اسلام آباد 04 اګست (اے پی پی) خارجه وزير شاه محمود قريشي سره د آزاد كشمير وزيراعظم راجه فاروق حېدر ملاقات وكړو۔ د ملاقات په مهال په مقبوضه كشمير كښې د هند په زياتېدونكي جارحيت او په منطقه كښې د امن او امان په صورتحال خبرې وشوې۔ په خارجه وزارت كښې د شوي ملاقات په مهال خارجه وزير شاه محمود قريشي ووئيل چې په بې ګناه كشميريانو د هند لخوا د ممنوعه وسلې استعمال د نړيوالو قوانينو څرګنده خلاف ورزي ده۔ ده ووئيل چې د كشمير مسئله د سوئيلي آسيا د امن په لار كښې بنيادي خنډ دے۔ ده ووئيل چې د كشمير په مسئله نه هند ثالثې مني او نه دوه اړخيزه مذاكراتو ته كښېني۔ مقبوضه كشمير ته د هند لخوا د 28 زره نور ځواك په لېږلو او د غېر ملكي سېلګرو په ويستلو اندېښنه لرو۔ ده ووئيل چې په مقبوضه كشمير كښې د طاقت بې درېغه استعمال د افسوس وړ دے۔
خارجه وزير شاه محمود قريشي سره د آزاد كشمير وزيراعظم راجه فاروق حېدر ملاقات وكړو
خارجه وزير شاه محمود قريشي سره د آزاد كشمير وزيراعظم راجه فاروق حېدر ملاقات وكړو | APP Pashto service
