اسلام آباد 16 (اے پي پي)د قامي اسمبلۍ سپيكر راجه پروېز اشرف وئېلي دي چې صحافت او پارليمان خپلو كښې نزدې تړون لري٬پارليمان د كوم يو فرد ملكيت نه بلكې د ټول هېواد د اولس مركز دې٬ خبريالان دې د خپل قلم د لارې په هېواد كښې اتحاد او يو والي ته وده وركړي۔ د شورو په ورځ پارليمنټري رپورټر اېسوسي اېشن(پي آر اے) دستورې ته په خپله وينا كښې ده ووئيل د پيمرا ترميمي بل په منظورېدو راته خوشحاله شوې٬ سياست او صحافت خپلو كښې نزدې تړون لري بايد سياستمدار د مېډيا وركرز خيال وساتي٬ خبريال هغه اتلان دي كوم چې بهر رپورټنګ لپاره د هر ډول حالاتو مقابله كوي٬ پارليماني پرېس ګيلرۍ كښې د ناستو خبريالانو په وجه ماته اطمينان شوې چې هغوي به زمونږ غلطۍ او كمۍ په ګوته كوي۔ ده پارليماني خبريالانو ته ووئيل چې هغوي كله خبر جوړوي نو حكومت او پارلمان دې جلا جلا ساتي ځكه چې سپيكر او پارليمان د قواعدو له مخې جلا جلا كردار لري۔ ده ووئيل د لوے څښتن په فضل مونږ رېكارډ او معياري قانون سازي كړې۔ ده ووئيل مونږ چې په 15 مياشتو كښې څومره قانون سازې كړې په څلور كلن دور كښې نه ده شوې۔ ده ووئيل خبريالان دې د خپل قلم د لارې په هېواد كښې اتحاد او يو والي ته وده وركړي۔ ده د آئين ګولډن جوبلي په موقع ځانګړې كوريج كونكو پارليماني رپورټرز ته شيلډ هم وركړل۔
خبريالان دې د خپل قلم د لارې په هېواد كښې اتحاد او يو والي ته وده وركړي۔د قامي اسمبلۍ سپيكر راجه پروېز اشرف
خبريالان دې د خپل قلم د لارې په هېواد كښې اتحاد او يو والي ته وده وركړي۔د قامي اسمبلۍ سپيكر راجه پروېز اشرف | APP Pashto service
