اسلام آباد 17 فروري (اے پي پي) د وزیراعظم عمران خان او سعودي ولي عهد شهزادہ محمد بن سلمان په موجودګۍ كښې د دواړو هېوادونو ترمېنځه په بېلا بېلو څانګو كښې د مرستې او سرمايه كارۍ د 20 اربه ماليت په 7 لوظنامو او د تفاهم په يادښتونو د لاسليك دستوره د اتوار په ورځ په وزيراعظم هاٶس كښې وشوه۔ د سعودي او پاكستان ترمېنځه د سټنېډر ډائزېشن په څانګه كښې په لوظنامه لاسليك وشو٬ د سعودي د تجارت وزير ډاكټر ماجد القاسمی او خارجه وزير شاه محمود قرېشي په لوظنامه لاسليك وكړو۔ د لوبو او د ځوانانو د چارو په څانګه كښې د مرستې په لوظنامه د سعودي خارجه وزير عادل الجبېر او د بېن الصوبائي رابطو وزېري ډاكټر فهميده مرزا ٬ د سعودي مصنوعاتو درآمد په اړه مالياتي لوظنامه د خزانې وزير اسد عمر او د سعودي خارجه وزير عادل الجبېر پرمختګ لپاره د سعودی فنډ لخوا لاسليك كړه۔د توان پېداوار فرېم ورك په لړ كښې د تفاهم په يادښت د خزانې وفاقي وزير اسد عمر او د توان خارجه وزير عادل الجبېر لاسليك وكړو۔ د دواړو هېوادونو ترمېنځه د معدني وسائلو پرمختګ كښې د مرستې په تفاهم هم لاسليك وشو۔ د سعودي د توان وزير خالد الفالح او د پټروليم وفاقي وزير غلام سرور خان په لوظنامه لاسليك وكړو۔ د دواړو هېوادونو ترمېنځه د قابل تجديد توان په څانګه كښې په مرسته او د سرمايه كارۍ په لوظنامه د سعودي د توان وزير خالد الفالح او د توان وفاقي وزير عمر ایوب خان لاسليك وكړٶ۔ دې لوظنامو سره به د دواړو هېوادونو ترمينځھ اړيكې لا مستحكم شي۔ سعودي ولي عهد په دوه ورځنۍ دوره خپل پلاوي سره پاكستان ته رارسېدلې دې چرته چې ده ته ځانګړې هركلې وئيلې شوې
د پاكستان او سعودي عربستان ترمينځھ په بېلا بېلو څانګو كښې د مرستې او سرمايه كارۍ د 20 اربه ماليت په 7 لوظنامو او د تفاهم په يادښتونو د لاسليك دستوره
د پاكستان او سعودي عربستان ترمينځھ په بېلا بېلو څانګو كښې د مرستې او سرمايه كارۍ د 20 اربه ماليت په 7 لوظنامو او د تفاهم په يادښتونو د لاسليك دستوره | APP Pashto service
