قامي اسمبلۍ د ځينې بدلونونو سره د سپريم كورټ پريكټس اينډ پروسيجر بل 2023 منظوري وركړه

اسلام آباد 29 مارچ (اے پی پی) قامي اسمبلۍ د ځينې بدلونونو سره د سپريم كورټ پريكټس اينډ پروسيجر بل 2023 منظوري وركړې ده ۔د شورو په ورځ د قانون او انصاف وفاقي وزير اعظم نذير تارړ په قامي اسمبلۍ كښې د قائمه كمېټۍ په رپورټ شوې صورت په بل سمدستي غور كولو له تحريك وړاندې كړو ٬ د تحريك منظورۍ نه پس هغه بل وړاندې كړو په كوم چې بحث كښې مولانا عبدالاكبر چترالي ووئيل د دې ادارې اصل كار قانون سازي ده٬ دې څخه كوم عدالت يا اداره دا اېوان منع كولې نه شي خو د ازخود نوټس بل راوړلو كښې د عجلت په ځې ټولو ډلو سره مشاورت كول پكار وو٬كے پي كے سېلاب ځپليو ته تراوسه رېليف نه دې وركړے شوے ٬مونږ له به خپلې ادارې قوي كول وي٬د عدليې مراعات په نړۍ كښې په پنځم او كاركردګۍ په 128مې لمبر ده ۔د تحريك انصاف غړي احمد حسن ديهړ ووئېل زه په دې بل مباركي دركوم٬ دې بل څخه به غريب ته انصاف ترلاسه شي٬دا بل د وكيلانو زړه غوښتنه وه٬ ده ووئېل د دې هېواد تباه كولو لپاره نړيوال سازشونه كېږي٬حامد خان دا بل ستائېلے دے ٬د سوموټو پريكړې اختيار سينئر ترين ججانو ته وركولو څخه به د انصاف تقاضې پوره شي٬ دې څخه به د قانون حكمراني رامخې ته شي ۔د تحريك انصاف غړي صالح محمد ووئېل بل په عجلت كښې وړاندې شوے٬مونږ هم په عدليه كښې د اصلاحاتو په حق كښې يو٬په دې بل كښې زمونږ بدلون هم شامل كړے شي٬د دې بدلون لپاره په دريو كښې د دوو اكثريت ضرورې دے ۔د مخالفې ډلې مشر راجه رياض احمد ووئېل په بل وړاندې كولو د قانون وزير او ايوان مننه كوو٬دا د وخت تقاضا وه٬دا د عدليې آزادۍ لپاره دے ٬عام كس ته به د بل څخه انصاف ترلاسه شي٬د سوموټو په اړه به ون مين شو ختمه شي٬حكومت او اپوزېشن د وكيلانو نمائنده بل وړاندې كړے ٬ ده ووئېل په ښه قانون جوړولو كښې چې څومره بيړه وكړې شي هغه د ستائنې وړ ده ٬د دې بل په منظورۍ حكومت او اپوزېشن ته مباركي وركوو۔د اېم كيو اېم پاكستان غړې كنور زهره ووئېل په دې بل دې تاخير ونه كړے شي٬٬قوانين پارليمان جوړوي٬دې ووئېل د پارليمان غړو ته غل٬ډاكو وئېلے كېږي او مونږ چرته د دغې په ضد درخواست نشو وركولر٬دا پارليمان دا درناوے لري چې د عدليې لار سمه كړي او د پارليمان تحفظ وكړي ۔وفاقي وزيرې شيري رحمان په بل بحث كښې ووئېل وزيراعظم مربوط او ښكاره صورتحال وړاندې كړے٬وزيراعظم پابند نه دے خو بيا هم پريكړه د كابينې سره كوي٬د دې طاقت او مقبوليت د هر يو لپاره وي٬په عدليه كښې مو په وړومبي ځل تقسيم وليدلو٬دا د عدليې او هېواد لپاره ښه خبر نه دے ٬ دې ووئېل د قانون حكمراني او قانون سازي د دې پارلمان حق دے په كوم كښې چې تر ډېره حده مداخلت كېږي٬پارليمان چې كله خپل حق استعمالوي نو په دې شور كول نه دي پكار٬ آمر د خپلې خوښې په بينچ جوړولو د بهټو عدالتي قتل كړے٬٬جنرل ضياﺀ د بينچ تشكيلولو پشمول نور اختيارات يو كس ته وركړي وو ٬ دې قانون ختمولو كښې 43 كاله لګېدلي٬دا د پارليمان حق دے ٬په دې كښې د تصادم كوم صورتحال نشته ٬ دې ووئېل پارليمان به ونه غواړي چې هېواد هيجاني كيفيت ته لاړ شي٬پارلمان پخپله دائره كښې خپل حق استعمالوي ٬ دې ووئېل مقننه هم غواړي چې صورتحال پر امن وي٬دې ووئېل د پارليمان او مقننه ترمينځه د تصادم تاثر سم نه دے٬مونږ مستحكم حكومت غواړو٬مونږ مستحكم ګورننس غواړو۔د جمعيت علماﺀ اسلام(ف)قامي اسمبلۍ غړي مفتي عبدالشكور ووئېل نن په سم وخت قانون سازي كېږي ٬ په دې حكومت ته د عقيدت پېرزوئنې وړاندې كوو٬قانون سازي د دې پارليمان حق دے او مونږ خپل حق استعمالوو او مونږ د خپل حدود څخه بهر نه يو وتلي ٬د فاټا اولس په سپريم كورټ كښې كيس دائر كړے خو د دريو كلونو څخه تاريخ نه وركړے كېږي۔په بحث كښې د جي ډي اے غړي سائزه بانو ووئېل د وړيا او سمدستي انساف ضرورت يوازې اشرافيه نه لري ٬دا اصلاحات به كله كېږي٬اولس ته دې آسانۍ وركړی شي۔د تحريك انصاف غړي محسن لغاري ووئېل په دې د ټولو اتفاق وو چې دا ډول بل پكار دے خو دا كتل دي چې مونږ په سمه طريقه دا كار كوو ؟ ٬پارليمان بالادسته اداره ده٬ دا قانون جوړوي او كله چې قانون جوړ شي نو مونږ د هغې تابع شو۔د قانون وفاقي وزير اعظم نذير تارړ ووئيل قانون د آئين تابع دے٬چې كوم قانون جوړېږي دا به سپريم كورټ ته وائي چې د خپلې ادارې په حدود كښې چرته چې خلا وي هغه دې لرې كړی شي٬رولز تل د قانون تابع او قانون تل د آئين تابع جوړېږي۔په سپريم كورټ كښې د بينچ جوړولو اختيار كوم وزير ته نه بلكې هغه اختيار د چيف جسټس او هغه سره په سنيارټۍ وړومبنو دوو ججانو ته وركړے شوے ٬ دا قرين انصاف دے ٬ دې څخه به زيات ښه والے راشي٬ ده ووئېل د آئين آرټيكل 188 د نظرثانۍ آئيني حق وركوي٬د دې نه علاوه د سپيځلي ټرائل په اړه قانون موجود دے٬د خپلې خوښۍ وكيل مقرر كول هم بنيادي حق دے٬دا مداخلت به هغه مهال تصور كېدوكله چې مونږ چرته نا اشنا ته هلته داسې اختيار وركولو۔د قانون وزير ووئيل دا ايوان د خپل اختيار څخه خبر دے٬دا قانون سازي د آئين له مخې ده۔ دغسې سپيكر تحريك په ايوان كښې وړاندې كړو د كوم چې ايوان منظوري وركړه او د دې نه پس هغه د بل شق وار منظور تر لاسه كړه ۔ ذيلي شق ون كښې محسن داوړ بدلون وړاندې كړو۔د قانون وزير د دې مخالف ونه كړو او دا يې مناسب بدلون وګرځولو۔د محسن داوړ كلاز فائيو سب كلاز ټو كښې بدلون كول غوښتل ۔ده ووئيل دا قانون به د خپلې منظورۍ نه پس نافذ العمل وي خو د دې څخه وړاندې چې كوم خلق د دې څخه متاثره شوي هغوي ته به د دې ازاله څنګه ترلاسه كېږي ځكه چې هغوي ته د درخواست حق نه دې وركړے شوے۔د بار سينئر قيادت هم دا تجويز وركړے دغسې چې د دې قانون څخه متاثر كس په 30 ورځو كښې دننه د خپلې نظرثانۍ درخواست دائر كولې شي۔بلاول بهټو زرداري ووئيل دا بدلون خو ښه دے خو دا په تاخير غور لپاره راوړلے شوے۔د قانون وفاقي وزير ووئيل چې كله قانون جوړېږي نو هغه د راتلونكو وختونو لپاره وي٬د محسن داوړ نكته نظر درست دے٬د دې قانون نافذالعمل كېدو نه پس ملتوي او د نظرثانۍ درخواست لپاره د 30 ورځو وخت وركړے كېږي۔د توان وفاقي وزير خرم دستګير خان ووئېل مونږ د پاكستان اولس نمائندګۍ لپاره دلته موجود يو٬د پاكستان پارليمان آرټيكل 25 په آئين پاكستان كښې شامل كړے نو د دې بيا بيا لوستلو ته ضرورت دے٬دا آرټيكل د پاكستان هر وګړي ته د قانون له مخې يو ډول تحفظ وركوي٬مونږ د قانون په وړاندې ځواب وركوونكې يو او تحفظ هم ترلاسه لرو ٬ ده ووئېل دا پارليمان د خپلواكۍ٬قانون سازۍ او د پاكستان اولس حق حاكميت په اړه يو مهم سنګ ميل سر كونكے دے نو مونږ له بيا بيا د دې پخلے كول وي چې د پاكستان د آئين په ابتدائيه كښې دا ليكلې شوي چې د لوي څښتن د حاكميت نه پس په پاكستان كښې د دې هېواد منتخب استازو ته حاكميت وركړے شوے ٬ كومې بلې ادارې ته دا اختيار نه دے وركړے شوے٬ ده ووئېل مونږ د خپلې سيمې د خلقو حقونو تحفظ لپاره دلته ولاړ يو٬د سم كار لپاره هر وخت ښه دے٬آئين هر وګړي ته د سپيځلې ټرائل حق وركوي۔رميش كمار ونكواني ووئېل دا بل ډېر ښه دے٬كه چرې دا كار سپريم كورټ پخپله كړے ؤ نو ښه به وه٬درې كاله د فل كورټ نه جوړېدو په سبب پارليمان ته دا قانون سازي كول وه۔د قانون وزير ووئيل كه چرې د محسن داوړ بدلون هاؤس منظوروي نو په دې كښې هېڅ بدعت نشته ۔بلاول بهټو زرداري ووئېل مونږ هم د دې شق ملاتړ كوو۔سپيكر د محسن داوړ بدلون په ايوان كښې وړاندې كړو د كوم چې ايوان منظوري وركړه۔د شق وار منظورۍ نه پس د قانون وزير د بدلون سره بل منظورۍ لپاره وړاندې كړو د كوم چې ايوان منظوري وركړه