اسلام آباد۔1اکتوبر(اے پی پی) د خزانې او ريونيو وفاقي وزير سناتور محمد اسحاق ډار وئيلي دي چې د دوامدار او موثره اقتصادي پرمختګ لپاره مالي او مانيټري پاليسۍ کښې همغږي ضروري ده۔ د خالي په ورځ د فنانس ډويژن لخوا جاري شوي بيان له مخې ده د دې خيالاتو څرګندونه د پاكستان سټېټ بانك ګورنر جميل احمد سره د ليدنې په مهال وكړه چا چې د خالي په ورځ د خزانې ډويژن كښې د خزانې وفاقي وزير سناتور محمد اسحاق ډار سره ملاقات وكړو۔ د خزانې وفاقي وزير اسحاق ډار د هېواد د اقتصادي بحالۍ لپاره د مالي اقداماتو په اړه خبرو كښې په دې زور راوړو چې دوامدار او فعاله اقتصادي پرمختګ لپاره په مالياتي او زري پالېسۍ كښې همغږي ضروري ده۔ په ملاقات كښې د هېواد معشيت استحكام او پرمختګ لپاره په اقداماتو خبرې وشوې۔ د اسټېټ بېنک ګورنر جمیل احمد د خزانې وزیر ته د خپل وزارت د قلمدان په سنبالولو مبارکي ورکړه او وې وئیل چې د خزانې وزیر راتګ سره د روپۍ قدر لوړېدو له امله د ماركيټ په اشاريو كښې بهتري رامخې ته شوې ده۔ د سټېټ بېنك ګورنر د خزانې وزير ته د پائيدار پرمختګ حاصلولو لپاره د مالياتي پاليسۍ مقصدونو سره سم د بېلو مېکرو اکنامک پالېسي اقداماتو په اړه ووئيل۔ ده د خزانې وزير ته د خپل اړخه د بشپړه ملاتړ باور وركړو۔ د خزانې وزير د نړيوالو غوره عواملو سره سم او د پاكستان اولني فوري ادائيګۍ نظام راست – ډيجيټل بېنكنګ سسټم په معارفي كولو د اسټېټ بېنك د اقداماتو ستائنه وكړه۔ ده د هېواد مانيټري استحكام او معاشي پرمختګ لپاره د اسټېټ بېنك آف پاكستان كردار هم وستائلو
دوامدار او موثره اقتصادي پرمختګ لپاره مالي او مانيټري پاليسۍ کښې همغږي ضروري ده ٬ د خزانې وفاقي وزير اسحاق ډار
دوامدار او موثره اقتصادي پرمختګ لپاره مالي او مانيټري پاليسۍ کښې همغږي ضروري ده ٬ د خزانې وفاقي وزير اسحاق ډار | APP Pashto service
مضمون کا ماخذ : ڈریگن کی قسمت
.jpg)
.jpg)
