اسلام آباد 09 اپرېل (اے پي پي) د سېنېټ غړو وئيلي دي هند په شخړيز كشمير كښې په بې ګناه كشميريانو ظلمونه كوي ٬ كشمير يو شخړيزه سيمه ده ٬ كشميريانو ته د خپلواكۍ حق وركولو نه غېر منطقه كښې امن نه شي راتللې ٬ په اروپائي ائتلاف هېوادونو او امريكا كښې كشمير سېل جوړولو سره د كشمير كشاله رامخې ته كول پكار دي ٬ نړيوال ضمير راويخولو لپاره حكومت دې د كشمير كشالې لپاره خاص نمائندګان وټاكي۔ د دې خيالاتو څرګندونه د ګل په ورځ د سېنېټ غونډې په مهال شوې۔ د غونډې په مهال سناتور عطاء الرحمان په كشميري اولس د هند د ظلم او جبر غندنه كړې۔ ده ووئيل د افغانستان په قندوز سيمه كښې هم د مدرسې په ماشومانو بمباري شوې۔ ده ووئيل د امريكې په ضد هم د غندنې يو قرارداد ايوان ته وړاندې كول پكار دې چا چې د ظلم ٬ بربريت او ترهګرۍ د لارې د بې ګناه ماشومانو په قندوز كښې وينه بهيولې۔ سناتور سراج الحق د كشمير كشالې هواري نه غېر منطقه كښې امن نه شي راتللې ٬ بايد ملګري ملتونه خپل قراردادونه عملي كړي۔ سناتور رانا مقبول ووئيل شخړيز كشمير كښې د هند د ظلم او جبر په نړۍ كښې مثال نه شي ترلاسه كېدې ۔ سسی پلیجو ووئيل د كشمير كشالي هواري لپاره نړيوال ضمير راويخولو ته اړتيا ده ۔سناتور رحمان ملك ووئيل هند د بې ګناه كشميريانو وينه بهيولې ده او مودي د مسلمانانو د قتل عام ذمه واري دے۔ سناتور مشتاق احمد خان ووئيل نړيواله ورورولي دي كشميريانو ته د خپلواكۍ حق وركولو لپاره په هند فشار واچوي۔ سناتورې ستارہ ایاز ووئيل د حكومت ذمه واري ده چې حكومت د كشمير كشالې لپاره خاص استازي وټاكي او په سفارتي كچه د دې كشالي هواري لپاره هم غږ پورته كړې۔ سناتور مشاهد حسېن سید ووئيل د كشمير معامله د ملي اتحاد نښه ده ٬ د برهان واني د شهادت نه پس په غونډو كښې تجويزونه او سفارشات مرتب شوې وٶ د ھغې په رڼا كښې مخ په وړاندې تګ پكار دے ۔ سناتورساجد میر ووئيل تېر حكومتونه په دې مسئله كښې انصاف ترلاسه كولو كښې پاتې راغلې٬ د كشميريانو څلورم كل د هند ظلم او جبر زغمي۔ سناتورت عبدالقیوم ووئيل كشمير يو شخړيزه سيمه ده٬ كشميريانو ته د خپلواكۍ حق وركولو نه غېر منطقه كښې امن نشي راتللې
هند په شخړيز كشمير كښې په بې ګناه كشميريانو ظلمونه كوي
هند په شخړيز كشمير كښې په بې ګناه كشميريانو ظلمونه كوي | APP Pashto service
