اسلام آباد۔2 اکتوبر(اے پی پی) د داخله چارو نګران وفاقي وزير سرفراز احمد بګټي وئيلي دي په ګرد هېواد كښې د قاچاق او ذخيره اندوزۍ په ضد د پرله پسې او په ټېكنالوجۍ د اډانه كارروائيو په زړه پورې نتيجې رامخې ته شوې دي ٬ په قاچاق او ذخيره اندوزۍ كښې ككړ كسان كه هر څومره زورور وي قانون ته به مخامخ كولو سره خپل انجام ته رسولې شي٬ الېكشن كمېشن آف پاكستان سره به په ټاكنو كښې د سېكورټي پشمول هره ممكنه مرسته كولې شي۔ د دې خيالاتو څرګندونه ده د ګل په ورځ د اطلاعات وفاقي وزير مرتضی سولنګي سره په ګډه خبري كنفرنس ته خپل خطاب كښې وكړه۔ ده ووئيل د قاچاق ٬ ذخيره اندوزۍ او حواله هنډۍ په شمول د ټولو غېر قانوني فعاليتونو په ضد د وزيراعظم د خاص هدايات په رڼا كښی ګامونه پورته كولې شي۔ په دې لړ كښې بلوچستنان صوبه كښی 10 پوستې جوړ كړې شوي او اوس د دې شمېره تر 14 رسولې شي۔ دغسې په نورو صوبو پنجاب كښی 10 او په سندھ او خېبر پښتونخوا كښې 7 ٬ 7 پوستې جوړولې شي۔ ده ووئيل عصري ټېكنالوجي كارولو سره د بنيادي څيزونو وړل راوړلو لټون به كولې شي چې ورسره به قاچاق كښې كمے رامخې ته شي۔ ده ووئيل د نشائي توكو مخنيوي كمپائن په لړ كښې نېشنل کاؤنټر نارکوټکس سنټر جوړولے شي او دې سره پېوست قاچاقبر او تورن به د كوم رعايت نه غېر خپل انجام سره مخ كولے شي۔ د نشائي توكو خپرېدو مخنيوي له اېچ اي سي سره په ګډه د خبرتيا يو پروګرام هم ترتيب كړے شوے ٬ په دې كښې د اولس مرسته هم ضروري ده دغسې چې د دې لعنت مخنيوے وكړے شي۔ ده ووئيل د يوریا د وېش انتظام هم ټېكنالوجي ته منتقل كړے شوے ٬ دې سره به د دې په قاچاق كښې كمے راشي۔ دغسې افغان ټرانزټ ټرېډ به كراچۍ څخه تر افغانستان مانيټر كولے شي۔ ده ووئيل اېف بي آر ته د قاچاق مقدمو منطقي انجام ته رسولو له د كوټلو ګامونو پورته كولو وئيلې شوي دغسې چې ذمه وارو ته سزا وركړې شي۔ د تېرې ستمبر مياشتې په مهال د قاچاق او ذخيره اندوزي كوؤنكو په ضد د كارروايۍ په مهال 2157 مېټرک ټن غنم ، 8220 مېټرک ټن چینی 4239 مېټرک ټن يوريا برآمد كړې شوې۔ په دې مهال د پټرولیم مصنوعات قاچاق مخنيوي په لړ كښې د شوو كارروائيو په مهال 10195 لیټر پټرول ونيولې شول چې ماليت يۍ 126 ملین روپۍ دے ۔ داخله وزير ووئيل د حواله هنډۍ په ضد د كارروايۍ په نتيجه كښې 168 اېف آئی آر درج كړے شوي او په دې مهال 658.470 ملین روپۍ برآمد كړې شوي ۔ په دې موده كښی 43 میټرک ټن منشیات هم نيولے شوي او 252 مقدمې درج كړې شوي په كومو كښې چې 246 كسان نيولې شوي۔ ده ووئيل په قاچاق او ذخيره اندوزۍ كښې ككړ كسان كه هر څومره زورور وي قانون ته مخامخ كولو سره به خپل انجام ته رسولے شي۔ ده زياته كړه چې د بلوچستان چیف سېکرټری په صوبه كښې د سرکاری افسرانو ،ملازمانو او سياستوالو په قاچاق او ذخيره اندوزۍ كښې د ككړتيا په اړه پلټنې كوي۔ د يوې پوښتنې په ځواب كښې ده ووئيل په پاك پوځ كښې د احتساب خپل نظام دے۔ لكه څنګه چې د 9 مئي په پېښو كښې د ككړو كسانو احتساب وكړے شو دغسې چې څوك هم چې په كومه غېر قانوني سرګرمۍ كښې ككړ وموندلے شو د هغه به احتساب كېږي۔ د مستونګ پېښې په اړه ده ووئيل بلوچستان كښې جې څومره هم د ترهګرۍ پېښې رامخې ته كېږي په دې كښې’’را‘‘ لاس لري۔ ده ووئيل مونږ چاته د ټوپك په زور د خپلې انجنډې نافذ كولو اجازه نشو وركولې٬ د آئين سرلوړي به په ځاے ساتلې شي۔ ده ووئيل الېكشن كمېشن آف پاكستان سره به د امنيت پشمول هره ممكنه مرسته كولې شي۔ په وفاقي پلازمينه كښې د زياتېدونكو جرمونو په اړه د يوې پوښتنې په ځواب كښې ده ووئيل په هېواد كښی او په خاص توګه اسلام آباد كښې د غیر قانونی افغان كډوالو زياتوالي له امله جرمونه زيات شوي٬ د دې په ضد بشپړ كمپائن پېل كړے شوے۔ ده ووئيل د نواز شریف په اړه زما بيان د سياق او سباق څخه لرې وړاندې كړے شوے۔ ده ووئيل د نواز شریف په ملكي سياست كښې متحرك كېدل خوشبينه دي۔ هغه دې څخه وړاندې هم پاكستان ته راغلے او قانون ته مخامخ شوے او دا ځل به هم دغسې وكړي
د قاچاق او ذخيره اندوزۍ په ضد د پرله پسې او په ټېكنالوجۍ د اډانه كارروائيو په زړه پورې نتيجې رامخې ته شوي٬ د نګران داخله وزير سرفراز احمد بګټي نګران وفاقي وزير مرتضی سولنګي سره په ګډه خبري كنفرنس
د قاچاق او ذخيره اندوزۍ په ضد د پرله پسې او په ټېكنالوجۍ د اډانه كارروائيو په زړه پورې نتيجې رامخې ته شوي٬ د نګران داخله وزير سرفراز احمد بګټي نګران وفاقي وزير مرتضی سولنګي سره په ګډه خبري كنفرنس | APP Pashto service
