اسلام آباد 02 جون (اے پي پي) وزيراعظم عمران خان وئيلي دي تاجکستان سره د تجارت پشمول په بېلا بېلو څانګو كښې په مرسته د خيالاتو څرګندونه شوې٬ د منطقې پرمختګ او امن لپاره د افغانستان شخړې سوله ايز سياسي حل ضرورې دے ٬ د ماحولياتي خيرنوالي په معامله به پاكستان او تاجكستان په ګډه غږ پورته كوي، د هند په كشمير كښې د پنځم اګست اقدامات د منطقې امن لپاره خطري او د پرمختګ په لاره كښې خنډان دي۔ د شورو په ورځ د تاجکستان صدر امام علي رحمان سره شريك خبري كنفرنس ته وزيراعظم عمران خان ووئيل د تاجکستان د صدر هركلے كوم ٬ ھغوي د دې نه وړاندې هم پاكستان ته راغلي وو ۔ وزيراعظم ووئيل زما او د تاجکستان د صدر د زېږون نېټه يوه ده٬ مونږ نن په يو شمېر چارو خبرې كړي چې پكښې تجارت د ټولو نه مهم دے٬ د دواړو هېوادونو ترمېنځه د تجارتي اړيكو ودې لپاره په اېم او يوز لاسليك شوے چې ورسره به د دواړو هېوادونو ترمېنځه تجارتي اړيكې زياتې شي٬ ګوادر څخه هم تاجكستان بشپړه استفاده كولې شي او دې سره به زمونږ د شريك تجارت اړيكې لا مستحكمې شي۔ وزيراعظم عمران خان ووئيل د تعليم، كلتور او د دفاع په څانګو كښې په اېم او يوز لاسليك شوے٬ تاجکستان د پاکستان په جوړېدونكې وسله كښې هم خوښي لري٬ مونږ به د دفاع په څانګه كښې هم خپلې اړيكې زياتوٶ او په دې لړ كښې به نورې خبرې هم كېږي۔ وزيراعظم ووئيل دواړه هېوادونه يو ډول چېلنجونو سره مخ دي د دواړو هېوادونو ترمېنځه د تجارتي رابطو ودې لپاره په افغانستان كښې امن ډېر اهميت لري٬ مونږ دا اندېښنه لرو چې كه د افغانستان د مسئلې سياسي حل نه راوتو په صورت به مونږ هم وځپلے شو او منطقې سره زمونږ تجارت به هم متاثره شي او ترهګري به هم زياته شي ۔ده ووئېل افغانستان څخه چې كوم ترهګر دلته په راتللو پناه اخلي د ھغوي شمېره هم زياتېدې شي٬ تاجکستان هم دا اندېښنې لري او دې لپاره دواړو هېوادونه دا خواهش لري چې كله افغانستان څخه غير ملکي پوځ ستون شي نو چې هلته يو سياسي حكومت جوړ شي كوم چې به د اړي ګړي لار ونيسي او امن به راشي۔ده ووئېل نړيوالې مرستې سره په افغانستان كښې سوله ايز سياسي حل ضرورې دے ٬ د تاجکستان صدر سره په دې لړ كښې خبرې شوي ۔ وزيراعظم ووئيل درېم چېلنج چې دواړو هېوادونو ته رامخې ته دے ھغه د ماحولياتي بدلون دے٬ دواړه هېوادونه د ګلېشيئر په اوبو اړه لري۔ وزيراعظم ووئيل د تاجکستان صدر ما ته ووئيل زمونږ يو زر ګلېشئېر ويلي شوي او زمونږ هم اتيا فيصده اوبه د ګليشئېر نه راځي او ګلوبل وارمنګ څخه د كاربن اخراج څخه ماحوليات سخت خطر سره مخ دے۔ده ووئېل ګردې نړۍ له به په ګډه د ګلوبل وارمنګ لاره نيولو لپاره اقدامات كول وي٬ مونږ په دې حقله هم د خيالاتو څرګندونه كړې او په ګډه به غږ پورته كوٶ۔ وزيراعظم ووئيل په منطقه كښې د موجود موقعو څخه هله استفاده كېدې شي كله چې په منطقه كښې امن وي٬ هند په پنځم اګست كال 2019 د كشمير په اړه يو اړخيزه اقدامات كړي ٬ كومه چې د ملګرو ملتونو د سلامتي كونسل د قراردادونو او نړيوال قوانين خلاف ورزي ده او ځكه هند سره تجارتي اړيكې د پنځم اګست اقداماتو تر بېرته اخستو نشي قائمېدے ٬ هندي اقدامات د منطقې امن لپاره خطر لري۔ وزيراعظم ووئيل پاكستان لوي ستراتېژكي اهميت لري ٬ پاكستان ټولې سيمې كنېكټ كولې شي٬ د هند رويې په سبب د ټولې منطقې پرمختګ ځپلے كېدے شي۔ ده ووئيل د تاجکستان صدر سره د اسلامو فوبيا په اړه هم د خيالاتو څرګندونه شوې ۔ ده ووئيل د اسلامو فوبيا له امله مسلمانانو ته په خاص توګه لويديز كښې غټې ستونزې رامخې ته دي٬ د اسلامو فوبيا د ټولو نه لوي سبب د آزادۍ د اظهار په لمن كښې د حضرت محمد په شان كښې ګستاخي او اسلام ترهګرۍ سره تړل دي ۔ وزيراعظم ووئيل كال 2025 به د ګليشيئرز ويلې كېدو په اړه د شعور بېدارولو او د تحفظ د كال په توګه لمانځلے شي۔ وزيراعظم ووئيل تاجکستان سره د کرپشن مخنيوي لپاره د اداره جاتي مرستې پحقله هم خبره شوې۔د ملګرو ملتونو ادارې راپور له مخې هر كال زر اربه ډالره د پرمختګ كوٶنكو هېوادونو څخه پرمختللې هېوادونو ته منتقل كېږي٬ د کمزوري ليګل سسټم له امله د غريبو هېوادونو دولت د لوټ كولو نه پس شتمندو هېوادونو ته منتقل كېږي٬ په دې لړ كښې اقدامات ته اړتيا ده۔ په دې موقع د تاجكستان صدر امام علي رحمان ووئيل زه د دورې په بلنه او په تود هركلي كولو د وزيراعظم عمران خان مننه كوم٬ نننے ملاقات په ډېر خوشګوار ماحول كښې شوے او دې سره به شريكه همكارۍ لا زياته شي٬ د پلاويو په كچه تعميري خبرې شوي چې ورسره به د دواړو هېوادونو ترمېنځه د مرستې او د دوستۍ اړيكې زياتې شي۔ ده ووئيل پاكستان سره زمونږ اړيكې د دوستۍ او په شريك اعتماد اډانه دي٬ تاجکستان پاکستان خپل مهم ورور هېواد ګڼي٬ پاکستان سره د تجارت پشمول په بېلا بېلو څانګو كښې مرستې له خوښي لرو۔
تاجکستان سره په بېلا بېلو څانګو كښې په مرسته د خيالاتو څرګندونه شوې٬ چې پكښې تجارت د ټولو نه مهم دے۔ وزيراعظم عمران خان
تاجکستان سره په بېلا بېلو څانګو كښې په مرسته د خيالاتو څرګندونه شوې٬ چې پكښې تجارت د ټولو نه مهم دے۔ وزيراعظم عمران خان | APP Pashto service
مضمون کا ماخذ : شریر چڑیل
