اسلام آباد 06 اکتوبر (اے پي پي) د خزانې وفاقي وزیر سینیټر اسحاق ډار وئيلي دي حکومت به په 19.99 روپۍ يونټ اېكسپورټرز ته برېښنا وركوي٬ پاكستان برآمدات زياتولو ته ضرورت لري٬ دغسې چې ایکسپورټرز د 12 فيصد نه په زياته شرح برآمدات كښې اضافه وكړي۔ د دې خيالاتو څرګندونه ده د زيارت په ورځ خبري كنفرنس ته خپلې وينا كښې وكړه۔ ده ووئيل د ډالر اصل بيعه د 200 روپو نه لاندې ده٬ د ډالره بيعه كښې كمي سره د هېواد په پور كښې 26 سوه اربه كمے راغلے ٬ دا د كار كولو وخت دے ٬ معاشي پرمختګ لپاره به كار كول وي ٬ زه ټولو سياسي ګوندونو ته يو ځل بيا وائيم چې په ميثاق معيشت كار وكړې او د هېواد پرمختګ لپاره ټول يو شي ۔ ده ووئيل نن ایکسپورټرز سره مذاكرات شوي٬ پاكستان برآمدات زياتولو ته اړتيا لري۔ ده ووئيل تېرو واكنو روپۍ بې واګو پرېښې وه٬ بيا ټولو وليدل چې څه وشول۔ ده ووئيل ایکسپورټرز سره څو مياشتې وړاندې لوظ شوے ٶ چې سږ كال به په 9 سېنټ برېښنا وركولې شي ٬دوي ته دوه مياشتې برېښنا وركړې شوه او بيا نظر ثاني پرې وشوه ٬ دوي سره دا لوظنامه تر جولائي كال 2023 شوې وه ۔ ده ووئيل په كال 2017 كښې مو د 180 اربه روپو پېكج وركړے ٶ چې برآمدات زيات شي چې په سبب ئې برامدات كښې 12 فيصد نه زياته اضافه شوې وه۔ ده ووئيل تېر حكومت برآمدات ته پام نه ٶ كړے٬ په هندي اېکسچینج رېټ 100 اربه ډالره لګولې شوې٬ زه چې الوتكه كښې كېښناتم نو د روپۍ قدر په ښه كېدو شو ٬ په دې د ماركيټ مننه كوم۔ ده ووئيل بزنس کمیونټی او كروندګرو ته كه ګټه وركړې شي نو معيشت به ښه شي٫ آئي اېم اېف ته مونږ په مخه ښه وئيلي وٶ٬ خو بيا ورله خوا له ورغلل۔ ده ووئيل نن مونږ د ایکسپورټرز نه لوظ اخستے چې كوم سوچ كوې په روپۍ كښې كوې ٬ دوي سره نن په روپۍ بيعه شوې او هغه 19.99 روپۍ ده ٬ كوم فرق چې تر مينځه كېږي ھغه به د خزانې وزارت برداشت كوي، د 90 نه تر سل اربه روپو به حكومت برداشت كوي۔ ده ووئيل عمران خان وړاندې هم خپل شوق پورا كړے او 126 ورځې ئې دهرنا وركړې٬ وړاندې هم په غېر مشروط توګه د دهرنې نه پاڅولے شوے ٶ٬ كه دهرنا ئې وركړه نو د قانون له مخې به ورسره كتلې شي ۔
حکومت به په 19.99 روپۍ يونټ اېكسپورټرز ته برېښنا وركوي٬ پاكستان برآمدات زياتولو ته ضرورت لري ۔ د خزانې وزير اسحاق ډار خبري كنفرنس
حکومت به په 19.99 روپۍ يونټ اېكسپورټرز ته برېښنا وركوي٬ پاكستان برآمدات زياتولو ته ضرورت لري ۔ د خزانې وزير اسحاق ډار خبري كنفرنس | APP Pashto service
