اسلام آباد 29 فروری (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې پاكستان نړيوال امن لپاره مثبت كردار ترسره كړے، د امن په اړه د وزيراعظم عمران خان بيانيه بريالې شوې، د كرونا وائرس په اړه به نېشنل اېكشن پلان د كابينې په غونډه كښې وړاندې كولې شي، په پاكستان كښې د كرونا وائرس په اړه كومه اېمرجنسي نه ده، د وائرس نه بچ كېدو لپاره دې مېډيا په اولس كښې احتياطي تدابير په ډاګه كړي. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان دا خبرې د خالي په ورځ د وزيراعظم د روغتيا خاص مرستيال ډاكټر ظفر مرزا سره يو ځائ خبري كنفرنس ته د وېنا كولو په مهال وكړې. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې مونږ ته د كرونا وائرس نه يره نه دي كول، د دې مقابله كول دي، د صوبائي حكومتونو نه د كرونا وائرس د انتظاماتو راپور طلب كړے شوے. په اولس كښې به خبرتيا او شعور بېدارولو لپاره د يوې ډلې په توګه كار كوو. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې د روغتيا وزارت د كرونا وائرس په اړه هر ډول ممكنه اقدامات كوي، ، د كرونا وائرس په اړه به نېشنل اېكشن پلان د كابينې په غونډه كښې وړاندې كولې شي، په پاكستان كښې د كرونا وائرس په اړه كومه اېمرجنسي نه ده، د وائرس نه بچ كېدو لپاره دې مېډيا په اولس كښې احتياطي تدابير په ډاګه كړي. په دې موقع د وزيراعظم د روغتيا خاص مرستيال ډاكټر ظفر مرزا ووئيل چې د كرونا وائرس په اړه د خالي په ورځ غونډه شوې. په غونډه كښ ې د اړوند وزارتونو او د چيف سېكترانو پشمول اعلٰی چارواكو ګډون وكړو. دا غونډه درې ساعته روانه وه. ده ووئيل چې په پاكستان كښې د كرونا وائرس د نورو دوه كېسونو راپور ترلاسه شوے، يو كېس په سندھ او يو په وفاق كښې راپور شوے. ده ووئيل چې وړومبي راپور شوي دواړه رنځوران په تندې سره مخ په ښه كېدو دي. ده ووئيل چې اېران ته د تلونكو زائرينو راستنېدل پېل شوي دي. د اېران او پاكستان ترمېنځه فضائي رابطې قطع دي. ده ووئيل چې هر چا ته د ماسك كارولو ضرورت نشته، د كرونا وائرس په اړه د ذمه وارې رويې ضرورت دے. ده ووئيل چې د كوم كېس اطلاع دې په 166 وركړې شي. ده ووئيل چې په غونډه كښې درې اړخيزه كمېټي جوړه كړې شوې چې پكښې به د روغتيا وزارت، د اطلاعاتو وزارت او د آئي اېس پي آر استازي شامل وي.
د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان د ډاكټر ظفر مرزا سره يو ځائ خبري كنفرنس ته وېنا
د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان د ډاكټر ظفر مرزا سره يو ځائ خبري كنفرنس ته وېنا | APP Pashto service
