اسلام آباد 23 نومبر (اے پي پي) د خانه كعبه امام پروفېسر ډاکټر صالح بن عبداللہ بن حميد وئيلي دي د انسان قتل حرام دے٬ په غزه كښې د مسلمانانو قتل عام روان دے٬ نړيوال قوتونه دې د بشري حرمت پالنې ترمخه د بې ګناه فلسطينيانو د قتل عام لاره نيولو كښې كردار ولوبوي۔ دا خبرې امام كعبه په نړيوال اسلامي پوهنتون كښې “شريعه او د قانون په رڼا كښې د انساني ځان حفاظت” په سرخط نړيوال كنفرنس ته خپلې خاص وېنا كښې كړې۔ په فېصل مسجد کېمپس كښې كنفرنس ته خپلې وېنا كښې امام کعبه ووئيل په غزه كښې د بې ګناه وګړو قتل عام د انساني تاريخ تور دور دے ۔ ده د انساني ځان د تقدس ذكر كولو سره ووئيل رب كرېم په انساني ځان قسم پورته كړے او اسلامي دين د انساني ځان ضياع څخه په سختۍ سره منع فرمائيلي ده ۔ ډاکټر صالح بن عبداللہ ووئېل د كوم سبب نه غېر انسان وژنې د جهنم وعيد دے۔ ده په دې موقع ډاکټر ھذال حمود العتيبي او د اسلامي پوهنتون د خدمات ستائنه وكړه۔ ده ووئيل د پاكستان خلق مينه ناك او مېلمه دوسته دي۔ ده هيله څرګنده كړه چې د كنفرنس په موضوع مقالات او د سكالرز د لارې به مهم تجويزونه او سفارشات رامخې ته شي۔ په د موقع د تعليم لنډ مهاله وزير ډاکټر مدد علي سندھي هم خپله وېنا كښې د پاكستان په دوره كولو د امام كعبه مننه وكړه۔ په دې موقع د پوهنتون رېكټرې ډاکټر ثمينه ملك د پوهنتون صدر ډاکټر ھذال حمود العتيبي هم وېنا وكړه ۔ په دستوره كښې د سعودي عرب سفير نواف سعيد المالکي، د جامعه نائب صدور او د يو شمېر هېوادونو سفيرانو٬ د فېكلټۍ غړو او زده كوٶنكو ګډون وكړو۔ د يادونې وړ ده چې امام كعبه د نړيوال اسلامي پوهنتون په كنفرنس كښې ګډون لپاره اسلام آباد ته راغلے دے او د جمعې په ورځ به په فېصل مسجد كښې د جمعې مونځ امامت هم كوي۔
نړيوال قوتونه دې د فلسطينيانو د قتل عام لاره نيولو كښې كردار ولوبوي۔ د امام کعبه پروفېسر ډاکټر صالح بن عبداللہ بن حميد په اسلامي پوهنتون كښې نړيوال كنفرنس ته وېنا
نړيوال قوتونه دې د فلسطينيانو د قتل عام لاره نيولو كښې كردار ولوبوي۔ د امام کعبه پروفېسر ډاکټر صالح بن عبداللہ بن حميد په اسلامي پوهنتون كښې نړيوال كنفرنس ته وېنا | APP Pashto service
