تاشقند 16 جولائي (اے پي پي)وزيراعظم عمران خان وئيلي دي په افغانستان كښې ناسمه حالاتو څخه تر ټولو زيات پاكستان ځپلے كېږي٬طالبان خبرو اترو له كېښنولو لپاره د پاكستان څخه زيات كوم بل چا كردار نه دے ترسره كړے٬په پاكستان تورونه لګولو سره مونږ مايوسه شوي يو٬بايد طالبانو ته د خبرو اترو بلنه د غېر ملكي عسكرو ستنېدو څخه وړاندې وركړې شوې وه ٬سي پېك به هم سيمه ايزو رابطو كښې مهم كردار ترسره كړي٬افغانستان د مينځني او سوئېلي آسيا ترمينځه د پل كردار ترسره كولې شي۔وزيراعظم عمران خان د جمعې په ورځ په تاشقند كښې””سنټرل اينډ ساؤت اېشيا 2021 : ريجنل كنيكټيوټي:چېلنجز اينډ اپر چونيټيز” په موضوع كنفرنس ته وېنا كوله۔ده ووئيل سي پېك د بي آر آئي فليګ شپ منصوبه ده٬هيله لرو چې سي پېك به سيمه ايزو رابطو كښې مهم كردار ترسره كړي۔په ګوادر پورټ معاشي هلې ځلې مارچ 2019 څخه پېل شوي۔وزيراعظم ووئيل افغانستان د مينځني او سوئېلي آسيا ترمينځه د پل كردار ترسره كولې شي۔مونږ په افغانستان كښې استحكام غواړو٬افغانستان كښې د بدآمنۍ اثرات په پاكستان هم پريوځي۔ده ووئيل افغانستان كښې د خرابو حالاتو له امله تر ټولو زيات پاكستان ځپلے كېږي۔ده ووئيل پاكستان كښې د ترهګرۍ له امله د 70 زرو څخه د زياتو ځانونو زيان شوے ۔ ده ووئېل طالبان خبرو اترو ته كېښنول لپاره د پاكستان څخه زيات كردار كوم بل چا نه دے ترسره كړے۔ده ووئيل پاكستان طالبان خبرو اترو ته راوستلو له هر ممكن هڅې كړي۔په پاكستان د لګولي شوو تورونو ذكر كولو سره وزيراعظم ووئيل په دې مونږ مايوسه شوي يو چې په پاكستان تورونه لګولې شي۔ده ووئيل بايد طالبانو ته د خبرو اترو بلنه هغه وخت وركړی شوې وه كله چې د امريكې زيات عسكر په افغانستان كښې وو۔وزيراعظم ووئيل كشمير د پاكستان او هند ترمينځه لويه مسئله ده۔وزيراعظم ووئيل پاكستان به په افغانستان كښې امن او د مصالحت د ټول اقداماتو مرسته روانه ساتي۔د افغانستان ټولو ګاونډيانو او اړوندو نړيوالو ډلو سره به په ګډه كار كوو دغسې چې د دې مسئلې د خبرو اترو د لارې حل ولټولې شي۔د افغانستان صدر اشرف غني د اړخه په پاكستان د لګولې شوو تورونو په ځواب كښې وزيراعظم ووئيل په افغانستان كښې د ناسمه حالاتو له امله پاكستان تر ټولو زيات ځپلے شوے او د دې په نتيجه كښې په تېرو پنځلسو كلونو كښې په پاكستان كښې د ترهه ګرۍ په نتيجه كښې 70 زره څخه زيات كسان شهيدان شوي۔ د پاكستان معيشت ځپلے شوے كوم چې اوس بحالېږي۔ده ووئيل په افغانستان كښې چې څه كېږي د هغې ذمه وار پاكستان ګرځول غېر منصفانه فعل دے۔ ده ووئېل ما د كابل دوره كړې كه ما په امن كښې خوښي نه لرلې نو زه به ولې كابل ته تللم ۔وزيراعظم ووئيل د افغانستان صورتحال د دوو لسيزو د شخړې نتيجه ده٬د افسوس خبره ده چې امريكې د دې د پوځي حل لټولو هڅه كړې كوم چې د دې حل نه ؤ ۔په افغانستان كښې 1 لك 50 زره ناټو عسكرو د موجودګۍ په وخت طالبانو له بايد د خبرو اترو بلنه وركړې شوې وه ۔اوس هغوي زمونږ خبره ولې ومني كله چې طالبانو ته معلومه شوه چې مونږ كاميابي ترلاسه كړې۔وزيراعظم ووئيل په افغانستان كښې امن او سياسي عمل ته ودې وركولو لپاره به پاكستان٬ازبكستان٬تاجكستان په ګډه كار كوي او دې مقصد لپاره زما د ازبكستان صدر سره د خبرې شوي ۔وزيراعظم ووئيل پاكستان كښې د وړاندې څخه 3 ملين افغان كډوال مېشته دي او د افغانستان صورتحال په نتيجه كښې د نورو كډوالو بوج نشي زغملے۔وزيراعظم د كشمير شخړې او د پاك هند اړيكو ذكر كولو سره ووئيل د كشمير مسئله د پاكستان او هند ترمينځه لويه مسئله ده۔د كومې حل كولو سره به چې ټوله منطفه بدله شي۔د دې څخه وړاندې د تاشقند انټرنېشنل كانګر هال ته په رسېدو د ازبكستان صدر شوكت مرزايوف د وزيراعظم تود هركلے وكړو۔د ازبكستان صدر په كنفرنس كښې د ووزيراعظم هركلي لپاره د وړاندې نه موجود ؤ ۔دواړو لارښودو د كنفرنس پېل كېدو څخه وړاندې په مهمو چارو د خيالاتو خرګندونه كړې۔په كنفرنس كښې د وزيراعظم عمران خان نه علاوه د ملګرو ملتونو عمومي سېكرټري او افغان صدر هم ګډون كولو۔
افغانستان د مينځني او سوئېلي آسيا ترمينځه د پل كردار ترسره كولے شي٬طالبان خبرو اترو ته كېښنولو لپاره د پاكستان څخه زيات كردار كوم بل چا نه دے ترسره كړے۔ د وزيراعظم عمران خان په تاشقند كښې كنفرنس ته وېنا
افغانستان د مينځني او سوئېلي آسيا ترمينځه د پل كردار ترسره كولے شي٬طالبان خبرو اترو ته كېښنولو لپاره د پاكستان څخه زيات كردار كوم بل چا نه دے ترسره كړے۔ د وزيراعظم عمران خان په تاشقند كښې كنفرنس ته وېنا | APP Pashto service
