اسلام آباد– 13 – فيبروري (اي پي پي) وزيراعظم محمد شهباز شريف چيو آهي ته عوام کي بنيادي ضرورت جي شين جي بنا رڪاوٽ ۽ گهٽ قيمت تي فراهمي وفاقي ۽ صوبائي حڪومتن جي اولين ذميواري آهي، ملڪ ۾ ڪڻڪ سميت ٻين کاڌي پيتي جي شين جي ڪا کوٽ نه آهي، بنيادي شين جي درآمد ۾ ايندڙ رڪاوٽن کي ترجيحي بنياد تي ختم ڪيو وڃي. اهڙن خيالن جو اظهار وزيراعظم پنهنجي صدارت ۾ بنيادي کاڌي پيتي جي شين جي دستيابي ۽ پرائيس ڪنٽرول جي حوالي سان منعقد اجلاس ۾ ڪيو. اجلاس ۾ ناڻي ۽ اوڳاڙين واري وفاقي وزير اسحاق ڊار، قومي غذائي تحفظ ۽ تحقيق واري وفاقي وزير طارق بشير چيما، منصوبابندي واري وفاقي وزير احسن اقبال، چئني صوبن، گلگت بلتستان ۽ آزاد ڪشمير جي چيف سيڪريٽرين، اسلام آباد ڪيپيٽل ٽيريٽري جي چيف ڪمشنر ۽ ٻين لاڳاپيل اعليٰ سرڪاري آفيسرن شرڪت ڪئي. وزيراعظم چيو ته عوام کي بنيادي ضرورتن جي شين جي بنا رڪاوٽ ۽ گهٽ قيمت تي فراهمي وفاقي ۽ صوبائي حڪومتن جي اولين ذميواري آهي. بنيادي کاڌي پيتي جي شين جي دستيابي يقيني بڻائڻ جي لاءِ قدم کنيا وڃن. وزيراعظم ذخيره اندوازي جي خلاف سخت ڪارروائي ۽ ضرورت جي شين جي سپلائي چين کي برقرار رکڻ جي هدايت ڪئي. هن چيو ته ملڪ ۾ ڪڻڪ سميت ٻين بنيادي کاڌي پيتي جي شين جي ڪنهن به قسم جي ڪا کوٽ نه آهي. وزيراعظم وفاق ۽ صوبن کي ضرورت جي شين جي سپلائي چين کي برقرار رکڻ جي حوالي سان رابطن ۽ هم آهنگي بهتر بڻائڻ جي هدايت ڪئي. وزيراعظم چيو ته بنيادي ضرورت جي شين جي درآمد ۾ ايندڙ رڪاوٽن کي ترجيحي بنيادن تي ختم ڪيو وڃي. وزيراعظم سپلائي چين کي موثر بڻائڻ ۽ قيمتن ۾ بهتري آڻڻ جي حوالي سان خصوصي ڪميٽيون قائم ڪرڻ جي هدايت ڪئي. وزيراعظم چيو ته رمضان دوران کاڌي پيتي جي شين جي سستي اگهن تي فراهمي ۽ سستا رمضان بازارن جي حوالي سان سمورا صوبا ۽ انتظامي يونٽس ايندڙ جائزه اجلاس ۾ ٺوس حڪمت عملي پيش ڪن، رمضان بازارن ۾ قيمتن ۾ استحڪام جي حوالي سان ٽيڪنالاجي جو استعمال ڪيو وڃي. وزيراعظم هدايت ڪئي ته رمضان بازارن ۾ سيڪيورٽي جا خاطرخواهه قدم ٿيڻ گهرجن. وزيراعظم پوري ملڪ ۾ بنيادي کاڌي پيتي جي شين جي دستيابي يقيني بڻائڻ جي هدايت ڪندي حڪم ڏنا ته ذخيره اندوزن جي خلاف سخت ڪارروائي ڪئي وڃي ته جيئن ضرورت جي شين جي سپلائي چين کي برقرار رکي سگهجي. وزيراعظم ان سلسلي ۾ وفاق ۽ صوبن جي وچ ۾ رابطن ۽ هم آهنگي بهتر بڻائڻ جي هدايت ڪئي. وزيراعظم کاڌي پيتي جي شين جي سپلائي چين کي موثر بڻائڻ ۽ قيمتن ۾ بهتري آڻڻ جي حوالي سان خصوصي ڪميٽيون قائم ڪرڻ جي پڻ هدايت ڪئي جن جو نوٽيفڪيشن اڄ جاري ٿي ويندو. وزيراعظم خصوصي هدايت ڪئي ته اهڙيون شيون جن جو استعمال رمضان دوران وڌي وڃي ٿو انهن جي آسان ۽ سستي اگهن تي فراهمي يقيني بڻائي وڃي. وزيراعظم بنيادي ضرورت جي شين جي درآمد ۾ ايندڙ رڪاوٽن کي ترجيحي بنيادن تي ختم ڪرڻ جي هدايت پڻ ڪئي. هن هدايت ڪئي ته رمضان دوران کاڌي پيتي جي شين جي سستي اگهن تي فراهمي ۽ سستا رمضان بازارن جي حوالي سان صوبا ۽ انتظامي يونٽس ايندڙ جائزه اجلاس ۾ ٺوس حڪمت عملي پيش ڪن. وزيراعظم وڏي آبادي وارن شهرن ۾ رمضان بازارن جو اگهه وڌائڻ جي پڻ هدايت ڪئي. اجلاس کي ٻڌايو ويو ته ملڪ ۾ کاڌي پيتي جي شين جي ڪا کوٽ نه آهي ۽ عوام تائين ڪڻڪ، دالين، کاڄرو تيل سميت ٻين شين جي پهچ جي لاءِ مناسب قدم کنيا پيا وڃن. اجلاس کي ٻڌايو ويو ته وفاق پاران صوبن کي انهن جي ضرورت موجب ڪڻڪ مهيا ڪئي پئي وڃي. اجلاس کي ٻڌايو ويو ته شين جي مصنوعي کوٽ پيدا ڪندڙن جي خلاف سخت ڪارروائي ڪئي ويندي. اجلاس کي وڌيڪ ٻڌايو ويو ته صارفين کي بنيادي کاڌي پيتي جي شين جي سستي اگهن تي پهچ جي حوالي سان ڪجهه صوبن ۾ موبائيل فون ايپليڪيشنز جو استعمال ڪيو پيو وڃي.
عوام کي بنيادي ضرورت جي شين جي بنا رڪاوٽ ۽ گهٽ قيمت تي فراهمي وفاقي ۽ صوبائي حڪومتن جي اولين ذميواري آهي: وزيراعظم شهباز شريف
اسلام آباد– 13 – فيبروري (اي پي پي) وزيراعظم محمد شهباز شريف چيو آهي ته عوام کي بنيادي ضرورت جي شين جي بنا رڪاوٽ...
