د موسمياتي بدلون منفي اثرات او د سېلاب تباهۍ مخ نيوي لپاره دې نړيواله ورورولي د پاكستان مرسته وكړي۔د يو اېن سېكرټري جنرل انتونيو ګوتيرس او وزيراعظم محمد شهباز شريف شريك خبري كنفرنس

شرم الشيخ 07 نومبر (اے پي پي)د ملګرو ملتونو سېكرټري جنرل انتونيو ګوتريس وئېلي دي د موسمياتي بدلون منفي اثرات او د سېلاب تباهۍ مخ نيوي لپاره دې نړيواله ورورولي د پاكستان بشپره مرسته وكړي٬پاكستان ته د سېلاب څخه په لويه پیمانه زيان رسېدلے ٬نړيواله مالياتي اداره دې د پاكستان د قرضونو ستنولو كښې آسانۍ وركړي ٬ وزيراعظم محمد شهباز شريف ووئيل د موسمياتي بدلون له امله چې كومه تباهي په پاكستان كښې راغلې هغه تر پاكستان محدود نه شي پاتې كېدې٬د سېلاب له امله زمونږ سماجي او اقتصادي نظام ته زيان رسېدلے دے٬د نړۍ پام د تباهۍ او زيان ازالې يواځنے اميد دے۔د دې خيالاتو څرګندونه دوي په پاكستان پويلين كښې د يو اېن كلائميټ چينج كنفرنس كوپ 27 شريك پرېس كنفرنس ته د وېنا كولو په مهال وكړه۔په دې موقع د ملګرو ملتونو سېكرټري جنرل انتونيو ګوتريس ووئيل د سېلاب نه پس ما د پاكستان دوره كړې٬د سېلاب څخه په پاكستان كښې فصلونو٬د خلقو روزګار او د ژوند نظام ته سخت زيان رسېدلے او د خلقو هر څه تباه شوي٬ما خلق د يو بل سره په مرسته كولو ليدلې دي٬د پاكستان د اولس حوصله٬همت او فراخدلي د ستائنې وړ ده ٬ ده ووئېل د پاكستان د اولس فراخدلي د وړاندې نه په علم كښې ده٬د پاكستان اولس لخوا د افغان كډوالو كوربتوب د ستائنې وړ دے۔ده ووئيل په پاكستان كښې د سېلاب څخه زيات زيان شوے٬پاكستان د نړيوالې ورورولۍ د بشپړه مرستې مستحق دے او د موسمياتي بدلونونو څخه تر ټولو زيات ځپليو هېوادونو كښې شامل دے٬ ده ووئېل په دې سخت وخت كښې پاكستان ته د مرستې ضرورت دے٬د نړيوالې ورورولۍ ذمه واري ده چې هغه پاكستان سره په دې صورتحال كښې د بحالۍ او بيا رغونې عمل لپاره په لويه پیمانه مرسته وكړي٬ ده ووئېل په دې لړ كښې د ډېر څه كولو ضرورت دے٬د تباهۍ او زيان ازالې په اړه كوپ 27 له واضحه روډ مېپ جوړول پكار دي٬د دې څخه به پاكستان ته ګټه ورسي۔ده ووئيل په پاكستان كښې د سېلاب څخه په لويه پیمانه زيان شوے٬پاكستان به د دې سخت وخت څخه ويستلو لپاره ټولو له خپل كردار ادا كول پكار وي٬ ده ووئېل د موسمياتي بدلون سختو اثراتو څخه ځپلي پاكستان ته په قرضونو كښې د آسانيو وركولو هم ضرورت دے او د پاكستان غوندې هېوادونو ته د قرضونو ستنولو په اړه بحالي او بيا رغونې په شكل كښې د سرمايه كارۍ ضرورت دے ۔نړيوالو مالياتي ادارو له پكار دي چې هغوي پاكستان له په قرضونو ستنولو كښې آسانۍ وركړي٬ ده ووئېل د پاكستان پشمول د قدرتي آفتونو څخه پیدا شوې صورتحال څخه ځپليو هېوادونو ته رعايتي فنانسګ پكار دے ٬هيله ده چې جي 20 هېوادونه به په دې اړه اقدامات وكړي۔ده ووئيل پاكستان د نړيوالې ورورولۍ لخوا د بشپره مرستې مستحق دے ٬ده ووئيل د پاكستان اولس او حكومت سره په موجوده حالاتو كښې د بشپړه يوووالي څرګندونه كول پكار دي۔وزيراعظم شهباز سريف ووئيل پاكستان سره د يووالي څرګندونې لپاره د پاكستان پويلين ته په راتګ د سېكرټري جنرل انتونيو ګوتريس مننه كوم۔د ملګرو ملتونو سېكرټري جنرل د پاكستان دورې په مهال په پاكستان كښې د سېلاب څخه د شوي لويه تباهي په خپلو سترګو ليدلې ده٬د هغه دورې او د يووالي جذبات به تل ياد ساتلے شي٬دا مونږ له ډېر اهميت لري۔وزيراعظم ووئيل تاسو ته ښه معلومه ده چې د نړيوالې ورورولۍ په توګه مونږ د يو نوې ګرين ډيل په چوكاټ ولاړ يو چرته څخه چې بېرته تګ ناممكن دے٬تاسو ته معلومه ده چې د پاكستان پشان به ځينې هېوادونه زيات ځپلي وي۔ده ووئيل د نړۍ د زيان او تباهۍ ازالې لپاره دا ډول كنفرنسونه يواځنے اميد دے۔ده ووئيل په پاكستان كښې به په لاكهونو خلق د يخنۍ په موسم كښې د پناه او استوګنو نه بغېر ژوند تېرول وي حالانكه سهولت د هغوي بنيادي حق دے ٬ ده ووئېل مېرمنې او ماشومان اوس هم د خپل بنيادي ضروريات تحفظ لپاره مونږ پلو ګوري او كلي والې سيمې د ښه سباؤن تحفظ منتظر دي او د داسې بحالۍ لپاره د وسائلو ضرورت دے د كومو چې مونږ د ضمانت وركولو نه قاصر يو٬ ده ووئېل د هېواد په سوئېلي سيمو كښې ولاړې اوبه د لويې لويې تالابونو منظر وړاندې كوي په كوم ځاې چې په لاكهونو كسانو ته د فصلونو نه خوراك ترلاسه كېږي۔ده ووئيل د سېلاب له امله اوس هم ګڼ شمېر پلونه مات شوي٬ 800 كلوميټر څخه زيات سړكونه اوبو وړي ٬د سېلاب اوبه نه ويستلو په سبب د اوبو څخه پېدا شوو رنځونو په وجه د روغتيا بحران پېدا كېدو اندېښنه ده٬مونږ بېړني اقدامات پورته كړي٬د ملګرو ملتونو٬د روغتيا نړوالې ادارې او نورو پرمختيائي شراكتدارو مننه كوم چا چې د دې لويې چېلنج مخ نيوي كښې زمونږ مرسته كړې خو موسمياتي تباهۍ زمونږ سماجي او اقتصادي نظام ته سخت زيان رسولے دے۔وزيراعظم ووئيل د سېلاب له امله زمونږ 30 ارب ډالر څخه زيات زيان شوے ۔ده ووئيل زمونږ د سماجي تحفظ پروګرام بي آئي اېس پي 2.8 ملين غريبو كورنيو له 70 اربه روپۍ(316 ملين امريكائي ډالر) په سمدستي توګه وركړي ٬مونږ د قامي مرستې هڅو لپاره ټول ترلاسه وسائل كارولې دياو د بجټ ټول ترجيحات متعين دي چې پكښې ترقياتي فنډ هم شامل دے ۔ ده ووئېل مونږ ستا او ستاسو د ډلې د هڅو او سېلاب ځپليو لپاره خواستونه ستائيو خو د لاكهونو كسانو د استوګنو او خوراك وركولو لپاره اوس هم ډېر څه به كول وي۔ده ووئيل د موسمياتي بحران او نړيوال درجه حرارت په سبب د پېدا شوي صورتحال مخ نيوے ضروري دے او د پاكستان د ځپلي هېواد په توګه دا مقصد دے چې د كلائميټ فنانس اهداف ترلاسه كړی شي٬مونږ د موسمياتي ايجنډې په اړه د زيان ازالې خوښي لرو او هيله لرو چې ټول هېوادونه به د كوپ 27 غونډو كښې هم په دې جذبه ګډون وكړي ۔وزيراعظم ووئيل دا صورتحال بشپړه تباهۍ پلو بوتلل نه غواړو او مونږ له به په دې حالاتو كښې د يوعزم په توګه منصوبه بندي كول وي ځكه چې په پاكستان كښې څه شوي هغه به تر پاكستان محدود نه پاتې كېږي۔