اسلام آباد 04 جولائي (اے پي پي)اولس مشر ممنون حسېن وئېلي دي پاكستان او نائيجېريا نزدې ملګري دي چې ترمينځه يې د تجارت پشمول د مرستې بلها امكانات شته ٬ د كومو زياتوالي لپاره چې پرله پسې كار كولو ته اړتيا ده ۔اولس مشر دا خبره د شورو په ورځ د نائيجېريا لپاره د پاكستان نومولي هائي كمشنر ميجر جنرل(ر)وقار احمد سره په خبرو كښې كړې۔اولس مشر ووئيل نائيجېريا مهم او د افريقې تر ټولو لويې هېواد دے كوم سره چې د پاكستان تجارتي اړيكې د اهميت وړ دي۔ده نومولي هائي كمشنر ته هدايت وكړو چې د دواړو هېوادونو ترمينځه د سوداګرو پلاويو تږ راتږ ته پام لرنه وكړي ځكه چې د پاكستان او نائيجېريا ترمينځه ډېرو څانګو كښې د تجارت او مرستې پراخا امكانات موجود دي۔ده ووئيل نائيجريا هم د پاكستان سره تجارتي اړيكو كښې زياتوالي له خوښي لري چې ورسره ټولې افريقې سره د معاشي مرستې لاره هوارېدې شي۔اولس مشر ووئيل پاكستان نائيجېريا سره د تعليم او روغتيا په څانګو كښې ژورې اړيكې لري كومې چې د وخت تېرېدو سره كمې رامخې ته شوې خو د نائيجېريا ټولنه د پاكستان لپاره تر ټولو زيات د هركلي جذبات لري ۔ده نومولي هائي كشمنر ته هدايت وكړو ټول معاملات دې خپلو ترجيحاتو كښې شامل كړي
د پاكستان او نائيجېريا ترمينځه د تجارت پشمول د مرستې بلها ډېر امكانات شته
د پاكستان او نائيجېريا ترمينځه د تجارت پشمول د مرستې بلها ډېر امكانات شته | APP Pashto service
