اسلام آباد۔12دسمبر(اے پی پی) پاكستان په چمن كښې د عامو وګړو په ودانۍ د افغان بارډر فورسز د بې درېغه او ناترڅه ډزو پېښې غندنه كړې ده د كومې په نتيجه كښې چې 6 پاكستاني وګړي مړه او 17 ژوبل شوي دي۔ د خارجه دفتر وياند لخوا د جاري شوي بيان له مخې دا ډول د افسوس وړ پېښې د دواړو هېوادونو ترمينځه د ورورولۍ اړيكو سره سمون نه خوري۔ په بيان كښې وئيلې شوي دي چې افغان چارواكي خبر كړې شوي دي چې د دې ډول پېښو څخه بايد ډډه وكړې شي او د ذمه وارو په ضد دې سخته كارروائي وكړې شي۔ وياند ووئيل چې په پوله د ژوند كوؤنكو وګړو حفاظت د دواړو فريقو ذمه واري ده۔ د دواړو هېوادونو اړوند چارواكي د دې خبرې باوري كولو له يو بل سره تماس كښې دي چې صورتحال نور خراب نه شي او د داسې پېښو بيا رامخې ته كېدو څخه ډډه وكړې شي۔
د پاكستان په چمن كښې د عامو وګړو په ودانۍ د ډزو پېښې غندنه
د پاكستان په چمن كښې د عامو وګړو په ودانۍ د ډزو پېښې غندنه | APP Pashto service
