اسلام آباد 24 فروري (اے پي پي) وزيراعظم عمران خان وئيلي دي د منطقې اولس د غربت نه خلاصولو لپاره تجارتي اړيكې زياتول ضروري دي، د اروپائي ائتلاف په طرز به مونږ له په منطقه كښې تجارتي اړيكې جوړول وي، د ستونزو حل جنګ نه خبرې اترې دي، پاكستان د چين او امريكې ترمېنځه په زياتېدونكي خليج كښې د پخوا غوندې يو ځل بيا بشپړ كردار ترسره كولې شي، د سري لنكا تجارتي ټولنې له په سي پېك كښې د سرماريه كارې كولو بلنه وركوم، په پاكستان كښې د مذهبي مقاماتو پشمول د سېلګرې ډېرې موقعې شته . ده دا خبرې د شورو په ورځ د پاكستان-سري لنكا وړومبي ټرېډ اېنډ انوېسټمنټ كانفرنس ته د وېنا كولو په مهال وكړې. په دې موقع د سري لنكا وزيراعظم مهندار راجا پكسے هم موجود ؤ. وزيراعظم عمران خان ووئيل ما د غربت ختمولو مقصد تر مخه 25 كاله مخكښې سياست پېل كړے ؤ او د كېنسر روغتون جوړولو مقصد هم دغه ؤ ځكه چې د كېنسر علاج ډېر ګران ؤ او د عام وګړي په وس كښې نه ؤ، د فلاحي كار كولو په وخت ما محسوس كړه چې د پاكستان زياتره اولس غربت، غدائي كمي او ګرانې سره مخ دے. ده ووئېل پاكستان او سري لنكا يو ډول ستونزو سره مخ دي ٬ زما د سري لنكا صدر سره تېره ورځ په بېلا بېلو چارو خبرې شوي، د ضرورت څيزونو بېعه كمولو په اړه هم ښې خبرې شوي. وزيراعظم ووئيل ما په چين كښې ليدلي چې هغوي د هول سېل او ريټېل ترمېنځه فرق د ټېكنالوجې د لارې كم كړے چې دغسې عام وګړې ترې استفاده وكړې شي. ده ووئيل د سرمايه كارې د لارې مونږ په غربت كښې كمے راوستلے شو. كاروبار اسانول او برآمدات زياتولو ته پام لرنه كوو . ده ووئيل چين په 35 كلونو كښې 70 كروړه خلق د غربت نه خلاص كړي. دا لويه كاميابي ده. د كاروباري چارو مقصد د دولت پېداوار او د غربت خاتمه ده. د سرمايه كارې موقعې راپېدا كولو سره مونږ غربت ختم كولے شو. وزيراعظم ووئيل سياسي استحكام او ګاونډيانو سره غوره اړيكې هم په غربت كښې د كمي ذريعې دي. ده ووئيل پاكستان او سري لنكا د ترهګرې مقابله كړې، ترهګري د سرمايه كارۍ او سېلګرې لپاره خطر دے. اقتدار ته د راتللو نه پس مې هند سره د غوره اړيكو جوړولو او د تاٶ تريخوالي كمولو هڅه كړې او د هند وزيراعظم نرېندر مودي ته مې د خبرو بلنه وركړې وه خو مونږ كاميابي ترلاسه نه كړې شوه. ده ووئيل د منطقې اولس د غربت ته خلاصولو لپاره تجارتي اړيكو ته وده وركول ضروري دي، د اروپائي اېتلاف په طرز به مونږ له په منطقه كښې تجارتي اړيكې جوړول وي، د ستونزو حل جنګ نه په خبر ېاترې دي ، پاكستان او هند ترمېنځه د كشمير شخړه موجود ده كومه چې يوازې د خبرو د لارې حل كېدې شي. ده ووئېل چين سره د شخړو لرلو د تجارت په زياتولو كښې كامياب شوے . په نيمه وچه كښې به هم شخړې په خبرو اترو حل كول وي. وزيراعظم ووئيل په كركټ كښې د سري لنكا لوبډلې په بريا خوشحاله يم. د سري لنكا او پاكستان ترمېنځه د لوبو په حقله د مرستې زياتولو ضرورت دے. كانفرنس ته خارجه وزير شاه محمود قريشي په خپله وېنا كښې ووئيل د امن او پرمختګ وده زمونږ اېجنډا ده. ده د سري لنكا كاروباري ټولنې ته د پاكستان دورې كولو بلنه هم وركړه. كانفرنس ته د تجارت صلاحكار عبدالرزاق داٶد هم وېنا وكړه او وې وئيل د دې كانفرنس انعقاد خوشبينه دے. مونږ د دواړو هېوادونو ترمېنځه د تجارت او سرمايه كارې د نوو موقعو څخه استفاده كول غواړو. سري لنكا په پاكستان كښې د ګوادر بندر څخه هم استفاده كولې شي. كانفرنس ته په سري لنكا كښې د پاكستان هائي كمشنر مېجر جنرل ﴿ر﴾ سعد خټك هم وېنا وكړه او وې وئيل پاكستان او سري لنكا په ډېرو چارو د يو بل ملګرتيا كړې. كانفرنس ته د سري لنكا د تجارت وزير اجيت نيوات په خپله وېنا كښې ووئيل مونږ به كله به چې وزيراعظم عمران خان په كركټ كولو ليدلو نو ډېر به خوشحاله وو او نن هغه مونږ سره ناست دے او نن هم مونږ خوشحاله يو. ده ووئيل د تجارت ودې سره به منقطه د غربت نه خلاصې ومومي.
د منطقې اولس د غربت نه خلاصولو لپاره تجارتي اړيكې زياتول ضروري دي، د اروپائي ائتلاف په طرز به مونږ له په منطقه كښې تجارتي اړيكې جوړول وي، د ستونزو حل جنګ نه خبرې اترې دي . وزيراعظم عمران خان
د منطقې اولس د غربت نه خلاصولو لپاره تجارتي اړيكې زياتول ضروري دي، د اروپائي ائتلاف په طرز به مونږ له په منطقه كښې تجارتي اړيكې جوړول وي، د ستونزو حل جنګ نه خبرې اترې دي . وزيراعظم عمران خان | APP Pashto service
