اسلام آباد 29 اپرېل (اے پي پي) وزيراعظم عمران خان وئيلي دي راوي سټي پروژه يوه فلېګ شپ پروژه ده كومه چې په معاشي پرمختګ كښې ډېر اهميت لري، په هېواد كښې ماحولياتي تحفظ لپاره چې كوم اقدامات اوسني حكومت كړي ، په تېر وخت كښې مثال نه لري. ده دا خبرې د زيارت په ورځ د راوي سټي او د سېنټرل بزنس ډسټركټ پروژو د پرمختګ په اړه د غونډې مشري كولو په مهال وكړې. په غونډه كښې د اطلاعات او خپرونو وفاقي وزير چوهدري فواد حسېن، د خزانې وزير شوكت فياض ترين، د وزيراعظم خاص مرستيال ډاكټر شهباز ګل، د نيا پاكستان هاٶسنګ اتهارټۍ چيئرمېن لېفټېننټ جنرل﴿ر﴾ انوار علي حېدر او اعلٰی چارواكو ګډون وكړو. د پنجاب وزيراعلٰی صلاحكار ډاكټر سلمان، د پنجاب وزيراعلٰی خاص مرستيالې ډاكټر فردوس عاشق اعوان او د پنجاب چيف سېكرټري جواد رفيق ملك په بريفنګ كښې د وېډيو لنك د لارې ګډون كولو. د نيا پاكستان هاٶسنګ اتهاټۍ چيئرمېن وزيراعظم ته د پروژو په اړه بريفنګ وركړو. وزيراعظم د راوي سټي پروژې په اهميت زور رواړلو سره ووئيل راوي سټي پروژه يوه فلېګ شپ پروژه ده كومه چې په معاشي پرمختګ كښې ډېر اهميت لري، په هېواد كښې ماحولياتي تحفظ لپاره چې كوم اقدامات اوسني حكومت كړي هغه په ماضي كښې مثال نه لري. وزيراعظم د راوي سټي او سېنټرل بزنس ډسټركټ پروژو په لارو كښې د ستونزو د سمدستي هوارولو امر هم وكړو.
د وزيراعظم عمران خان په مشرې كښې د راوي سټي او سېنټرل بزنس ډسټركټ پروژو د پرمختګ په اړه غونډه
د وزيراعظم عمران خان په مشرې كښې د راوي سټي او سېنټرل بزنس ډسټركټ پروژو د پرمختګ په اړه غونډه | APP Pashto service
