اسلام آباد 14 جولائي (اے پي پي) وزيراعظم عمران خان په صوبو زور رواړے چې د ضم شوو سيمو رغونې او پرمختګ لپاره د شوو لوظونو ترسره كولو له خپل كردار تر سره كرې۔ ده د دې خيالاتو څرګندونه د شورو په ورځ د ضم شوو سيمو رغونې ٬ پرمختګ او په خاص توګه دې عمل لپاره د وفاق لخوا د وركړي فنډ پحقله د جاج اغستو غونډې مشرۍ په مهال خپل خطاب كښې كړې۔ په غونډه كښې د خزانې وزير شوکت ترين، د منصوبه بندۍ وزير اسد عمر، د خېبر پښتونخوا وزيراعليٰ محمود خان، خاص مرستيال ډاکټر شهباز ګل، خاص مرستيال ډاکټر وقار مسعود، د خزانې صوبائي وزير تېمور سليم جھګړا، د خزانې سېكرټري او نورو لوړ پورو ګډون كولو۔ په غونډه كښې ضم شوو سيمو كښې د روانو پرمختيائي هلو ځلو جاج واخستلے شو۔ غونډې ته ووئيل شول د ضم شوو سيمو آبادي د هېواد نزدې 2.4 فيصد ده ٬ په دې اعتبار سره په اېن اېف سي اېوارډ كښې د ضم شوو سيمو برخه 80 اربه روپۍ جوړېږي او د وفاق لخوا دا مهال 4 فيصده وركړې كېږي۔ غونډې ته ووئيل شول د انضمام نه وړاندې 84 اربه روپۍ وركړې كېدې او د انضمام نه پس 146 اربه وركړې كېږي۔ غونډې ته ووئيل شول د مالي كال 22-2021 په بجټ كښې ضم شوو سيمو كښې خېبرپښتونخواه لپاره نزدې 130 اربه روپۍ مختص كړې شوي ۔ غونډې ته ووئيل شول د ضم شوو سيمو رغونې او پرمختګ لپاره د وفاق لخوا د پخوانو قبائيلي سيمو اولس سره شوي لوظونه سر ته رسولې شي۔ وزيراعظم عمران خان ووئيل د ضم شوو سيمو رغونې او پرمختګ ته حكومت پام لرنه كوي ۔ ده ووئيل د دې سيمې اولس هېواد لپاره بلها قربانۍ وركړي د كومو چې مونږ قدر كوٶ۔ وزيراعظم عمران خان ووئيل د ضم شوو سيمو رغونې او پرمختګ لپاره د شوو لوظونو ترسره كولو كښې خپل كردار تر سره كړې دغسې چې د پرمختګ عمل لا مستحكم كړے شې۔
د ضم شوو سيمو رغؤنې او پرمختګ لپاره د شوو لوظونو ترسره كولو له خپل كردار تر سره كړې ۔وزيراعظم عمران خان
د ضم شوو سيمو رغؤنې او پرمختګ لپاره د شوو لوظونو ترسره كولو له خپل كردار تر سره كړې ۔وزيراعظم عمران خان | APP Pashto service
