اسلام آباد 21مارچ(اے پی پی)د وزيراعظم د كورنيو او قانوني چارو خاص مرستيال عطاتارړ غوښتنه كړی ده چې په سپريم جوډيشل كونسل كښې په دائر شوو درېو درخواستونو دې سمدستي كاروائي وكړې شي٬د محمد خان اوسنۍ وېډيو ثابته كړې چې د دې څخه وړاندې كومه آديو ليك شوې وه هغه اصل ده٬كه په وخت نوټس اغستلے شوے ؤ نو تراوسه به د ذمه وارو په ضد كارووائي شوې وه٬محمد خان بهټي د دې وډيو ټولو تورونو اعتراف كړے ٬په تېر سماعت د عمران خان د وارنټ ګرفتارۍ تعميل نه ؤ شوے٬په راتلونكي تاريخ حاضري ضروري ده۔هغه د نهې په ورځ خبري كنفرنس ته وېنا كوله۔خاص مرستيال عطا تارړ وئېل د محمد خان بهټي يوه وډيو رامخې ته شوې كومه كښې چې ليدلې كېږي چې هغه د سكون په ماحول كښې په صوفه ناست دے ٬محمد خان بهټي اعتراف كړے چې هغه به څنګه معاملات ترسره كول٬د دې وېډيو نه پس معاملات نور هم شكمن شوي٬افسوسناك امر دا دے چې د يو جج په ضد سپريم جوډېشل كونسل كښې دوه ريفرنس زيرالتوا دي٬يو ريفرنس شهري او يو د بار كونسل ريفرنس دے او درېم ريفرنس هم راروان دے۔ده ووئيل دا د پوهې نه لرې ده چې د يو داسې كس وېډيو رامخې ته شوې كوم چې پخپله خوښه خبرې كوي٬مونږ به وئېل چې په كينټ كښې په 10 كروړه د اغستې شوې څلور كناله كور مني ټريل نشته ٬د دې وضاحت تر نن تاريخ نه دے شوے ۔ ده ووئيل د دې وېډيو نه پس ثابته شوې چې وړاندې كومه آډيو ليك شوې وه هغه اصلي او د دې سره منسلك ده۔ده ووئيل د يو صاحب دوو زامنو په ورځو كښې كروړونه اربونه روپۍ پیدا كړي ۔ده ووئيل د انصاف دوه مخيز معيار نه دے پكار٬د زامنو څخه په تنخا نه اغستو محمد نواز شريف ويستلے شوے٬مريم نواز٬حمزه نواز٬خواجه سعد٬خواجه آصف پشمول د(ن)ليګي قيادت د ناكرده ګناهونو قيمت ادا كړے ٬عمران خان به په يو حكم ټول اپوزېشن زندانونو كښې اچول٬اوس په هغه د اربونو روپو كرپشن٬مني لانډرنګ٬د ترهه ګرۍ مقدمات دي خو هغه ته هر ځل رېليف وركولے كېږي۔ده ووئيل د محمد خان بهټي وډيو په سوشل مېډيا موجود ده
په تېر سماعت د عمران خان د ګرفتارۍ په وارنټ تعميل نه ؤ شوے ٬په راتلونكې تاريخ حاضري ضروري ده۔عطاتارړ
په تېر سماعت د عمران خان د ګرفتارۍ په وارنټ تعميل نه ؤ شوے ٬په راتلونكې تاريخ حاضري ضروري ده۔عطاتارړ | APP Pashto service
