اسلام آباد 30 نومبر (اے پي پي) د خزانې وفاقي وزير اسحاق ډار وئيلي دي پاکستان په پنځو كالو كښې د سود نه پاكولې شو٬ په هېواد كښې اسلامي بېنكاري د 20 نه تر 21 فيصد ته رسېدلې او اثاثې ئې 7 ټرېليونه ته رسېدلي، د اسلامي بېنکنګ پراډكټس به ارزانول وي۔ د دې خيالاتو څرګندونه ده د شورو په ورځ د سود د حرمت پحقله په كراچۍ كښې سېمينار ته خپلې وېنا كښې وكړه۔ اسحاق ډار ووئيل ګرده نړۍ كښې هڅه روانه ده چې هر كس د بېنكارۍ نظام سره وتړلے شي، د بېنکارۍ نظام د ژوند ضرورت جوړ شوے او د بېنكارۍ د لارې سپېځلے لېن دېن باوري كېدے شي۔ ده ووئيل حكومت هېواد څخه د سود د نظام خاتمې عزم لري او د شرعي عدالت د سود خاتمې پحقله د پرېكړې هركلے كوٶ، ده ووئېل په دې لړ كښې مونږ هم ھلته يو چرته چې په كال 2018 كښې ٶ٬ كه مونږ په اخلاص سره د الله د رضا لپاره پرېكړه وكړو نو په پنځو كالو كښې هېواد څخه د سود خاتمه كېدې شي۔ ده ووئيل په هېواد كښې اسلامي بېنكاري د 20 نه تر 21 فيصد ته رسېدلې او اثاثې ئې 7 ټرېليونه ته رسېدلي، د اسلامي بېنکنګ پراډكټس به ارزانول وي٬ ده ووئېل ميوچل فنډز او انشورنس به په اسلامي بنياد كول وي٬ اسلامي بېنكونو له به د كنونشل بېنكونو نه ښه كاركردګي ښودل وي۔ ده ووئيل سټېټ بېنك او نورو بېنكونو د وفاقي شرعي عدالت د پرېكړې په ضد اپيلونه دائر كړي وٶ كوم چې بېرته اخستلې شوي، ده ووئېل سټېټ بېنك به اسلامي بېنكارۍ لپاره كار كوي٬ د سېمينار قراردادونه به وزيراعظم ته وړاندې كوٶ٬ ده ووئيل پاكستان د كرنټ اكاٶنټ او بجټ زيان سره هم مخ دے ٬ مونږ د آمدن نه زيات د خرڅ كولو عادت يو٬ مونږ له به آمدن زياتول او خرڅونه كمول وي
پاکستان په پنځو كالو كښې د سود نه پاكولې شو٬ په هېواد كښې اسلامي بېنكاري د 20 نه تر 21 فيصد ته رسېدلي۔ د خزانې وزير اسحاق ډار د سود د حرمت پحقله سېمينار ته وېنا
پاکستان په پنځو كالو كښې د سود نه پاكولې شو٬ په هېواد كښې اسلامي بېنكاري د 20 نه تر 21 فيصد ته رسېدلي۔ د خزانې وزير اسحاق ډار د سود د حرمت پحقله سېمينار ته وېنا | APP Pashto service
