اسلام آباد۔28جون(اے پی پی) په وفاقي پلازمينه اسلام آباد كښې به د لويې اختر د لمونځ تر ټولو لويه اجتماع په فېصل مسجد كښې كېږي۔ په څلورو واړو صوبائي سرښارونو لاهور ، کراچۍ، پېښور او كوئټه كښې به هم په عيدګاه او جامع مساجد كښې د اختر لويې غونډې كېږي۔ لاهور كښې به د اختر لمونځ تر ټولو لويه غونډه په تاريخي جومات بادشاهي مسجد كښې كېږي۔ د اختر لمونځ په ټولو اجتماعاتو كښې به د هېواد سلامتيا ٬ پرمختګ او بقا له دعاګانې غوښتلې شي۔ د آزاد کشمیر او ګلګت بلتستان سره سره په مقبوضه كشمير كښې به د قربانۍ دا اختر مذهبي جوش او جذبې سره لمانځلې شي۔ د مرکزی رویت هلال كمېټۍ اعلان له مخې په ګرد هېواد كښې لويې اختر د زيارت په ورځ لمانځلې شي۔ د ورځې پېل به جوماتونو كښې د اسلامي نړۍ بهترۍ ٬ د هېواد پرمختګ ٬ سوكالۍ او سلامتيا له خصوصي دعاګانو څخه كېږي۔ د لويې اختر لمونځ غونډې به په وفاقي دار الحكومت ٬ څلورو واړو صوبو ٬ آزاد كشمير او د ګلګت بلتستان په شمول ټولو ښارونو او كلو كښې په جوماتونو او ښكاره ځايونو كښې كېږي۔ علماﺀ كرام به خپلو خطبو كښې د حضرت ابراهيم او حضرت اسماعيل علېهما السلام سترې قربانۍ په اهميت رڼا اچوي۔ د لمونځ څخه وروستو به خلق د حضرت ابراهيم علېه السلام د سنت په اتباع كښې ځانور قربان كوي۔ انتظاميې د اختر په ورځو كښې فوري صفايۍ له بشپړه انتظامات كړې دي۔ بلخوا د سعودي عربستان په شمول په خليج هېوادونو كښې لويے اختر د شورؤ په ورځ ولمانځلے شو۔ په مكه مكرمه كښې په مسجد الحرام او مدينه منوره كښې په مسجد نبوي كښې د لكھونو په شمېر خلقو د لويې اختر لمونځ وكړو۔
اسلام آباد كښې د لويې اختر لمونځ تر ټولو لويه اجتماع به په فيصل مسجد كښې كيږي
اسلام آباد كښې د لويې اختر لمونځ تر ټولو لويه اجتماع به په فيصل مسجد كښې كيږي | APP Pashto service
