د توان ډويژن منافع د 9 مياشتو په مهال زياتېدو سره 121 اربه روپو ته رسېدلې۔ وفاقي وزير عمر ايوب خان
اسلام آباد 11 اګست (اے پي پي﴾ د توان وفاقي وزير عمر ايوب خان وئيلي دي چې د توان ډويژن منافع د 9 مياشتو په مهال زياتېدو سره 121 اربه روپو ته رسېدلې۔ د اتوار په ورځ په ټويټر په خپل پېغام كښې وفاقي وزير ووئيل چې د بدلون په دې سفر كښې د 16 اربه روپو اضافي رېونيو جمع كړې شوې٬ د برېښنا د غلا 36 زره كېسونه درج شوي دي٬ د برېښنا 5318 غله نيول شوي دي۔ ده ووئيل چې د يو لك پنځه زره 776 شكايات ازاله شوې۔ وفاقي وزيړ ووئيل چې په دې وخت كښې 23 زره 43 مېګاواټه برېښنا صارفينو ته وركولې شي كومه چې د هېواد په تاريخ كښې تر ټولو زياته ده۔
