمېنځه پرله پسې ملاقاتونه كېږي، دې لپاره زمونږ ترمېنځه مستقل رابطې روانې وي۔ده ووئېل د بده مرغه په افغان حكومت كښې تر اوسه دا تاثر لرلے شي چې پاكستان نور اقدامات كولې شي٬ زمونږ په بابله۔ وزيراعظم عمران خان ووئيل د طالبانو په ضد د پوځي طاقت كارولو نه علاوه به مونږ هر اقدام كوٶ۔ ده ووئيل زمونږ د ټولنې ټولو طبقو دا پرېكړه كړې چې مونږ به د پوځي كاروائۍ نه ډډه كوٶ، زه دا وئيل غواړم چې زه د پوځي كاروائۍ مخالف يم۔ وزيراعظم عمران خان ووئيل په تورابورا كښې د جنګ نه پس افغانستان څخه پاكستان ته د راغليو ځېنې د القاعده جنګيالو بهر كولو لپاره امريكې په پاكستان فشار اچولے چې خپل پوځيان قبائيلي سيمو ته وليږئ ، ټوله پوله په بشپړه توګه پرانستلې شوې وه ٬ په پاك افغان پوله كله هم كوم سرحد نه ٶ بلكې دا د ډيورنډ لائن په توګه پېژندلې كېده خو اوس مونږ په دې ازغن تار لګوٶ د كوم چې 90 فيصد كار بشپړ شوے خو كه طالبان په طاقت په افغانستان د قبضې كولو هڅه كوي نو په دې صورت كښې به مونږ پوله سيل كوٶ ځكه چې ھغه وخت به مونږ دا كولې شو٬ دې لپاره مونږ په پوله ازغن تار لګولے ٬ ده ووئېل پاكستان په شخړو كښې كېښوتل نه غواړي او مونږ د كډوالو يو ځل بيا راتلل نه غواړو۔ ده ووئيل پاكستان به يوازې د افغان وګړو ټاكلے شوے حكومت تسليموي۔ د هند پحقله د يوې پوښتنې په ځواب وزيراعظم عمران خان ووئيل د ټولو پاكستانيانو برعكس زه هند زيات پېژنم٬ كركټ كومه چې يوه لويه لوبه ده د دې په سبب هند زما سره مينه كوي او ډېر احترام مې كوي٬ كله چې ما د وزيراعظم چوكۍ ترلاسه كړه نو ما وړومبے د هند وزيراعظم مودي ته ووئيل چې اقتدار كښې د راتللو زما لوي مقصد پاكستان د غربت نه خلاصول دي او دې لپاره به بهتره دا وي چې هند او پاكستان د معمول تجارتي اړيكې ولري چې ورسره به دواړو هېوادونو ته ګټه ورسي، مونږ دې لپاره هڅې كړي خو نتيجه ئې كومه بله رامخې ته شوه ٬ زه دا ګڼم چې د هند قام پرسته آر اېس اېس نظريه ده چې د مودي ورسره تعلق دے او كومه چې د هغه په لاره كښې خنډ دے۔ ده ووئيل كه هند كښې كوم بل قيادت ؤ نو ھغوي سره به ښه تعلق جوړ شوے ٶ او مونږ به ټول اختلافات د خبرو د لارې حل كړې وو۔ د کشمير حالت پحقله د يوې پوښتنې په ځواب وزيراعظم عمران خان ووئيل زه دا ګڼم چې دا به هند لپاره د تباهۍ وړ وي ځكه چې د دې مطلب به دا وي چې كشالې دې برقرار وي او چې څومره موده د كشمير كشاله تصفيه طلب وي نو دا به د دواړو هېوادونو ترمېنځه د معمول اړيكو له خنډ وي۔ د هند او امريكې اړيكو او په منطقه كښې د چين د زيات شوي اثر پحقله د يوې پوښتنې په ځواب وزيراعظم ووئيل زه دا وئيل غواړم چې دا يوه عجيبه خبره ده چې امريكا او چين به ولې د يو بل دښمنان جوړېږي٬ كه دا دواړه لوي اقتصادي قوتونه يو بل سره تجارت كوي نو د دې به نړۍ ته ګټه وي او د دې به مونږ ټولو ته هم ګټھ رسي۔ ده ووئيل مونږ له امريكې او چين دواړو سره اړيكې ساتل پكار دي۔ وزيراعظم ووئيل مونږ د چين سره پخوانۍ اړيكې لرو، چين د پاکستان يو ښه ملګرے دے، چين د ترهګرۍ په ضد د جنګ نه پس او د ترهګرۍ په ضد د جنګ په مهال د پاكستان ملګرتيا كړې، په داسې وخت كښې كله چې په مونږ پور زيات شوے او دا هله كېږي چې يو هېواد په حالت جنګ كښې وي، تجارتي هلې ځلې منجمد شوې٬صوبې او قبائيلي سيمې جنګ څخه ړنګې شوې او په داسې موقع چين د پاكستان مرستې لا راوړاندې شوے۔ ده ووئيل امريكا به ولې دا سوچ كوي چې هند د چين په ضد د دوي دفاع لپاره د ډھانچې په توګه كردار ولوبوي، كه هند ځان لپاره كوم داسې كردار خوښوي نو دا به دوي لپاره زيان مند وي ځكه چې د هند چين سره تجارت د دواړٶ هېوادونو لپاره ګټور دے