سرلښكر جنرال قمر جاوید باجوہ د نورو 14 ترهه ګرو د مرګ د سزا د پريكړو توثیق وكړو

Trump's foreign policy: Buy Greenland and end the Ukraine war

پينډۍ 21 دسمبر (اے پی پی) سرلښكر جنرال قمر جاوید باجوہ په ترهه ګرۍ كښې ككړو د نورو 14 ترهه ګرو د مرګ د سزا د پريكړو توثیق كړے، 20 ترهه ګرو له د قېد بيلا بيلې سزاګانې هم وركړې شوې دي، دا ترهه ګر په وسله والو ځواكونو او قانون نافذ كونكو كسانو په بريدونو ، مواصلاتی نظام، پولیس سټېشن او د تعلیمی ادارو تباہ كولو په كاروائیو كښې ككړ وو۔ د ترهه ګرو په دې كاروائیو كښې 16 امنيتي ځواكونه او درې وګړې شهيدان او 19 كسان ژوبل شوي وو۔ د آئی اېس پی آر له مخې محی الدین او ګل زمان شاہ كمین خان د كالعدم تنظیم غړي وو۔ دوي په وسله والو ځواكونو او قانون نافذ كونكو ادارو بريدونو كښې ككړ وو چې په نتيجه كښې ئې 3 ځوانان شهیدان او 5 ژوبل شوي وو۔ د ترهه ګرۍ كارروائیو په مهال دوي چاؤديدونكې توكي هم لرل۔ د ټرائل كورټ او مجسټریټ په وړاندې دوي د ټولو جرمونو اعتراف كړے په دې دوي ته د مرګ سزا اورولې شوې وه۔ فضل هادی د كالعدم تنظیم متحرك غړے ؤ ٬ دې په په وسله والو ځواكونو بريد كښی ككړ ؤ چې په نتيجه كښې ئې درې ځوانان شهيدان شوي ؤ دې په هزارہ ګلی باغ برج او پولیس سټیشن بريدونو او د دوه وګړو تښتولو كښې هم ككړ ؤ۔ د ټرائل كورټ او جوډېشل مجسټریټ په وړاندې د ټولو جرمونو په اعتراف ده ته د مرګ سزا اورولې شوې وه۔ محمد باب ، ګل محمد ، بشیر احمد او آفرین خان د كالعدم تنطیم متحرك غړي وو ، دوي په قانون نافذ كونكو ادارو بريدونو كښې ككړ وو چې په نتيجه كښې ئې صوبیدار اول خان، نائیك عظمت اللہ شهیدان او نور ځوانان ژوبل شوي وو۔ د ټرائل كورټ او مجسټریټ په وړندې د خپلو ټولو جرمونو په اعتراف كولو دوي ته د مرګ سزا اورولې شوې وه۔ بركت علی ، محمد اسلام ، روح الامین او شتامند د كالعدم تنظیم متحرك غړي وو، دوي پھ بې ګناه وګړو او په وسله والو ځواكونو بريدونو كښې ككړ وو چې پھ نتيجه كښې ئې وګړي محمد عمر، مختار احمد، حوالدار اللہ دته او سپاهی بادشاہ حسېن شهیدان او دوه وګړي ژوبل شوي وو۔ دوي په سوات كښې پھ تعلیمی ادارو تباہ كولو كښې ككړ وو۔ د ټرائل كورټ او مجسټریټ په وړاندې د خپلو ټولو جرمونو په اعتراف دوي ته د مرګ سزا اورولې شوې وه۔ بادشاہ وزیر د كالعدم تنظیم غړے و ، دې په وسله والو ځواكونو بريدونو كښې ككړ ؤ چې په نتيجه كښې ئې نائیك غلام حسین شهید او نور ژوبل شوي وو۔ د ټرائل كورټ او مجسټریټ په وړاندې د خپلو ټولو جرمونو په اعتراف كولو ده ته د مرګ سزا اورولې شوې وه۔ محمد د كالعدم تنظیم غړے ؤ ، دې په قانون نافذ كونكو ادارو بريدونو كښې ككړ ؤ چې په نتيجه كښې ئې سپاهی ساجد خان شهید او 5 ځوانان ژوبل شوي ؤ۔ د ټرائل كورټ او مجسټریټ په وړاندې د خپلو ټولو جرمونو په اعتراف كولو ده ته د مرګ سزا اورولې شوې وه۔ محمد اسماعیل په وسله والو ځواكونو او قانون نافذ كونكو ادارو بريدونو كښې ككړ و چې په نتيجه كښې ئې امنيتي اهلكار شهید او دوه ژوبل شوي وو، د بريد په وخت دوي وسله هم لرله ، د ټرائل كورټ او مجسټریټ په وړاندې د خپلو ټولو جرمونو په اعتراف كولو ده ته د مرګ سزا اورولې شوې وه۔ (

متعلقہ مضامین