اپوزیشن د كومې نظريې لپاره نه بلكې خپل كرپشن بچ كولو له يو ځائے شوے دے۔ د كرپشن په ضد خپلې مقدمې ختمولو له حكومت بلېك مېل كوي۔ د وزيراعظم عمران خان “ستاسو وزيراعظم تاسو سره” پروګرام كښې خبرې

اسلام آباد۔30مئی(اے پی پی):وزیراعظم عمران خان وئيلي دي اپوزیشن د كومې نظريې لپاره نه بلكې خپل كرپشن بچ كولو له يو ځائے شوے دے۔ د كرپشن په ضد خپلې مقدمې ختمولو له حكومت بلېك مېل كوي۔ د دوئي خيال و چې حكومت به معاشي ستونزوې نه بهر نه شي او ډوب به شي۔ مونږ د سخت وخت نه رابهر شوے يوو۔ ټولې اقتصادي اشاريې مثبت پلو روانې دي۔ هېواد مخ په وړاندې روان دے۔ د حكومت معاشي كاميابۍ ليدلو سره اپوزيشن يرې اخستې دې۔ د روان مالي كال په مهال تر دې دمه د 4143 اربه روپو ټېكس وصولي شوې ده۔ هيله ده چې د نمو شرح به د روان مالي كال په مهال تر 4.5 فیصده ورسي۔ پنجاب پوليس به ټھيك كړو۔ د چا په زمكه كه قبضه وي نو په سټيزن پورټل دې شكايت درج كړي زمكه به بېرته وركړؤ۔ د پنجاب، خیبرپختونخوا او اسلام آباد زمكه بهر تر اګست مياشتې کمپیوټرائزډ كړې شي۔ هند او اسرائيل د ظلم د لارې د كشميري او فلسطيني اولس غږ غلې كولې نه شي۔ كه هند سره اړيكې بحال كړې شوې نو دا به كشميري اولس سره غداري وي۔ د دې خيالاتو څرګندونه هغه د اتورا په ورځ “ستاسو وزيراعظم تاسو سره” پروګرام كښې د وګړو د پوښتنو ځواب وركولو په م هال وكړه۔ وزیراعظم عمران خان ووئيل مونږ چې كله حكومت ترلاسه كړو نو هېواد سخت صورحتحال سره مخ و۔ مونږ ته ميراث كښې لويې ستونزې ترلاسه شوې۔ مونږ له هېواد چلول او د قرضو لويې لويې قسطونه ادا كول وو۔ ما د اول ورځې نه وئيلې وو چې مونږ له به د مشكل صورتحال نه تېرېل وي۔ وزیراعظم ووئيل ګراني او بې روزګاري عام وګړي لپاره دوه لويې ستونزې دي۔ معيشت مخ په وړاندې روان شوے دے ٬ بې وزلي به كمه شي او د روزګار موقعې به زياتې شي۔ وزیراعظم ووئيل اپوزيشن د اولې ورځې نه دا وائي زمونږ حكومت نااهل دے ځكه مونږ بايد اخوا كړې شؤ۔ دوئي پوځ ته وائي حكومت د مينځه نه لرې كړۍ۔ دوئي ته دا اندازه نه وه چې معاشي صورتحال به ښه شي او ګروت رېټ به 4 فيصد ته ورسي۔ د کوآپرېټو سوسائټی لخوا د رقم وصولولو باوجود د پلاټ نه وركولو په اړه د پوښتنې په ځواب كښې وزيراعظم ووئيل زمونږ حكومت په اولني ځل يو بورډ جوړ كړے دے كوم به چې د هاؤسنګ سوسائټو معاملو جاج اخلي چې دې كومې قانوني دي او هغوي قانوني تقاضې ترسره كړي دي۔ هغه ووئيل غېر قانوني هاؤسنګ سوسائټۍ به بندې كړؤ۔ خو كومې غېر قانوني سوسائټۍ چې اوس جوړې كړې شوي دي هغې لپاره بل سوچ كېدے شي۔ د جسټس عظمت په مشرۍ كښې كمېټي جوړه كړې شوې ده كومه به چې دې حوالې سره د صورتحال جاج اخلي۔ د كشمير او فلسطين حوالې سره د خارجه پالېسۍ په اړه د پوښتنې په ځواب كښې وزيراعظم ووئيل مونږ هند سره ښې اړيكې غواړو او يو خوا چين او بلخوا هند سره تجارتي اړيكو نه ګټه پورته كېدې شيِ ما اقتدار كښې راتللو سره هند سره د اړيكو ښه كولو هڅه وكړه ولې كه اوس هند سره اړيكې د معمول له مخې كولې شي نو به كشميري اولس سره غداري وي۔ هغه ووئيل مونږ كشميري اولس سره يؤ او دوئي د وينې په قيمت به تجارت نه كوؤ۔ هغه ووئيل د فلسطين مسئله ظلم او جبر او كشميري اولس يرولو سره حل كېدې نه شي۔ فسطينې اولس به غلام نه جوړېږي۔ نن د امريكا په شمول ټوله نړۍ كښې د فلسطيني اولس د روان ظلم په ضد غږ پورته كېږي۔ د دوه رياستونو جوړېدو كښې د فلسطين مسئلې حل دے۔ د ټاكنو اصلاحاتو په اړه د يوې پوښتنې په ځواب كښې وزيراعظم ووئيل ما ډېرو كمو ملګرو سره سياست پېل كړو او سياست كښې چې زه كومه تجربه لرم بل څوك نه لري۔ زه يوازې وم او ما په سياسي هلو ځلو او سياسي عمل كښې ډېر څه زده كړې دي۔ هغه ووئيل پي ډي اېم يو وارې بيا يو ځائې كېږي۔ اپوزیشن د كومې نظريې لپاره نه بلكې خپل كرپشن بچ كولو له يو ځائے شوے دے۔ د كرپشن په ضد خپلې مقدمې ختمولو حكوممت بلېك مېل كوي۔ هغه ووئيل دوئي 30 كاله حكومت كړې دې۔ چا سره چې سائيكل نه و نن هغوي د قيمتي ګاډو مالكان دي۔ په لندن كښې دومره جائيدادونه لري كوم چې د برطانيې وزيراعظم هم نه شي اخستې۔ اولس به دوئي ته اېن آر او وركولو او د دوئي غلا بچ كولو له نه راوځي۔ د كركيلې څانګې په اړه د يوې پوښتنې په ځواب كښې وزيراعظم ووئيل كه مونږ خپله زمكه ٬ اوبه او د نمر رڼا په صحيح توګه وكاروؤ نو مونږ نړۍ ته غله وركولې شؤ۔ وزيراعظم د صحت كارډ په اړه د يوې پوښتنې په ځواب كښې ووئيل په خېبر پختونخوا كښې اولس د 10 اربه روپو طبي آسانيو نه استفاده كړې ده۔ د صحت كارډ د لارې كوم بې وزله وګړې د كوم هم روغتون نه د لس لكھ روپو درملنې كولې شي۔ وزیراعظم ووئيل د دې آسانۍ مقصد دا دے چې عام وګړے د درملنو حوالې سره هېڅ مسئلې او ستونزې سره مخ نه وي۔ د يوې پوښتنې په ځواب كښې وزيراعظم ووئيل د چا په زمكه كه قبضه وي نو په سټيزن پورټل دې شكايت درج كړي زمكه به بېرته وركړؤ۔ د پنجاب، خیبرپختونخوا او اسلام آباد زمكه بهر تر اګست مياشتې کمپیوټرائزډ كړې شي۔ وزيراعظم ووئيل په كوم هېواد كښې چې ادارې په زړه پورې او په مېرټ كار كوي هغوي وړاندې ځي۔ وزيراعظم ووئيل مونږ پرېكړه كړی ده چې د 7 مه تر 9 كلاس نصاب كښې به د سيرت النبي په ا ړه تعليم وركولې شي۔ ولې چې نبي پاك (ص) رول ماډل ګرځولو سره مونږ د خپلو نسلونو كردار سازي كولې شؤ۔ د يوې بلې پوښتنې په ځواب كښې وزيراعظم ووئيل د حكومت هڅه ده چې د ګرانۍ په مسئله قابو ومومي۔ د يوې بلې پوښتنې په ځواب كښې وزيراعظم ووئيل په كوم هېواد كښې چې د قانون حكمراني ختمه شي هغه پرمختګ كولې نه شي۔ هغه ووئيل زمونږ په هېواد كښې د انصاف نظام په مزه مزه كار پرېښودلے دے۔ د يوې پوښتنې په ځواب كښی هغه ووئيل نېب په تېرو 18 كلونو كښې 290 اربه روپۍ وصول كړي۔ ایک سوال کے جواب میں انہوں نے کہا کہ نیب نے پچھلے 18 سال میں د 290 ارب روپے کی وصول کی، مونږ دوه كاله كښې 484 اربه روپۍ ترلاسه كوؤ۔ هغه ووئيل يو داسې نظام به جوړول وي چرته چې كوم مظلوم ته شكايت نه وي۔ مونږ د طاقتور د قانون دائرې ته راوستلو له هڅې كوؤ۔ د غلا ٬ فراډ او ډاكو حساب به اخستلې شي۔