اسلام آباد 21 جنوري(اے پي پي) صدر ډاکټر عارف علوي وئيلي دي د معذورۍ سرټيفکيټ آسان او په سمدستي توګه ترلاسه كېدو لپاره ون ونډو آپرېشنز معرفي كولو ته اړتيا ده، اړوند شراكت دار دې د خاص كسانو آسانۍ لپاره په اسلام آباد كښې د طبي پوهانو او د نادرا په نمائندګانو مشتمله يو اداره جاتي نظام جوړ كړي۔ د دې خيالاتو څرګندونه ده د زيارت په ورځ د خاص كسانو رجسټرېشن پحقله د غونډې مشرۍ په مهال كړې۔ په غونډه كښې د وزيراعظم قامي صحت لپاره خاص مرستيال ډاکټر فېصل سلطان، د غربت كمولو او د سماجي تحفظ خاص مرستيالې ډاکټر ثانيه نشتر، د نادرا چيئرمېن عثمان يوسف مبين او د صحت وزارت چارواكو ګډون كولو۔ په دې موقع صدر ډاکټر عارف علوي ووئيل د معذورۍ سرټيفکيټ آسان او په سمدستي توګه ترلاسه كېدو لپاره ون ونډو آپرېشنز معرفي كولو ته اړتيا ده٬ د سرټيفيکيټ او رجسټرېشن موجوده عمل سست او ګران دے، د دې آسانولو ته اړتيا ده۔ ده ووئيل خاص كسان د هېواد د آبادۍ د 12 نه تر 14 فيصده دي٬ اړوند شراكت دار دې د خاص كسانو آسانۍ لپاره په اسلام آباد كښې د طبي پوهانو او د نادرا په نمائندګانو مشتمل يو اداره جاتي نظام جوړ كړي، د معذورۍ په تعريف د اتفاق پېدا كولو او د معذورانو تصديق لپاره دې صوبو سره مشاورت وكړے شي۔ په دې موقع صدر ته د بريفنګ په مهال ووئيل شول تر اوسه نادرا سره 3 لكه 39 زره نه زيات خاص كسان رجسټرډ شوي، د احساس پروګرام له مخې د خاص كسانو پحقله سروے به جون كال 2021 كښې بشپړه شي
د معذورۍ سرټيفکيټ آسان او په سمدستي توګه ترلاسه كېدو لپاره ون ونډو آپرېشنز معرفي كولو ته اړتيا ده۔ د صدر ډاکټر عارف علوي غونډې ته وېنا
د معذورۍ سرټيفکيټ آسان او په سمدستي توګه ترلاسه كېدو لپاره ون ونډو آپرېشنز معرفي كولو ته اړتيا ده۔ د صدر ډاکټر عارف علوي غونډې ته وېنا | APP Pashto service
