اسلام آباد 01 مارچ (اے پی پی) د وزيراعظم د كشمير او ګلګت بلتستان چارو صلاحكار قمرزمان كائره سره د ګلګت بلتستان وزيراعلٰی خالد خورشيد د شورؤ په ورځ ملاقات وكړو۔ ملاقات كښې د ګلګت بلتستان په روانه امنيتي وضعه ٬ پرمختيائي پروژو ٬ بجټ ايشوز او د غنمو رسولو په اړه د خيالاتو څرګندونه وشوه۔ په خپلو خبرو كښې قمرزمان كائره ووئيل چې په ګلګت بلتستان كښې د تنخاګانو٬د پرمختيائي پروژو او د غنمو رسولو په اړه مې وزيراعظم سره ملاقات كړې دې۔ وزيراعظم د ګلګت بلتستان مسئلې په ترجيحي بنيادونو د حل كولو هدايات جاري كړې دي۔ په ملاقات كښې د غنمو رسولو او بيعو په اړه هم تفصيلي خبرې اترې وشوې۔ په ملاقات كښې په دې مواقفه راغله چې د غنمو د بيعو تعين او د دې د رسولو په اړه به ټولو سياسي ګوندونو سره مشاورت كولې شي۔ په ملاقات كښې د ګلګت بلتستان د 2018 او 2019 په جي بي آرډرز او په دې لړ كښې په سپريم كورټ كښې د كيس په اړه هم خبرې اترې وشوې۔ د ګلګت بلتستان آئيني اېشوز په اړه په شريك مشاورت هم اتفاق وكړے شو۔ قمرزمان كائره اعلی وزير ته د وزارت لخوا د ګلګت بلتستان د هر ډول مرستې باور وركړو۔ ده ووئيل د صوبائي حكومت او وزارت ترمينځه تړون به لا پياوړے كړے شي۔
قمرزمان كائره سره د ګلګت بلتستان وزيراعلٰی خالد خورشيد ملاقات
قمرزمان كائره سره د ګلګت بلتستان وزيراعلٰی خالد خورشيد ملاقات | APP Pashto service
