اسلام آباد۔7مارچ(اے پی پی) د روغتيا قامي ادارې (اېن آئي اېچ) وئيلي دي د تېرو 24 ساعتو په مهال په ګرد هېواد كښې د كورونا وائرس نور 30 كېسونه رپورټ شوي په كومو كښې چې د 8 رنځورانو حالت اندېښمن ښودلے شوے ۔ د نهې په ورځ د اېن آئي اېچ لخوا د جاري شوو شمېرو له مخې په ګرد هېواد كښې د تېرو 24 ساعتو په مهال د كورونا 2 زره 229 ټېسټونه وكړے شول په كومو كښې چې د 30 كسانو ټېسټونه مثبت راغلي چې ورسره د مثبت ټېسټونو شرح 1.35 فیصد پاتې شوه۔ دغسې په دې مهال د كورونا وائرس د لاسه كوم رنځور په حق نه دے رسېدلے خو د 08 رنځورانو حالت اندېښمن ښودلے شوے۔ د تېرو 24 ساعتو په مهال د هېواد په نورو ښارونو كښې د كورونا مثبت ټېسټونو شرح په اسلام آباد كښې 3.47 ٬ په لاهور كښی 1.38 او په ملتان كښې 0.88 فیصده پاتې شوې ۔
د كورونا وائرس نور 30 كېسونه رپورټ شول٬د 8 رنځورانو حالت اندېښمن دے ٬اېن آئي اېچ
د كورونا وائرس نور 30 كېسونه رپورټ شول٬د 8 رنځورانو حالت اندېښمن دے ٬اېن آئي اېچ | APP Pashto service
