اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) تحت پاور ڊويزن جي جاري ۽ نئين اسڪيمن جي لاءِ مجموعي طور تي 107413.044 ملين رپين جا فنڊز رکڻ جي تجويز ڏني آهي جنهن ۾ 25638.61 ملين رپين جي غيرملڪي مدد پڻ شامل آهي. بجيٽ دستاويز موجب پاور ڊويزن جي 30 جاري اسڪيمن جي لاءِ مجموعي طور تي 66404.525 ملين رپيا شامل آهن جنهن ۾ 19826.613 ملين رپيا غيرملڪي امداد شامل آهي. جاري اسڪيمن مان بجلي جي پهچ ۾ بهتري جي لاءِ پيسڪو جي اسڪيم لاءِ 1050 ملين رپيا رکياويا آهن جنهن ۾ 1000 ملين رپيا غيرملڪي امداد شامل آهي جڏهن ته سينٽرل ايشيا ۽ سائوٿ ايشيا ٽرانسميشن انٽر ڪنيڪشن ڪاسا – 1000 جيڪو تاجڪستان ۽ پاڪستان جي وچ ۾ 500 ڪي وي ايڇ وي ڊي سي ٽرانسميشن سسٽم جي لاءِ مجموعي طور تي 16099.255 ملين رپيا جنهن ۾ 3513 ملين رپيا غيرملڪي امداد شامل آهي. اهڙي طرح 500 ڪي وي نارٿ لاهور جي لاءِ مجموعي طور تي 3904.500 ملين رپيا جنهن ۾ اٽڪل 960 ملين رپيا غيرملڪي امداد شامل آهي. اين ٽي ڊي سي سسٽم جي ايڪسٽينشن ۽ گرڊ اسٽيشنز جي لاءِ 4965 ملين رپيا رکيا ويا آهن جنهن ۾ 1915 ملين رپيا غيرملڪي امداد شامل آهي. 260 ميگاواٽ داسو ايڇ پي پي اسٽيج ون مان بجلي ڪڍڻ جي لاءِ 5667.094 ملين رپيا جنهن ۾ 2416.420 ملين رپيا غيرملڪي امداد شامل آهي جنهن جي سڪي ڪناري کان بجلي جي پيداوار جي لاءِ 13800 ملين رپيا جنهن ۾ 2800 ملين رپيا غيرملڪي امداد شامل آهي. نئين وڏين اسڪيمن مان 500 ڪي وي اسلام آباد ويسٽ جي لاءِ 1900 ملين رپيا رکيا ويا آهن جنهن ۾ 700 ملين رپيا غيرملڪي امداد شامل آهي. اهڙي طرح ورلڊ بئنڪ پاران ميپڪو جي لاءِ 1000 ملين رپيا رکيا ويا آهن. ان سان گڏوگڏ ورلڊ بئنڪ پاران حيسڪو جي لاءِ پڻ 1000 ملين رپيا مقرر ڪيا ويا آهن.
پي ايس ڊي پي تحت پاور ڊويزن جي جاري ۽ نئين اسڪيمن جي لاءِ مجموعي طور تي 107413.044 ملين رپين جا فنڊز رکڻ جي تجويز
اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي...
