اسلام آباد – 12 فيبروري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته ضرورت جي شين جي قيمتن ۾ گهٽتائي جي هدايتن تي موثر عملدرآمد سان ٽماٽي جي قيمت ۾ هڪ هفتي ۾ اٽڪل 15 سيڪڙو گهٽتائي رڪارڊ ٿي آهي. فرخ حبيب پنهنجي هڪ ٽوئيٽ ۾ چيو ته شماريات ڊويزن جي انگن اکرن موجب ٽماٽا، کنڊ، بيضا، بصر، مڱ جي دال، ايل پي جي سميت 14 ضرورت جي شين جي قيمتن ۾ گهٽتائي ٿي آهي. اطلاعات ۽ نشريات واري مملڪتي وزير چيو ته گذريل سال انهي عرصي جي ڀيٽ ۾ ڳاڙها مرچ پائوڊر جي قيمت 31.44 سيڪڙو، مڱ دال 27.75 سيڪڙو ۽ کنڊ جي قيمت ۾ 4.78 سيڪڙو گهٽتائي ٿي. هن چيو ته اهڙي طرح چڪن 4.51 سيڪڙو، بصر 4.16 سيڪڙو ۽ پٽاٽي جي قيمت ۾ گهٽتائي رڪارڊ ٿي آهي.
ضرورت جي شين جي قيمتن ۾ گهٽتائي جي هدايتن تي موثر عملدرآمد سان ٽماٽي جي قيمت ۾ هڪ هفتي ۾ اٽڪل 15 سيڪڙو گهٽتائي رڪارڊ ٿي آهي: فرخ حبيب
اسلام آباد – 12 فيبروري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته ضرورت جي شين جي قيمتن...
