اسلام آباد ۔ 3 مارچ(اے پی پی)د پاکستانۍ ميډيا امن لپاره مثبت رپورټنګ د ستائنې وړ دې۔ د پاكستان تحريك انصاف (پی ټی آئی) لارښودو د هندي ميډيا په مقابله كښې قومي ګټې نظر كښې نيولو سره د پاكستانۍ ميډيا د مثبت رپورټنګ ستائنه كړې ده۔ د پي ټي آئي سناتور فېصل جاوېد راديو پاكستان سره خبرو كښې ووئيل هندي ميډيا غلط رپورټنګ كړې او خپل اولس ته غلط معلومات وركولو سره ئې د وزيراعظم مودي د سياسي پالېسۍ ترسېوري لاندې پروپېګنډه كړې۔ ده ووئيل هندي ميډيا اولس ته پاكستان مخالف جذبو ته وده وركولو له حقائق په ناوړه شكل كښې د وړاندې كولو عادي ده۔ ده زياته كړه چې د هند ټول سياسي ګوندونه هم د كركې او منفي رويو ودې په ضد په بھارتيه جنتا پارټي (بی جے پی) ټكونه كوي۔ ده ووئيل ميډيا بايد امن ته وده وركولو له خپل ذمه وار او پېشه ور كردار ترسره كړي۔فېصل جاوېد ووئيل هند سره د روانې اوسنۍ وضعې په اړه پاكستانۍ ميډيا خپله ذمه واري ترسره كولو سره صحيح او په حقيقت اډانه اطلاعات وركوي۔ بلخوا هندي ميډيا جنونيت ٬ انتها خوښۍ او جنګي جنون ته هوا وركوي۔ ده ووئيل هندي وزيراعظم مودي راروانو ټول ټاكنو كښې خپلې كاميابۍ له د پاكستان مخالف بيانيې ترسېوري لاندې پاكستان سره د تاؤ تريخوالي وضعه زياته كړې ده۔ ده ووئيل هند كښې د كروړونو په شمېر وګړي د بې وزلۍ لكير نه لاندې ژوند كوي۔ هند بايد دغو ته پاملرنه وكړي دغسې چې دوئي ته د پياوړي ژوند كولو موقع وركړې شي
