په هيواد كښې ټول ټاكنې بې پرې او عادلانه وې٬ د ټاكنو په عمل كښې سياسي ګوندونو ته ليول پلينګ فيلډ وركړے شو ٬ د نتيجو په اعلان كولو كښې د تاخير مطلب درغلي نه ده٬ د نګران وزيراعظم انوارالحق كاكړ خبري كنفرنس

اسلام آباد۔12فروری(اے پی پی) نګران وزيراعظم انوار الحق كاكړ وئيلي دي په هيواد كښې ټول ټاكنې بې پرې او عادلانه شوي دي٬ د ټاكنو په عمل كښې سياسي ګوندونو ته ليول پلينګ فيلډ وركړے شو ٬ د ټاكنو د نتيجو په اعلان كولو كښې د تاخير مطلب درغلي نه ده٬ پاكستان د ترهګرۍ چېلنجونو سره مخ دے ٬ موبائل فون سروس د اولس تحفظ لپاره بند كړے شو ٬ د چېلنجونو باوجود زمونږ جمهوري تسلسل خوش بين دے٬ د ټاكنو په كولو كښې امنيتي ادارو مهم كردار ترسره كړو٬ د ترهګرۍ خطرو باوجود ټاكنې په سولييز چاپېريال كښې وشوې٬ سولييز احتجاج د سياسي كارمندانو حق دے خو د اړي ګړي رامخې ته كولو اجازه به چاته وركولې نه شي٬ د الېکټرانک ووټنګ مشين دلارې د ټاكنو پرېكره به راروان پارليمان كوي۔ ددې خيالاتو څرګندونه ده د ګل په ورځ خبري كنفرنس ته خطاب كښې وكړه۔ نګران وزيراعظم ووئيل د ټولټاكنو په مهال بهرني مبصرين موجود وو٬ د ټاكنو نتيجې دا ځل په 36 ساعتو كښې مرتب شوې او په كال 2018 كښې په 66 ساعتو كښې مرتب شوې وې٬ 92 زره پولنګ سټېشنونه محفوظ جوړولو له بشپړه انتظامات شوي وو ، په سوشل او ډیجیټل میډیا د ټاكنو د نتيجو په اړه سترې سترې تجزيې وړاندې كړې شوې٬ د الېكشن كمېشن چې كومه ذمه واري وه هغه يۍ ترسره كړه۔ ده ووئيل په امنيتي چارو پوهېدونكي وګړي د موبائل سمز آئی ای ډیز لپاره كارول كېدو څخه خبر دي۔ په پشین او قلعه سیف كښې هم دا طريقه اختيار كړې شوه۔ ده ووئيل دا اطلاعات وو چې غېر رياستي عناصر او ترهګر په ګرد هېواد كښې د ټاكنو عمل لمينځه وړلو منصوبه بندي كوله٬ بيا حكومت سره كومه لاره پاتې وه آيا حكومت له د خپل اولس حفاظت له ګامونه پورته كول پكار نه وو؟ ده ووئيل مونږ د تورونو له پرواه كولو پرته د اولس د حفاظت سودا ونكړه ولې چې د اولس حفاظت زمونږ لومړۍ ترجيح ده۔ ده ووئيل د موبائل فون سروس بندش باوجود د براډ بېنډ انټرنېټ سروس آساني په ګرد هېواد كښې موجود وه۔ موبائل فون سروس د محرم الحرام په مهال بندولې شي ٬ په 8 فروري د دې د بندول كومه نوې خبره نه ده۔ ده ووئيل د نتيجې اعلان كولو كښې تاخير ټګي او درغلي نه ده٬ مونږ په نتيجو اعلان كولو كښې تاخير برداشت كولې شوؤ خو ترهګري نه ۔ په ګرد هېواد كښې 92 زره څخه زيات پولنګ سټېشنونه جوړ كړې شوي وو كوم چې الېكشن كمېشن سره منسلك كړې شوي وو۔ دې ټول عمل لپاره څه وخت خو پكار وو۔ د هر يو اليكشن څخه وروستو خبرې كېږي ٬ 35 پنكچرز او وروستو دا يو سياسي بيان چا ګرځولے وو؟ بيا يو عدالتي كمېشن جوړ شو بيا د هغې څه وشو۔ ده ووئيل برطانیه، امریکا او اروپائي ائتلاف زمونږ ملګري هېوادونه دي خو د بده مرغه د هغوي ابتدائي تجزيه په سوشل ميډيا او ډيجيټل ميډيا وركولې كېدونكو معلومات اډانه وي۔ ذمه وار حكومتونه انتظار كولو څخه وروستو كه خپل دريځ وړاندې كړي نو دا به ښه وي۔ كه مونږ له پلټنې كول وي نو دا به د امريكا ٬ برطانيه او اروپائي ائتلاف په غوښتنه نه بلكې د خپلې تګلارې لمخې وي۔ ده ووئيل داسې چېلنجونه خو په کېپټل هل كښې هم موجود وو٬ آيا مونږ وئيلي چې امريكا دې عدالتي كمېشن جوړ كړي چې د امريكا راروان صدر به څوك وي۔ د يوې پوښتنې په ځواب كښې ده ووئيل د ټاكنو په دويمه ورځ په 9 فروري يو آپرېشن كښې د ترهګرۍ ماسټر مائنډ او زيات مطلوب ترهګر په قلعه سيف الله كښې ووژلے شو۔ ده ووئيل د الېکټرانک ووټنګ مشين دلارې د ټاكنو پرېكړه به راروان پارليمان كوي۔ ده ووئيل په هېواد كښې ټاكنې آزادې او عادلانه وې٬ كه د بې ضابطګو په اړه كوم شكايتونه يا مسئلې دي نو د دې د ازالې طريقه كار موجود دے او دا طريقه كار د اېكټ آف پارليمنټ برخه ده۔ د يوې بلې پوښتنې په ځواب كښې ده ووئيل نوے پارليمنټ به د راروان وزيراعظم ټاكنه وكړي۔ نوي حكومت لپاره جدي اقتصادي چېلنجونه دي٬ په دې قابو موندلو له به نوي حكومت له اقدامات كول وي۔ ده ووئيل اقتصادي استحكام او قانون سازۍ لپاره په سياسي اختلافات قابو موندلو ته اړتيا ده ٬ دې لپاره سياسي مكالمې ته اړتيا ده ، د آئی اېم اېف په پروګرام به هم خبره كول وي۔ وزيراعظم ووئيل چې آئي اېم اېف سره د نوي پروګرام پرېكړه به ټاكلے حكومت كوي۔ د يوې پوښتنې په ځواب كښې وزيراعظم ووئيل ټولو له به خپلو رويو ته بيا كتنه كول وي٬ كركه به ختمول او د يو بل احترام به كول وي۔ د يوې بلې پوښتنې په ځواب كښې ده ووئيل د درغلۍ تور لګول آسان او د دې ثابتول ګران دي۔ د ټاكنو په عمل كښې ټولو ته لېول پلېئنګ فیلډ وركړے شو۔ كه داسې نه وې نو د پي ټي آئي حمايت يافته كانديدان دومره لويه شمېره كښې كامياب څنګه شول؟ د حيرانتيا خبره ده چې په قومي اسمبلۍ كښې تر ټولو زيات كاميابه ډله د درغلۍ تورونه لګوي۔ ده ووئيل د پي ټي آئي آزاد غړو قومي ٬ پنجاب او د كے پي كے اسمبليو كښې كاميابي ترلاسه كړه خو هغوي په بلوچستان او سندھ كښې كومه خوښي ښكاره كړې نه وه او ځكه يۍ دغلته كوم نشست نه دے ترلاسه كړې۔ د يوې پوښتنې په ځواب كښې ده ووئيل د کامیابو كانديدانو د نوټيفيكېشن جاري كېدو څخه وروستو به صدر مملكت د قومي اسمبلۍ غونډه راوبلي۔ د سوګند پورته كېدو څخه وروستو به د سپيكر ٬ دوهم سپيكر او د قائد ايوان ټاكنه كولې شي۔ وزیراعظم ووئيل د قومي اسمبلۍ د پخواني غړي محسن داوړ زر روغتيا له لاس په دعا يم۔ ده ووئيل د کلاشنکوفو او ډلو سره د آر او آفس مخې ته د لاريونونو ويستلو رويه به بدلول وي۔ ده ووئيل سوليزې ټاكنې د هر چا حق دے۔ ده ووئيل كه پاك پروردګار ته منظور وي بريا به د پاكستان وي۔ كه د اصولو لمخې پاتې كېږو نو ټولو ته به موقعه وركړې شي٬ اولس د ټاكنو نتيجې قبولې كړې دي