اسلام آباد 20 مارچ (اے پي پي) د اطلاعات او خپرونو وفاقي وزير چوهدري فواد حسېن وئيلي دي د بلاول بھټو او آصف علي زرداري د نېب پېشۍ په مهال يو څو درځنه كسان په پوليس ورغوټه شول ٬ ايا تاسو دا ثابتول غواړۍ چې تاسو تفتيش لپاره ولې رابللې شوې ئې٬ دا رويه د كالعدم تنظيمونو نه څنګه مختلف ده ٬ په چا چې د نېشنل اېكشن پلان نافذ كېږي٬ دا رويه د قانون د تقاضو منافي ده٬ هيله ده چې د پيپلز ګوند مشران به په خپله رويه بخښنه اوغواړي ٬ د پوليس معامله په غېر جانبدارۍ د ترسره كولو هڅه د ستائنې وړ ده۔ د شورو په ورځ د اطلاعات وزير چوهدري فواد حسېن د بلاول بهټو او آصف علي زرداري نېب كښې د پېشۍ په اړه خپل وېډيو پېغام كښې ووئيل نن بلاول بهټو او آصف علي زرداري نېب تفتيش لپاره رابللي وو٬ د پېشۍ په موقع د پيپلز ګوند نزدې 500 كاركنان راغونډ وٶ او د بده مرغه يو څو درځنه كسان په پوليس ورغوټه شول ٬ ده ووئېل دا رويه د قانون د تقاضو منافي ده٬ په دې بريد كښې څلور پوليس اهلكار او دوه كېمره مېنان د ژوبل كېدو اطلاع هم راغلې ۔ چوهدري فواد حسېن ووئيل د پيپلز ګوند د كاركنانو د بريد په مهال پوليس د زغم څرګندونه كړې٬ د پوليسو لخوا معامله په غېر جانبدارۍ د ترسره كولو هڅه د ستائنې وړ ده۔ ده ووئيل مونږ د پوليس دا رويه مخ په وړاندې بوتلل غواړو خو كه څوك هم د خپل حد نه تجاوز كوي نو رياست به خپله ذمه واري ترسره كوي۔ ده ووئيل مونږ روغه جوړه غواړو٬ د دې مقصد دا نه دے چې احتساب دې ايسار كړې شي ٬ كوم كسان چې مقدمو سره مخ دوي ھغوي به مخ كېږي٬ داسې نه شي كېدې چې تاسو د تحقيقاتو عمل متاثر كړې شئ
د بلاول بھټو او آصف علي زرداري د نېب پېشۍ په مهال يو څو درځنه كسان په پوليس ورغوټه شول
د بلاول بھټو او آصف علي زرداري د نېب پېشۍ په مهال يو څو درځنه كسان په پوليس ورغوټه شول | APP Pashto service
