صوابي 14 مارچ (اے پي پي) د قومي اسمبلۍ سپيكر اسد قېصر وئيلي دي چې د سېنېټ په ټاكنو كښې په وړومبي ځل محروم سيمو نمائندګي ترلاسه كړې، اپوزيشن دې د سېنېټ ټاكنو نتيجې تسليم كړي. د اتوار په ورځ د ګاز پروژې پرانستې په موقع يوې غونډې ته په خپله وېنا كښې ده ووئيل چې اپوزيشن دې د اولس خېر ښېګړۍ لپاره په قانون سازې كښې مرسته وكړي. په سېنېټ كښې د اوپن بېلټ غوښتنه مونږ د كال ٢٠١٣م نه لرله. مونږ پوره هڅه كړې چې د سېنېټ ټاكنې سپېځلې كولو لپاره قانون سازي وكړې شي. ده ووئيل چې كه اپوزيشن د اوپن بېلټ په اړه زمونږ غوښتنه منلې وې نو نن به په كومو نتيجو اندېښنې نه وې. ده ووئيل چې هيله ده صادق سنجراني او مرزا آفريدي به د بلوچستان او د پخوانې فاټا د محرومې ازاله وكړي.
د سېنېټ په ټاكنو كښې په وړومبي ځل محروم سيمو نمائندګي ترلاسه كړې. اسد قېصر
د سېنېټ په ټاكنو كښې په وړومبي ځل محروم سيمو نمائندګي ترلاسه كړې. اسد قېصر | APP Pashto service
