اسلام آباد ۔ 10 اکتوبر (اے پی پی) د سېنېټ دوهم چيئرمېن سليم مانډوي والا د يورو آسيائي هېوادونو پارلماني غونډه كښې د ګډون په مهال د انډونيشيا ٬ تھائي لېنډ او بوسنيا اېنډ هرزوګوينيا پلاويو سره ملاقاتونو كښې په دوه اړخيزه چارو خبرې كړې دي ۔ دوهم چيئرمېن دا مهال د يورو آسيائي هېوادونو پارلماني غونډه كښې د پاكستان پلاوي مشري كوي۔ پلاوي كښې سناتور محسن عزيز ٬ سناتوره خوش بخت شجاعت ٬ سناتور نصيب الله بازئي ٬ د قامي اسمبلۍ غړو جېند انوار ٬ عامر ايوب او تركيه كښې د پاكستان سفير ساجد قاضي شامل دي ۔ د يورو آسيائي هېوادونو دا پارلماني غونډه د روانې مياشتې 8 مې نېټې څخه تر 11 مې نېټې د تركيه په اناطوليه ښار كښې كېږي۔ د غونډې مقصد په يورو آسيا كښې غوره پرمختګ او معاشي اړيكو ته وده وركول دي۔ پاكستاني پلاوي د انډونيشيا پلاوي سره ملاقات كښې انډونيشيا كښې لږې ورځې وړاندې د راغلې زلزلې په نتيجه كښې په شوي قيمتي ځاني زيان د افسوس او غم دړد څرګندونه كولو سره د پاكستان لخوا د هر ډول مرستې وړاندېز وكړو۔ دواړو اړخونو دوه اړخيزه نزدې اړيكو له د خپل عزم څرګندونه وكړه او د اړيكو لا مضبوطولو او د پارلمان په كچه رابطو ته د ودې وركولو په حاجت ئې زور راوړو۔ دوهم چيئرمېن وړاندېز وركړو چې انډونيشيا دې پاكستان لپاره د وېزې نظام كښې آسانۍ رامخې ته كړي دغسې چې هنرمند افرادي قوت انډونيشيا ته لاړ شي۔ د تھائي لېنډ پلاوي سره ملاقات كښې دوهم چيئرمېن سلیم مانډوی والا پلاوي ته د پاكستاني كلتور په اړه ووئيل د بدھسټ ډلې لپاره د پاكستان ټېكسلا ښار لوئے تجارتي مركز دے۔ دواړو ډلو د شريكې خوښې په چارو هم د خيالاتو څرګندونه وكړه۔ پاكستاني پلاوي د بوسنيا اېنډ هرزګوينيا پلاوي مشر سېفټ سېفټك سره په دوه اړخيزه چارو د خيالاتو څرګندونه وكړه۔ دواړو اړخونو د دوه اړخيزه خوښې په بېلو څانګو كښې د اړيكو لا زياتولو خوښي ښكاره كړه۔ د بوسنيا پلاوي مشر ووئيل زمونږ اولس پاكستان سره جذباتي تړون لري۔ دوهم چيئرمېن سلیم مانډوی والا ووئيل بوسنيا د پاكستان ملګرې هېواد دے او پاكستان به د بوسنيا هره ممكنه مرسته دوامداره ساتي
د سېنېټ چيئرمېن د یورو آشياﺀ پارلیمانې غونډه كښې د ګډون په مهال د انډونييشا ٬ تھائي لېنډ او بوسنيا اېنډ هرزګوينيا پلاويو سره ملاقاتونه
د سېنېټ چيئرمېن د یورو آشياﺀ پارلیمانې غونډه كښې د ګډون په مهال د انډونييشا ٬ تھائي لېنډ او بوسنيا اېنډ هرزګوينيا پلاويو سره ملاقاتونه | APP Pashto service
