روڊ ٽو مڪه پراجيڪٽ، اميگريشن ۽ ڪسٽم ڪليئرنس جي عمل کي اسلام آباد انٽرنيشنل ايئرپورٽ تي منتقل ڪرڻو آهي: پرڏيهي آفيس ترجمان

اسلام آباد – 18 – مئي (اي پي پي) پرڏيهي آفيس جي ترجمان ممتاز زهره بلوچ چيو آهي ته روڊ ٽو مڪه پراجيڪٽ، اميگريشن ۽ ڪسٽم ڪليئرنس جي عمل کي اسلام آباد انٽرنيشنل ايئرپورٽ تي منتقل ڪرڻو آهي جنهن جو مقصد سعدوي عرب ويندڙ حاجين کي سعودي عرب ۾ لينڊنگ تي اميگريشن ۽ ڪسٽم ڪلئيرنس جي ۾ مشڪل مان ڇوٽڪارو ڏيارڻ آهي، ٻئي ڌريون ان سهولت مان فائدو کڻڻ لاءِ پاڪستان ۾ هوائي اڏن جو انگ وڌائڻ جي لاءِ مصروف عمل رهندا. پريس بريفنگ ۾ هن چيو ته ان سلسلي ۾ سعودي عرب جي نائب گهرو وزير 16 ۽ 17 مئي تي پاڪستان جو دورو ڪيو. هن وزيراعظم، گهرو وزير ۽ منشيات جي خاتمي واري وزير سان ملاقات ڪئي، دوري دوران پاڪستان ۽ سعودي عرب روڊ ٽو مڪه پراجيڪٽ جي معاهدي تي پڻ صحيحون ڪيون. ترجمان چيو ته ڌرين ان سهولت مان فائدو ٿيڻ جي لاءِ پاڪستان ۾ هوائي اڏن جو انگ وڌائڻ جي لاءِ مصروف عمل رهندا. هن گڏيل قومن جي اقليتي معاملن واري خصوصي نمائندي ڊاڪٽر فرنينڊڊي ويرنس جي ڀارت جي غيرقانوني طور تي قبضي هيـٺ ڄمون ۽ ڪشمير جي صورتحال تي ڏنل اهم بيان جي آجيان ڪندي چيو ته گڏيل قومن جي خصوصي نمائندي بيان ۾ سرينگر ۾ جي ٽوئنٽي ٽوئرازم ورڪنگ گروپ جي اجلاس جي انعقاد جي ڀارتي منصوبن بابت خبردار ڪيو آهي. ترجمان واضح ڪيو ته ڊاڪٽر فرنينڊڊي ويرنس بجا طور تي چيو ته ڀارت هڪ اهڙي وقت ۾ ڪشمير جي صورتحال کي معمول موجب قرار ڏئي رهيو آهي جڏهن والاريل علائقي ۾ انساني حقن جي وڏي پئماني تي خلاف ورزيون، غيرقانوني ۽ بلا جواز گرفتاريون، سياسي ظلم ۽ ڏاڍ، پابنديون ۽ آزاد ميڊيا ۽ انساني حقن جي محافظن کي دٻائڻ جو سلسلو جاري اهي. هن چيو ته اسان خصوصي نمائندي پاران جي ٽوئنٽي اجلاس جي انعقاد تي ردعمل ۽ ڀارت جي غيرقانوني طور تي قبضي هيٺ ڄمون ۽ ڪشمير جي صورتحال جي مذمتي بيان جي تائيد ڪئي جنهن ۾ هن چيو آهي ته جي ٽوئنٽي جي ميمبر ملڪن کي والاريل علائقي جي صورتحال بابت گڏيل قومن جي اقليتي معاملن واري خصوصي نمائندي جي مشورن تي ڌيان ڏيڻ گهرجي. ترجمان چيو ته پرڏيهي وزير بلاول ڀٽو زرداري 11 مئي تي ڪل جماعتي حريت ڪانفرنس جي آزاد ڄمون ۽ ڪشمير شاخ جي هڪ وفد سان ملاقات ۾ اهڙن ئي جذبن جو اظهار ڪيو. هن ملاقات ۾ ڪشميري عوام جي پيدائشي خودمختياري جي حق جي منصفاڻي جدوجهد جي پاڪستان پاران اخلاقي، سياسي ۽ سفارتي حمايت جاري رکڻ جو ورجاءُ ڪيو. هن ان ڳالهه تي به زور ڏنو ته ڄمون ۽ ڪشمير تڪرار کي گڏيل قومن جي سلامتي ڪائونسل جي لاڳاپيل قراردادن ۽ ڪشميري عوام جي امنگن موجب حل ڪرڻ گهرجي. ترجمان چيو ته ڪل جماعتي حريت ڪانفرنس جي اڳواڻن سان پرڏيهي وزير جي ملاقات هڪ اهڙي وقت ۾ ٿي جڏهن ڀارت جي غيرقانوني طور تي قبضي هيٺ ڄمون ۽ ڪشمير ۾ آزادي جي حامي سياسي قيادت بدستور قيد آهي. ترجمان چيو ته پاڪستان آمريڪي پرڏيهي کاتي پاران جاري ڪيل عالمي مذهبي آزادي جي رپورٽ ۾ پاڪستان بابت بي بنياد دعوائن کي واضح لفظن ۾ رد ڪيو آهي. هن چيو ته خودمختيار رياستن جي اندروني معاملن بابت اهڙي طرح جي غلط رپورٽنگ بي معنيٰ ۽ غيرزميواراڻي آهي جنهن سان ڪو نتيجو نه نڪرندو. ترجمان چيو ته اسان کي پنهنجي گهڻ رخي مذهبي ۽ سماجي قدرن تي فخر آهي. پاڪستان جو آئين، سمورن پاڪستانين جي حقن ۽ آزادين جي تحفظ ۽ ان جي عقيدي کان قطعي طور تي ان کان اڳتي وڌڻ جي لاءِ وسيع پئماني تي قانوني، پاليسي ۽ مثبت قدمن جي لاءِ هڪ مضبوط فريم ورڪ مقرر ڪري ٿو. هن چيو ته اهي حق ۽ آئيني ضمانتون هڪ آزاد عدليه جي ذريعي محفوظ ۽ برقرار آهن. ترجمان چيو ته اسان ان ڳالهه تي پڪو يقين رکون ٿا ته هر رياست جي اها بنيادي ذميواري آهي ته اها پنهنجي سهرين جي مذهبي حقن ۽ آزادين کي فروغ ۽ تحفظ فراهم ڪري، پاڪستان مذهبي آزادي ۽ اقليتن جي حقن جي اهم سوال تي گڏيل افهام تفهيم کي فروغ ڏيڻ جي لاءِ سدائين عالمي برادري سان تعميري تعاون ڪيو آهي. هن چيو ته اسان بشمول آمريڪا پنهنجي ڳالهه ٻولهه ۾ مسلم مخالف نفرت، نسل پرستي ۽ اسلامو فوبيا ۾ مسلسل اضافي بابت سنگين خدشن جو اظهار ڪيو آهي. هن چيو ته اسان اميد ڪريون ٿا ته عالمي حصيدارن سان گڏجي مذهبي عدم برداشت، امتيازي سلوڪ ۽ اسلامو فوبيا جي انهن خطرناڪ شڪلين جو مقابلو ڪنداسين. پرڏيهي آفيس جي ترجمان چيو ته پاڪستان سائبر ايڪسپرٽائز جي عالمي فورم (جي ايف سي اي) ۾ 107 ميمبر طور شامل ٿي ويو آهي، جي ايف سي اي هڪ عالمي، ملٽي اسٽيڪ هولڊر پليٽ فارم آهي جيڪو 2015ع ۾ سائبر سيڪيورٽي ۾ تعاون ۽ صلاحيت سازي کي فروغ ڏيڻ جي لاءِ قائم ڪيو ويو هو. هن چيو ته پاڪستان جو فورم ۾ شموليت جو فيصلو سڀني جي لاءِ محفوظ ۽ مستحڪم سائبر اسپيس کي فروغ ڏيڻ جي ان جي پراڻي عزم موجب آهي. هن چيو ته جي ايف سي اي جي ميمبرشپ پاڪستان جي لاءِ عالمي اسٽيڪ هولڊرز سان بامعنيٰ مٽاسٽا جي لاءِ هڪ پليٽ فارم فراهم ڪندو، لاڳاپن کي فروغ ۽ سائبر سيڪيورٽي جي ميدان ۾ نيٽ ورڪس کي سگهه ڏيندو. هن اميد ظاهر ڪئي ته اهڙي طرح جو تعاون گڏيل قدمن، تحقيقي منصوبن ۽ علم جي مٽاسٽا جي موقعن جو سبب بڻجندو جيڪو آخرڪار سائبر دفاع ۽ پاليسي سازي ۾ پاڪستان جي مهارت کي فروغ ڏيندو. ترجمان والاريل فلسطيني علائقن ۾ اسرائيل جي تازي جارحاڻي ڪاررواين ۾ عورتن ۽ ٻارن سميت 33 کان وڌيڪ فلسطينين جي شهادت جي شديد مذمت ڪندي اسرائيل کان مطالبو ڪيو ته هو پنهنجي عالمي ذميوارين جي پاسداري ۽ تازي جنگ بندي معاهدي جو احترام ڪري. هن چيو ته پاڪستان غزه ۽ ٻين والاريل فلسطيني علائقن ۾ ٿيندڙ اڳڀرائي تي گهري نظر رکي آهي ۽ هو شهري آبادي تي تشدد جي اثرن بابت فڪرمند آهي. هن چيو ته اسان گذريل ڪيترن ئي ڏينهن ۾ عورتن ۽ ٻارن سميت 33 کان وڌيڪ فلسطينين جي قيمتي جانين جي زيان جي سخت مذمت ڪريون ٿا ۽ زخمين جي صحتيابي لاءِ دعاڳو آهيون. ترجمان چيو ته اسان اسرائيل کان مطالبو ڪريو ٿا ته هو پنهنجي عالمي ذميوارين جي پاسداري ڪري ۽ تازي جنگ بندي معاهدي جو احترام ڪندي فوج جي ذريعي غزه ۾ ڪيترن ئي ڏينهن کان جاري رتوڇاڻ ۽ طاقت جي انڌاڌند استعمال کي ختم ڪري. ترجمان چيو ته پاڪستان فلسطيني ڪاز جي لاءِ پنهنجي اڻٿڪ حمايت جاري رکندو ۽ هو گڏيل قومن ۽ او آءِ سي جي لاڳاپيل قراردادن موجب 1967ع کان اڳ جي سرحدن موجب جنهن جو گادي وارو شهر القدس الشريف هجي، هڪ قابل عمل، خودمختياري ۽ متصل فلسطيني رياست جي لاءِ پنهنجي مطالبي جي تجديد ڪري ٿو جيڪو فلسطيني مسئلي جو واحد منصفاڻو، جامع ۽ پائيدار حل آهي. پرڏيهي آفيس جي ترجمان وزيراعظم محمد شهباز شريف پاڪستان ايران سرحد تي ايراني صدر سيد ابراهيم رئيسي سان ملاقات بابت چيو ته ٻئي اڳواڻ پاڪ ايران لاڳاپن کي وڌيڪ مضبوط بڻائڻ جي لاءِ تعاون جي نئين شعبن جي ڳولا ڪندا. هن چيو ته سرحدي بازارن جو تصور پاڪستان ايران سرحد تي ماڻهن جي سهولت لاءِ سرحد پار واپار ۾ اضافي، اقتصادي ترقي کي فروغ ڏيڻ ۽ مقامي ڪاروبار جي لاءِ موقعن جون نيون راهون کولڻ جي ڏس ۾ ڪيو ويو آهي. ترجمان چيو ته پولان گبد بجلي جي پهچ لائين گذريل سال جولاءِ ۾ توانائي واري وفاقي وزير جي ايران جي دوري دوران ٻنهي حڪومتن جي وچ ۾ طئي ٿيندڙ معاهدي تي عملدرآمد جي لاءِ تيار ڪئي وئي آهي.