اسلام آباد – 24 – فيبروري (اي پي پي) صدر ڊاڪٽر عارف علوي پاڪستان ۽ قازقستان جي وچ ۾ واپاري ۽ معاشي لاڳاپا وڌائڻ جي ضرورت تي زور ڏيندي چيو آهي ته ٻنهي ملڪن جي وچ ۾ واپاري ڪاٿو وڌائڻ جي لاءِ نوان رستا ڳولڻا پوندا، قازقستان جي سيڙپڪارن کي پاڪستان جي خصوصي اقتصادي زونز ۾ سيڙپڪاري جي لاءِ وڌ کان وڌ سهولتون فراهم ڪيون وينديون. ايوان صدر جي پريس ونگ موجب صدر اهڙن خيالن جو اظهار قازقستان ۾ پاڪستان جي نامزد سفير نعمان بشير ڀٽي سان ڳالهائيندي ڪيو جنهن ساڻس ايوان صدر ۾ ملاقات ڪئي. هن چيو ته پاڪستان ۽ قازقستان جي وچ ۾ واپار ۽ معيشت جي شعبن ۾ تعاون وڌائڻ جي گنجائش موجود آهي. ٻنهي ملڪن جي وچ ۾ ٻطرفي واپار جي صلاحيت موجوده سطح کان وڌيڪ آهي. صدر چيو ته پاڪستان قازقستان سان پنهنجي لاڳاپن کي خصوصي اهميت ڏي ٿو. قازقستان جي سيڙپڪارن کي پاڪستان جي خصوصي اقتصادي زونز ۾ سيڙپڪاري جي لاءِ وڌ کان وڌ سهولتون فراهم ڪيون وڃن. زراعت ۽ زرعي مصنوعات جي شعبن ۾ واپار جي صلاحيت کي عملي شڪل ڏيڻي پوندي. هن چيو ته ٻنهي ملڪن جي وچ ۾ تاريخي ۽ ثقافتي لاڳاپا آهن. صدر چيو ته پاڪستان وچ ايشيائي ملڪن سان پائيدار ۽ بامعنيٰ لاڳاپن جو خواهشمند آهي. وچ ايشيائي ملڪن سان رابطا وڌائڻ پاڪستان جي خطي پاران پاليسي جو اهم حصو آهي. ڊاڪٽر عارف علوي قازقستان سان عوامي لاڳاپن ۾ اضافي جي ضرورت تي زور ڏنو ۽ چيو ته اعليٰ تعليم جي شعبي ۾ جوائنٽ ڊگريون ۽ وفدن جي مٽاسٽا جي ضرورت آهي. صدر چيو ته پاڪستان جي ورچوئل يونيورسٽي آن لائين تعليم جي سهولت فراهم ڪري ٿي. قازقستان جا شاگرد ورچوئل يونيورسٽي جي آن لائين تعليم جي سهولت مان فائدو کڻي سگهن ٿا. 8 هزار جي لڳ ڀڳ غيرملڪي شاگرد يونيورسٽي جي ورچوئل تعليمي پروگرام مان فائدو کڻي رهيا آهن. صدر چيو ته نامزد سفير ٻوڏ دوران پاڪستان جي امداد تي قازقستان جي عوام ۽ حڪومت جا ٿورا مڃي ٿو. نامزد سفير ڀارت جي مسلمانن ۽ اقليت مخالف پاليسين تي به آواز اُٿاري. صدر نامزد سفير کي چيو ته هو ڀارتي والاريل ڄمون ۽ ڪشمير ۾ مسلمانن جي خلاف ظلم ۽ انساني حقن جي خلاف ورزين کي اجاگر ڪري.
پاڪستان ۽ قازقستان کي واپاري ڪاٿو وڌائڻ جي لاءِ نوان رستا ڳولڻا پوندا: صدر ڊاڪٽر عارف علوي
اسلام آباد – 24 – فيبروري (اي پي پي) صدر ڊاڪٽر عارف علوي پاڪستان ۽ قازقستان جي وچ ۾ واپاري ۽ معاشي لاڳاپا وڌائڻ...
