کراچۍ 04 جولائي (اے پي پي)د تحریك انصاف چيئرمېن عمران خان وئيلي دي د پي ټي آئي هاٶسنګ پاليسۍ له مخې به بلډرز اېسوسي اېشن سره په ګډه په كلنه توګه لس لكه حساب او ټول 50 لكه ارزانه كورونه جوړولې شي٬ كه مونږ دې هدف ته نزدې هم ورسېدو نو د پاكستان معاشي بحران به ختم شي۔ عمران خان دا خبرې د شورو په ورخ اېسوسي اېشن آف بلډرز اېنډ ډيولپرز (آباد) تر سېوري لاندې د پي ټي آئي هاٶسنګ پاليسي اعلانولو په موقع دستورې ته خپلې وېنا كښې وكړې۔ په دې موقع د بزنس كميونټي مشران عقیل کریم ډېډي،عارف حبیب، زیغم محمود رضوی، د آباد چیئرمېن عارف یوسف جیوا، وائس چیئرمېن سهېل ورند، سدرن ریجن چیئرمين فیکھا الطاف تائی، د کے سی سی آئی صدر مفسرالحق ملك، د آباد نور مشران فردوس شمیم نقوی،حنیف ګوهر،عبدالرشید ګوډیل او نور غړي موجود وو۔ عمران خان ووئيل د هاٶسنګ څانګه د معاشي انقلاب ضامن ده او د پاكستان لويه مسئله بې روزګاري ده٬ ده ووئېل كه مونږ د لكهونو په شمېر ځوانانو ته روزګار ورنه كړو نو تباهي به راشي ٬ د لكهونو په شمېر دا ځوانان به پرمختګ پلو بوځو۔ ده ووئيل درې څلور لكه پلاټونه به بې وسه خلقو ته وركوٶ او د زكواة فنډز به په سوشل هاٶسنګ لګوٶ۔ عمران خان ووئيل 50 لكه ارزانه كورونه جوړول مونږ لپاره يو چېلنج دے كومو لپاره چې به مونږ وړومبې د اوبو٬ برېښنا او د ګاز پشمول انفرسټركچر جوړو۔ ده ووئيل پخوانو حكومتونو قرض 27 اربه روپو ته رسولې٬ اسحق ډار د پاكستان معيشت رنځور كړې۔ ده ووئيل د دې مسئلو هواري له به حكومت له پخپله بدلېدل وي۔ عمران ووئيل بلډرز اېسوسي اېشن سره په ګډه په كلنه توګه لس لكه حساب 50 لكه ارزان كورونه جوړولې شي
د تحریك انصاف چيئرمين عمران خان د كورونو قامي پاليسي اعلان كړه
د تحریك انصاف چيئرمين عمران خان د كورونو قامي پاليسي اعلان كړه | APP Pashto service
