اسلام آباد 05 مئي (اے پي پي) خارجه وزير مخدوم شاه محمود قريشي وئيلي دي نړيواله ورورولي او د بشري حقونو نړيوال تنظيمونه دې په مقبوضه كشمير كښې “هيومن كاريډور” جوړولو له په هند فشار واچوي۔دا خبره ده د شورو په ورځ د كشمير پارلماني كمېټۍ غونډي نه پس پارليمنټ هاؤس كښې ميډيا سره په خپلو خبرو كښې وكړه۔ خارجه وزير ووئيل په غونډه كښې ټولو ګوندونو ګډون كړے،مونږ په اجتماعي توګه يو ځل بيا هند له د بشري خواخوږۍ ترمخه د مرستي وړانديز كړے او نن هم د هند د اړخه د ځواب په طمعه يو۔ده ووئيل مونږ د مقبوضه كشمير په صورتحال زيات تشويش لرو۔مظلوم كشميريان د دوه اړخه لاك ډاؤن سره مخ دے۔هغوي ته نه داروګان ورسولے كيږي او نه هغوي ته ويكسين ترلاسه دي هغوي دې ډول ستونزو سره مخ دي۔خارجه وزير ووئيل د كشمير كمېټۍ په غونډه كښې په دې ټول صورتحال بحث شوے او ټولو ګوندونو په متفقه توګه قرارداد منظور كړے چې له مخي ئې مونږ د نړيوالي ورورولۍ او د بشري حقونو په اړه كار كوونكو نړيوالو تنظيمونو څخه دا غوښتنه كوو چې هغوي د وبائي صورتحال ترمخه مقبوضه كشمير كښې “هيومن كاريډور” جوړولو له به هند فشار واچوي،دغسې چې بې ګناه كشميريانو ته تر داروګانو او طبي آسانيو رسنه وركړې شي۔خارجه وزير ووئيل زه د ټولو ګوندونو مننه كوم كومو چې په غونډه كښې ګډون كړے او متفقه توګه ئې دا قرارداد منظور كړے ۔وزيراعظم عمران خان پرمختګ كوونكو هېوادونو ته د كورونا وبا اقتصادي مضمرات څخه بچ كيدو لپاره نړيوالي ورورولۍ ته “ډيټ ريليف” تجويز وركړے او د دغه تجويز مثبت غبرګون رامخي ته شوے دے
نړيواله ورورولي او د بشري حقونو تنظيمونه دې په مقبوضه كشمير كښې “هيومن كاريډور” جوړولو لپاره په هند فشار واچوي، د خارجه وزير شاه محمود قريشي ميډيا سره خبرې
نړيواله ورورولي او د بشري حقونو تنظيمونه دې په مقبوضه كشمير كښې “هيومن كاريډور” جوړولو لپاره په هند فشار واچوي، د خارجه وزير شاه محمود قريشي ميډيا سره خبرې | APP Pashto service
