اسلام آباد 27 اګست (اے پي پي) خزانې او محصولاتو لپاره د وزيراعظم خاص مرستيال ډاكټرعبدالحفيظ شېخ وئيلي دي چې په نيويارك كښې د پي آئي اے ملكيتي روز وېلټ هوټل پحقله ټولې پرېكړې به په قامي ګټه په سپېځلې ډول كولې شي ۔ ده دا خبره د كابينه اقتصادي رابطه كمېټۍ د غونډې مشرۍ په مهال وكړه۔ د اي سي سي غونډه د زيارت په ورځ په كابينه ډويژن كښې وشوه ۔ د ډاكټرعبدالحفيظ شېخ د هداياتو په رڼا كښې غونډې ته د روز وېلټ هوټل چارو پحقله اپ ډېټ بريفنګ وركړې شو۔ ډاكټر عبدالحفيظ شېخ د ددې مسئلې منصفانه، په سپېځلي ډول او قامي ګټې نظر كښې نيولو سره د حل كولو امر وكړو۔ ده د روز وېلټ هوټل پحقله ټولو پرېكړو او مذاكراتو كښې د هوابازۍ سېكتر پشمول د ټولو سټېك هولډز شاملولو هم امر وكړو۔ ډاكټرعبدالحفيظ شېخ امر وكړو چې دا هر چاته بايد معلومه وي چې دا معامله به د يو تن يا ګوند نه بلكې په قامي ګټه كښې مخ په وړاندې بوتللې شي۔ په غونډه كښې د ميسرزكاركے په اړه د قانوني چاره جوئۍ پحقله د واجباتو ادائيګۍ لپاره د 252.382 مېليونه روپو برابر د تكنيكي ضمني ګرانټ هم منظوري وركړې شوه۔ په غونډه كښې د ملخانو مخنيوي لپاره نېشنل ډيزاسټرمنېجمنټ اتھارټۍ ته د تېكسونو او امپورټ ډيوټيز نه غېر د 83 اېكس ميكرون سپريئرز اخستلو اجازه وركړې شوه۔ غونډه كښې د ټېلي كام څانګې پحقله د ټېكسېشن معاملو جاج واخستې شو او دا پرېكړه وشوه چې په دې لړ كښې د وړاندې نه د موجود ټېكسونو په شرح د اثراتو په اړه اېف بي آر ٬ د تجارت او صنعت وزارت سره دې مشاورت وكړې شي او اي سي سي ته دې سفارشات او تجويزونه وړاندې كړې شي
په نيويارك كښې د پي آئي اے ملكيتي روز وېلټ هوټل پحقله ټولې پرېكړې به په قامي ګټه په سپېځلې ډول كولې شي، ډاكټرعبدالحفيظ شيخ
په نيويارك كښې د پي آئي اے ملكيتي روز وېلټ هوټل پحقله ټولې پرېكړې به په قامي ګټه په سپېځلې ډول كولې شي، ډاكټرعبدالحفيظ شيخ | APP Pashto service
