اسلام آباد 31 مئي (اے پي پي) د تركيې د ګرېنډ نېشنل اسمبلۍ سپيكر پروفېسر ډاكټر مصطفٰی شين توپ وئيلي دي چې پاكستان تركيې ځانګړې اهميت لرونكې ورور هېواد دے، د اقتصادي مرستې تنظيم د پارلماني غونډې په نتيجه كښې به د سيمه ايزو رابطو ودې لپاره پارلماني شركت او د غړو هېوادونو ترمېنځه اړيكې زياتې شي، د تنظيم غړي هېوادونه به پرمختګ او د غربت خاتمې سره سره د سېلګرې ودې لپاره پاليسي هم مرتب كوي، په فلسطين او كشمير كښې اوسني اقدامات د اندېښنې وړ دي، د كشمير مسئلې حل لپاره د ملګرو ملتونو قراردادونه ډېر واضح دي، هيله ده چې دا مسئله به د مذاكراتو او د ملګرو ملتونو د اړوند قراردادونو په رڼا كښې د كشميري اولس د خواهشاتو له مخې حل كړې شي، په سوئيلي اسيا كښې امن او استحكام د كشمير د مسئلې د حل څخه نه شي جدا كېدے. ده دا خبرې د اقتصادي تنظيم د پارلماني اسمبلۍ د دوهم كانفرنس په مهال قومي خبر رسنې ادارې اېسوسي اېټډ پرېسن آف پاكستان﴿اے پي پي﴾ سره په ځانګړې مركه كښې وكړې. دا كانفرنس د مئي د 31مې نېټې نه د جون تر 2مه نېټه د قومي اسمبلۍ په كوربتوب كښې په اسلام آباد كښې كېږي. په كانفرنس كښې ګډون كولو لپاره د پاكستان د سركاري دورې او د دوه اړخيزه اړيكو اضافې په اړه د پوښتنې په ځواب كښې ترك سپيكر ووئيل چې تركيې لپاره پاكستان ډېر مهم ورور هېواد دے. پاكستان سره د تركيې او د تركيې د اولس اړيكې او په خاص توګه په سياسي حواله ډېرې پياوړې دي. ده ووئيل چې د كله نه چې تركيې د جي اېن ټي اے د سپيكر چوكۍ سنبال كړې، د هغه وخت څخه مې د پاكستان د دورې كولو خواهش لرلو. ده ووئيل چې د قومي اسمبلۍ سپيكر اسد قېصر او د سېنېټ چيئرمېن محمد صادق سنجراني لخوا د ښكلي هېواد پاكستان د دورې په بلنه مننه كوم. ده ووئيل چې د دې كانفرنس په مهال به د دوه اړخيزه اړيكو د ودې او د شريكې خوښې چارو په اړه مهم ملاقاتونه كېږي. په غونډه كښې به د پاكستان او تركيې نه علاوه د اقتصادي مرستې تنظيم د غړو هېوادونو سپيكران او غړي هم ګډون كوي. په دې موقع به په بېلا بېلو موضوعاتو جامع غونډې او ملاقاتونه كېږي. ده هيله څرګنده كړه چې د دې ملاقاتونو او مذاكراتو به د دواړو هېوادونو او منطقې په ګټه غوره نتيجې راووځي. د پاكستان او تركيې د تاريخي اړيكو په اړه ده ووئيل چې دا اړيكې د شريك تاريخ، كلتور او تهذيب په وجه پرله پسې وده كوي. ده ووئيل چې تركيې لپاره پاكستان يوه خاص مرتبه لري، زه او د تركيې اولس چې كله هم كوم پاكستاني دوست سره ليدنه كوو، نو دا محسوسه كړو او زمونږ اقدار او تاريخ شريك دے. ده ووئيل چې پاكستان سره زمونږ سفارتي اړيكې په كال 1947م كښې د پاكستان آزادې نه سمدستي وروستې پېل شوې وې او په كراچې كښې د پاكستان په پايه تخت كښې د تركيې نامتو شاعر او اديب يحيٰی كمال د سفيړ په توګه ټاكل شوې و. ده ووئيل چې د پاكستان او تركيې ترمېنځه د تزويراتي مرستې كونسل د پلېټ فارم له مخې 73 بېلا بېلې لوظنامې لاسليك شوې دي. د اسلامو فوبيا خاتمې لپاره د پوښتنې په ځواب كښې ده ووئيل چې تر ټولو وړاندې به مونږ ته مسئله په ګوته كول وي د كومې په ضد به چې مونږ ته اقدامات كول وي. د اسلام دښمنې او اسلامو فوبيا د مقاصد مخ نيوې د ټولو قومونو شريكه ذمه واري ده. ده ووئيل چې مونږ د نورو په توجيهاتو او وضاحت كښې خپل ځان نه شو قېد كولې. ده ووئيل چې د مسلمانانو څخه كركه او د دوي استحصال اسلاموفوبيا نه ده، په واضح او جامع ټكو كښې دا د اسلام څخه كركې ته وئيلې كېدې شي. ده ووئيل چې داسې طبقې كومې چې خپل نمائش غواړي، ته دې پام ونه كړے شي. د فلسطين او كشمير مسئلې په اړه ده ووئيل چې په كشميړ او فلسطين كښې اقدامات د اندېښنې وړ دي. د اګست په 5مه نېټه كال 2019م كښې هندي حكومت د آئين آرټيكل 370 ختم كړو كوم چې د جمو و كشميړ اولس ته خاص حيثيت وركړے و. د دې خاتمې په نتيجه كښې كړكېچ زيات شو او د شخړې د حل لارې بند شوې خو په دې لړ كښې د ملګرو ملتونو قراردادونه ډېر واضح دي. د كشميريانو د حقونو څخه سختې سرغړونې د كشميري اولس د آزادې د جائز حق د غوښتنې مخه نه شي نيولې، هيله ده چې دا مسئله به د مذاكراتو او د ملګرو ملتونو د اړوند قراردادونو په رڼا كښې د كشميري اولس د خواهشاتو له مخې حل كړې شي، په سوئيلي اسيا كښې امن او استحكام د كشمير د مسئلې د حل څخه نه شي جدا كېدے. دہ ووئيل چې ترك صدر رجب طيب اردوان په كال 2020م كښې د پاكستان دورې په مهال د پاكستان د قومي اسمبلۍ او سېنېټ غړو ته وېنا كړې وه. د هغه وېنا زمونږ په زړونو كښې ځائ جوړ كړو او ډېره حوصله ئې راكړه چې د پاكستان اولس او د پارلمان غړي مونږ لپاره د فخر وړ دي او هم دا وجه ده چې په سباٶن كښې به زمونږ پارلماني اړيكې لا قوي شي.
د كشميريانو د حقونو څخه سختې سرغړونې د كشميري اولس د آزادې د جائز حق د غوښتنې مخه نه شي نيولې، د تركيې د ګرېنډ نېشنل اسمبلۍ سپيكر پروفېسر ډاكټر مصطفٰی شين توپ اے پي پي سره ځانګړې مركه
د كشميريانو د حقونو څخه سختې سرغړونې د كشميري اولس د آزادې د جائز حق د غوښتنې مخه نه شي نيولې، د تركيې د ګرېنډ نېشنل اسمبلۍ سپيكر پروفېسر ډاكټر مصطفٰی شين توپ اے پي پي سره ځانګړې مركه | APP Pashto service
