اسلام آباد۔17اپرېل(اے پی پی) وزيراعظم شهباز شريف د مذهبي چارو وفاقي وزير مفتي عبد الشكور ته د عقيدت پېرزوئنې وړاندې كولو سره وئيلي دي هغه يو ايماندار شخصيت او جيد عالم وو٬ په پاك پروردګار او حلال رزق باور لرونكے وو٬ د حج غوره انتظامات د ده د هڅو نتيجه ده٬ دا ايوان او كابينه نه بلكې هېواد يو عظيم شخصيت او مفكر څخه محروم شوے دے٬ هېواد سترو چېلنجونو څخه تېرېږي٬ يو اے اي يو ارب ډالر او سعودي عربستان دوه اربه ډالره راكړې دي۔ د ګل په ورځ په قومي اسمبلۍ كښې خپلو څرګندونو كښې ده ووئيل د مفتي عبد الشكور په حق رسېدو راته زيات خفګان شوے دے۔ ده ووئيل زما هغوي سره اولنے ملاقات هغه وخت شوے وو كله چې مونږ په كال 2018 ﺀ كښې ټاكل كېدو سره اسمبلۍ ته راغلي وو٬ كله چې هغه زمونږ د كابينې برخه جوړ شو نو بيا هغه سره د نزدې پاتې كېدو موقعه ترلاسه شوه۔ هغه زمونږ د كابينې يو قيمتي غمې وو٬ زيات ايماندار شخصيت او جيد عالم وو٬ اوس مونږ ته معلومه شوه چې هغه جومات سره پېوست يو وړوكي كور كښې وسېدو٬ د ټاكنو كمپائن يۍ په موټر سائيكل چلولې۔ ده ووئيل كله چې كابينې دا پرېكړه وكړه چې د هېواد په سختو حالاتو كښې بايد هر يو غړے خپله تنخا او مراعات پرېږډي نو د كابينې زياتره غړو دې پرېكړې سره اتفاق وكړو۔ مفتي صاحب د يوې خبرې اجازت وغوښتو چې وزيراعظم صاحب د دې تنخا نه غېر زما ګزاره نه كېږي۔ بيا يۍ ووئيل تاسو ته زما دا خبره بده خو و نه لګېده نو ما ورته ووئيل بلكې ماته ډېره ښه ولګېده ولې چې هغه يو ريښتونے شخصيت وو۔ وزيراعظم ووئيل هغه يو ايماندار شخصيت او جيد عالم وو٬ په پاك پروردګار او حلال رزق باور لرونكے وو٬ د حج غوره انتظامات د ده د هڅو نتيجه ده٬ دا ايوان او كابينه نه بلكې هېواد يو عظيم شخصيت او مفكر څخه محروم شوے دے۔ وزيراعظم ووئيل هېواد سترو معاشي چېلنجونو څخه تېرېږي۔ دا ټولو ته معلومه ده چې سعودي عربستان يو وارې بيا زياته مهرباني كولو سره دوه اربه ډالره راكړې دي٬ دغسې يو اے اي هم زما په خواست يو ارب ډالر راكړې دي۔ وزير اعظم ووئيل د دې باوجود زمونږ د زر مبادله پنګو پوزيشن ټائټ دے۔ وزیراعظم ووئيل دا ځل حج لپاره مونږ ته د زر مبادلې ضرورت وو كوم لپاره چې مفتي صاحب ډېره خواري او ډېرې دعاګانې وكړې۔ ده ووئيل دا ايوان او كابينه نه بلكې هېواد يو عظيم شخصيت او مفكر څخه محروم شوے دے۔
وزيراعظم شهباز شريف په قومي اسمبلۍ كښې د مذهبي چارو وفاقي وزير مفتي عبد الشكور ته د عقيدت پيرزوئنې وړاندې كړې
وزيراعظم شهباز شريف په قومي اسمبلۍ كښې د مذهبي چارو وفاقي وزير مفتي عبد الشكور ته د عقيدت پيرزوئنې وړاندې كړې | APP Pashto service
