ملګري ملتونه ۔ 22 فروری(اے پی پی) پاكستان په مقبوضه جموں وكشمير كښې په كنټرول لائن د امن او سلامتيا تحفظ باوري كولو له په هند او پاكستان كښې د ملګرو ملتونو د مبصر مشن (یو اېن اېم او جی آئی پی) لا فعاله كولو په حاجت زور راوړے۔ په ملګرو ملتونو كښې د پاكستان مستقل استازي منېر اكرم د امن آپرېشنز خاص كمېټۍ د كال 2023 اولني سېشن ته خطاب كښې ووئيل یو اېن اېم او جی آئی پی د سلامتي كونسل د اړوندو قراردادونو له مخې په جموں وكشمير كښې لائن آف كنټرول سره تړلې سيمو كښې د امن او سلامتيا په ځايې ساتلو كښې مهم كردار ترسره كړے او په سباؤن كښې به هم دا دوامدار ساتي۔ د ملګرو ملتونو مبصر مشن ( یو اېن اېم او جی آئی پی ) د كال 1949 په جنورۍ مياشت كښې په جموں وكشمير كښې د هند او پاكستان ترمينځه د جنګ بندۍ نګرانۍ لپاره تعينات كړے شوے ؤ ۔ پاكستان د ملګرو ملتونو مبصرينو ته د نګرانۍ كولو اجازه وركړې خو هند دې څخه انكار كړے دے۔
په كنټرول لائن امن او سلامتيا باوري كولو له به د ملګرو ملتونو مبصر مشن لا فعاله كول وي ٬ سفير منېر اكرم
په كنټرول لائن امن او سلامتيا باوري كولو له به د ملګرو ملتونو مبصر مشن لا فعاله كول وي ٬ سفير منېر اكرم | APP Pashto service
