اسلام آباد 03 جون (اے پي پي)د بهرخيو چارو وزير مخدوم شاہ محمود قرېشي وئيلي دي افغانستان كښې د امن او سلامتيا په تنيجه كښې به شريك روابط او اقتصادي پرمختګ وده ومومي، د دريو هېوادونو امن ٬ سوكالي او معاشي پرمختګ يو بل سره تړلے دے٬ افغانستان څخه د غېر ملكي ځواكونو انخلاء څخه د امنيت سنګين چېلنجونه رامخې ته دي، پاکستان عمر له چين او افغانستان سره اړيكې قوي كولو لپاره هڅې كړي۔ د زيارت په ورځ د چين ، افغانستان او پاکستان د خارجه وزيرانو درې كسيزه غونډې ته خپله وېنا كښې خارجه وزير شاه محمود قرېشي ووئيل زه باور لرم چې ننني غور سره به د دريو واړو هېوادونو مرسته لا قوي شي او د روابطو نوې لارې به پرانستلې شي٬ په سيمه ايز او دوه اړخيزه تناظر كښې پاكستان عمر له دا هڅه كړې چې چين او افغانستان سره اړيكې قوي وي۔ ده ووئيل پاكستان تل درې كسيزه فورم ته اهميت وركړے دغسې چې د شريكې ګټې په څانګو كښې مرسته او د اشتراك عمل زيات كړے شي۔ده ووئېل مونږ دا پوخ باور لرو چې زمونږ د دريو واړو هېوادونو امن٬ خوشحالي او معاشي پرمختګ يو بل سره تړلي دي ۔ ده ووئيل درې كاله وړاندې دريو واړو هېوادونو د درې كسيزه فورم جوړولو په خيال غور كړے ٶ دغسې چې افغانستان او په منطقه كښې د امن او استحكام ودې لپاره شريكې سټرې وكړې شي او دې سره سره امنيت او د ترهګرۍ مخنيوي په څانګو كښې مرسته زياته كړې شي۔ وفاقي وزير ووئيل په منطقه كښې يو بل سره د تړلے كېدو او بامعني منصوبو سره معاشي پرمختګ كښې زياتوالے ممكن دے۔ ده ووئيل دا مهال مونږ پرله پسې د دې فورم د لارې مخ په وړاندې روان يو۔ خارجه وزير ووئيل نن زمونږ غونډه په يو مهم وخت كښې كېږي ٬ د امريكې او ناټو ځواكونو د وړاندې نه افغانستان څخه انخلاء پېل كړې ٬ دا مهم مضمرات لري ٬ زمونږ په نظر كښې افغانستان څخه د غېر ملكي ځواكونو انخلاء سره كه يو خوا د امنيت سنګين چېلنجونه رامخې ته دي نو بلخوا افغانستان كښې د امن او روغې جوړې او د كورنيو شخړو خاتمې له يوه نادر موقع وركوي٬ دې لپاره مونږ له به دا كتل وي چې د رامخې ته صورتحال په موثره ډول مخنيوي لپاره او په افغانستان او منطقه كښې كوټلي امن او د سلامتيا شريك مقصد ترلاسه كولو لپاره مونږ درېو واړو ګاٶنډيان هېوادونه څنګه په ګډه كار كولې شوو ۔ ده ووئيل پاکستان، چين او افغانستان په داسې منطقه كښې پراته دي كوم چې بلها موقعې لري او د كومو د لارې چې شريكې ګټې له معاشي او پرمختيائي مرستې ته وده وركړې كېدې شي، په جغرافيائي توګه درې واړه هېوادونه د تاريخي لارو په ذريعه يو بل سره تړلي شوي كوم چې په ختيز او لويديز او په شمال او سوئيل اډاڼه لري۔ ده ووئېل افغانستان كښې د كوټلي امن او سلامتيا په نتيجه كښې به داسې سازګار ماحول جوړ شي كوم چې به منطقه يو بل سره وتړي او معاشي مرستې سره به حقيقي صلاحيت ته د ودې وركولو موجب شي٬ د جديد او ټيکنالوجۍ د پېشرفت د لارې به په يو بل انحصار زيات شي۔ خارجه وزير هيله څرګنده كړه چې د درې كسيزه غونډې په اېجنډا موجود ټول نكات به تعميري، د نتيجې وړ او بامعني ثابت شي۔
افغانستان كښې د امن او سلامتيا په تنيجه كښې به شريك روابط او اقتصادي پرمختګ وده ومومي۔ خارجه وزير شاه محمد قرېشي
افغانستان كښې د امن او سلامتيا په تنيجه كښې به شريك روابط او اقتصادي پرمختګ وده ومومي۔ خارجه وزير شاه محمد قرېشي | APP Pashto service
مضمون کا ماخذ : خوش قسمت لڑکی
