برمنګهم 10 اګست (اے پي پي) هند د 70 كلونو نه د نړيوالو لوظنامو٬ د ملګرو ملتونو د قراردادونو او كشميريانو سره د شويو لوظونو نه انحراف كوي او اوس د خپل دستور په ضد هم روان دے٬ په كشمير كښې د آبادې تناسب بدلولو لپاره ئې د كشمير خاص حيثيت ختم كړے او د اولس غبرګون مخ نيوي لپاره ئې په مقبوضه كشمير كښې نور پوځ هم په ځائ كړے او كرفيو ئې لګولې ده۔ د برمنګهم څخه ترلاسه شوي پېغام له مخې د هند د دې ظلمونو په ضد په برمنګهم كښې د هندي قونصلېټ په وړاندې بېلا بېلو كشميري او د پاكستانو ګوندونو احتجاجي مظاهره وشوه چې مشري ئې د بهرمېشته كشميريانو وزير راجه جاوېد اقبال٬ د تحريك كشمير اروپا صدر محمد غالب٬ د برتانيې صدر راجه فهيم كياني٬ د تحريك انصاف چوهدري خادم حسېن او نورو وكړه۔ مظاهرچيانو د هندي ترهګرې په ضد سختې نعرې ووهلې او د نړيوالې ټولنې نه ئې غوښتنه وكړه چې هند دې ترهګر هېواد وګرځول شي٬ دوي د هند نه غوښتنه وكړه چې په مقبوضه كشمير كښې دې قتل عام بند كړي٬ د هند پوځ دې د كشمير نه ووځي۔ مظاهرې ته ممبر آف پارليمنټ خالد محمود او پخواني ممبر آف پارليمنټ جارج ګېلوے هم وېنا وكړه او د هندي حكومت د غېر قانوني اقداماتو ئې سخته غندنه وكړه او وې وئيل چې هند په كشمير خپل تسلط په ځائ ساتلو لپاره ظلم او تشدد كوي چې ورسره به په منطقه كښې تاؤ تريخوالې زيات شي۔ د امن په لار كښې هند خنډ دے٬ بايد ملګري ملتونه د دې حالاتو نوټس واخلي۔ په مظاهره كښې د پاكستانو ګوندونو استازو كشميريانو سره د يووالي څرګندونه وكړه۔
په برمنګهم كښې د هندي قونصلېټ په وړاندې د بېلا بېلو كشميري او د پاكستانو ګوندونو احتجاجي مظاهره
په برمنګهم كښې د هندي قونصلېټ په وړاندې د بېلا بېلو كشميري او د پاكستانو ګوندونو احتجاجي مظاهره | APP Pashto service
