اسلام آباد 07 ستمبر (اے پی پی) د قامی اسمبلۍ سپیکر راجه پرویز اشرف وئيلي دي چې عقیده ختم نبوت د اسلام اساس او د امت د يو والي علامت دے، د حضور نبي كريم (ص) ذات ګرامی د هر مسلمان د ایمان بنیادی برخه ده، په عقیده ختم نبوت ایمان نه لرونكي د 7 ستمبر 1974 آئینی ترمیم د لاري د اسلام دائرې څخه خارج كول د دغه وخت د قامی اسمبلۍ په زړه پورې اقدام ؤ۔ د زيارت په ورځ د عقیده ختم نبوت په اړه په 7ستمبر 1974 د منظور شوي آئینی ترمیم 49 كاله په پوره كېدو خپل پیغام كښې ده ووئيل چې د متفقه آئینی ترمیم منظورېدو کرېډټ شهید ذوالفقار علی بھټو او د هغه وخت سیاسی اکابرینو او علماﺀ ته ترلاسه دې،د دې آئینی ترمیم د لارې په عقیده ختم نبوت ایمان نه لرونكي غیر مسلم ګرځولې شوي، ختم نبوت عقیده د اسلام اساس او د وحدت امت علامت دے۔ ده ووئيل د حضور نبي كريم (ص) ذات ګرامی د هر مسلمان د ایمان بنیادی برخه ده،د حضور نبي كريم (ص) نه پس په دې منصب څوك نه شي راتللې، قرآن مجید كښې د ختم نبوت په اړه واضح احکامات دي چې حضور نبي كريم (ص) آخری نبی دے۔ سپیکر په خپل پیغام كښې ووئيل پاکستان كښې اقلیتونو ته بشپړه مذهبی آزادی ترلاسه ده، اسلام د ټولو مذهبونو مننونكو احترام کولو تلقین کوي او د هغوي د عقیدي له مخې هغوي ته د خپل مذهبی رسوماتو ترسره كولو اجازه وركوي، آئین كښې اقلیتونو ته د خپل رسم او رواج له مخې د ژوند كولو بشپړه آزادي ترلاسه ده، لويديز كښې د توهین قرآن او رسالت پېښې د تکلیف وړ دي د دې ډول پېښو سره د مسلمانانو مذهبی جذبات او احساسات مجروح كېږي، د نورو مذهبونو په مننونكو لازم ده چې د مسلمانانو د جذباتو او احساسات احترام وكړي
عقيده ختم نبوت د اسلام اساس او د اسلامي امت د يو والي علامت دے٬راجه پرویز اشرف
عقيده ختم نبوت د اسلام اساس او د اسلامي امت د يو والي علامت دے٬راجه پرویز اشرف | APP Pashto service
