اسلام آباد 20 اپرېل (اے پي پي) د اطلاعات او خپرونو وفاقي وزير چوهدري فواد حسېن وئيلي دي د هېواد وزيراعظم پاتې شوے شاهد خاقان عباسي غوندې بنده د ذهني معيار په اعتبار سره دې چوكو ته نه دې رسېدلے، هيله ده چې ن ليګ به په خپله هم سپيكر سره د شاهد خاقان عباسي د رويې غندنه وكړي، اپوزيشن د حكومت ختمولو هر ډول هڅې كړي ، ډلې جوړې كړې شوي، د پي ډي اېم د لارې د مصالحې خرڅولو هڅه شوې او چې كله ئې څه خرڅ نه شول نو په قامي اسمبلۍ كښې ئې د غنډاګانو رويه اختيار كړه، د دوي منافقانه رويې څرګندې شوي، اپوزيشن ګوندونه د اسلام نه بلكې د اسلام آباد په جګړه اخته دي، حكومت په ايوان كښې قرارداد وړاندې كولو سره كالعدم ټي اېل پي سره لوظ ترسره كړے، د كړكېچ كفيت ختم شوے، د پارلماني عمل له مخې په دې قرارداد بحث پېل شوے، پارلمان به د ستونزو زياتولو نه بلكې د حل كولو فورم جوړول وي. ده دا خبرې د نهې په ورځ د پارلمان په خوا كښې مېډيا سره په خپلو خبرو كښې وكړې. د وزيراعظم خاص مرستيال شهباز ګل هم ده سره ملګرے ؤ. وفاقي وزير چوهدري فواد حسېن ووئيل د قامي اسمبلۍ سپيكر په اړه د شاهد خاقان عباسي د خبرې غندنه كوو، زمونږ بدقسمي ده چې د شاهد خاقان عباسي پشان خلق د هېواد وزيراعظمان پاتي شوي ٬ خو د ذهني معيار له مخې دې چوكو ته نه دي رسېدلي. دا سړے د قامي اسمبلۍ سپيكر سره او په ايوان كښې د خبرې كولو تميز نه لري، د ن ليګ په وختونو كښې ادارې تباه كړې شوي۔ده ووئې داسې تاثر وركړے كېږي لكه چې د ټولو زمانو درد د دوي په زړونو كښې پروت دے. ده ووئيل شاهد خاقان عباسي، احس اقبال او فضل الرحمان د اسلام نه بلكې د اسلام آباد په جګړه اخته دي او دا د دوي د څېرو نه څرګندېږي. وفاقي وزير ووئيل اپوزيشن د حكومت ختمولو هر ډول هڅې كړي ، ډلې جوړې كړې شوي، د پي ډي اېم د لارې د مصالحې خرڅولو هڅه ئې كړې او چې كله څه خرڅ نه شول نو په قامي اسمبلۍ كښې ئې د غنډاګانو رويه اختيار كړه، د دوي منافقانه رويې څرګندې شوي۔ده ووئېل حكومت په ايوان كښې قرارداد وړاندې كولو سره كالعدم ټي اېل پي سره لوظ ترسره كړے، د كړكېچ كفيت ختم شوے، د پارلماني عمل له مخې په دې قرارداد بحث پېل شوے، پارلمان به د ستونزو زياتولو نه بلكې د حل كولو فورم جوړول وي. د يوې پوښتنې په ځواب كښې ده ووئيل د احتجاج په مهال 5 پوليس اهلكار شهيدان او 800 ژوبل شوي ، په دې مقدمو كښې نومولے شوي كسان به خپله بې ګناهي په عدالتونو كښې ثابتوي. د يوې پوښتنې په ځواب كښې ده ووئيل د اتوار په ورځ په پاكستان كښې احتجاج شوے، دوه نيم لكه ټويټس شريك شوي، 70 فيصده د يو سافټ ويئر د لارې شوي او د دې حدود هندوستان ؤ. د دې تحريك په حق كښې مېډيا كمپائن د بهرنو قواؤ د لارې شوے. ده ووئيل په تاريخ كښې چې څوك د كركې فصل وكري نو هغه بيا د مينې فصل نه شي رېبلے . د 80م په لسيزه كښې كوم چې زمونږ همدرد وو نن هغه چرته ولاړ دي، حكومت به د جامع پاليسي جوړولو سره مخ په وړاندې ځي.
سپيكر سره د شاهد خاقان عباسي رويه د غندنې وړ ده، دا خلق د ذهني معيار په اعتبار دې چوكو ته نه دې رسېدلي، اپوزيشن ګوندونه د اسلام نه بلكې د اسلام آباد په جګړه اخته دي. وفاقي وزير فواد چوهدري
سپيكر سره د شاهد خاقان عباسي رويه د غندنې وړ ده، دا خلق د ذهني معيار په اعتبار دې چوكو ته نه دې رسېدلي، اپوزيشن ګوندونه د اسلام نه بلكې د اسلام آباد په جګړه اخته دي. وفاقي وزير فواد چوهدري | APP Pashto service
مضمون کا ماخذ : dupla sena acumulada
