پېنډۍ 07 دسمبر (اے پي پي) صدر مملکت ډاکټر عارف علوي د انفارمېشن ټېکنالوجي د كارولو په حاجت زور راوړلو سره وئيلي دي له بهترينې ټېكنالوجۍ څخه استفاده كوٶنكې به د سباؤن تر ټولو زيات قوت لرونكې قام وي٬ پاكستان د نړۍ پنځم لويې هېواد دې خو په ټېكنالوجۍ كښې ډېر وروسته دے، په پرائمري، مډل او سېکنډري كچه د انفارمېشن ټېکنالوجۍ د تعليم ودې ته بايد پاملرنه وكړې شي۔ د دې خيالاتو څرګندونه ده د نهې په ورځ په ملټري کالج آف سګنلز كښې د سندونو وېش 28مې دسورې ته خپله وېنا كښې وكړه۔ صدر مملکت فراغت ترلاسه كوؤنكو طالبعلمانو ته مباركي وركولو سره ووئيل چې نسټ د نړۍ په بهترينو پوهنتونونو كښې شمېرلې شي۔ ده ووئيل نن تعليم بشپړونكو ځوانانو لپاره د خپل سباٶن د عزم ورځ ده٬ دوي به په مينه او خوارۍ خپلې كورنۍ او د هېواد بهترۍ لپاره اهم كردار ترسره كوي۔ ده ووئيل زمونږ لويې شمېر كوچنيان د سكولونو نه بهر دي٬ په ماضي كښې دا معامله نظر انداز كړې شوه خو اوس به په پرائمري، مډل او سېکنډري كچه د انفارمېشن ټېکنالوجۍ د تعليم ودې ته پاملرنه كول وي۔ ده ووئيل بهر هېوادونو كښې لويې شمېر پاكستانيان خواري او خدمت كوي٬ كه په پاكستان كښې سرمايه كاري كېده او د دبئۍ او سنګاپور په ډول ودانۍ جوړېدې نو دا خلق به بهر روزګار لپاره نه تلل٬ دغسې د 70 او د 90 لسيزې په مهال لوړې زده كړې ترلاسه كوٶنكو پروفېشنلز ته د ملازمتونو مناسب موقعې ترلاسه نه شوې ځكه دوي ملازمت لپاره بهر لاړل۔ ده ووئيل د اشارو ژبې په ژوند كښې اهم كردار دې٬ 70 فيصده خلق د اشارو په ژبه پوهېږي۔ صدر مملکت ووئيل نننې صحافت په اخلاقي توګه په شا روان دې ٬ په پس منظر نه پوهېدو دلاسه بيانيه بېخي بدلېږي۔ ده ووئيل د دفاع څانګې پشمول ټولو ادارو له سائبر سكيورټي مهم ده٬ په ټولو ادارو كښې د سائبر سكيورټي پوهانو ته اړتيا ده٬ مونږ مهارت سره سره د ټېكنالوجۍ تعليم يافته پوهانو ته هم اړتيا لرؤ٬ دې مقصد لپاره د لكهونو په شمېر اولس ته تربيه وركول ضروري دي٬ د فاصلاتي تعليم پشمول بېلا بېلو طريقو سره دا مقصد ترلاسه كېدې شي۔ ده ووئيل د انفارمېشن ټېکنالوجۍ وزارت ډيجيټل سکلز پېل كړې دې چې پكښې 16 لكه كسانو وړومبۍ پړاٶ ترسره كړې دې٬ په دې تناظر كښې ټولو لپاره پرائمري او يو ډول تعليم ضروري دې دغسې چې په قامي كچه همغږي پېدا كړې شي٬ د انفارمېشن ټېکنالوجۍ پحقله كوچنيانو ته په وړومبۍ كچه كښې تربيه وركول ضروري دي۔ د نادرا اتھارټۍ د نوي قانون منظوري وركړې شوې چې له مخې ئې نادرا د ضرورت په وخت ډېټا ترلاسه كولې شي۔ صدر مملکت ووئيل د پاكستان پشمول نړۍ كښې چې څومره ډېټا ده دومره اهليت نشته٬ د پاكستان پنځه فيصده ډېټا ته رسنه ترلاسه ده۔ ده ووئيل تېل قېمتي دي خو ډېټا د ھغې نه هم زياته قېمتي ده۔ صدر مملكت ووئيل د كورونا وباء په مهال د ټولنې بې وسه طبقو سره د يوالي او خواخوږۍ څرګندونه شوې چې ورسره د كرونا په وبا قابو موندلو كښې مرسته ترلاسه شوې۔ په دې موقع د ملټري كالج اف سګنلز كمانډټ برېګيډيئر سيد علي رضا هم كاميابي ترلاسه كوؤنكو زده كوٶنكو له مباركي وركړه۔ په پايې كښې صدر مملکت ډاکټر عارف علوي فارغ التحصيل زده كوٶنكو له سندونه وركړل٬ زده كوٶنكو ته په بېلو څانګو كښې په زړه پورې كاركردګۍ ښودلو اېوارډز وركړې شول چې پكښې پريذيډنټ ګولډ ميډل اېوارډ، چيف آف آرمي سټاف اېوارډ او چانسلر سول مېډل شامل وو۔ كېپټن احسن بلال طارق پريذيډنټ ګولډ مېډل او چيف آف آرمي سټاف اېوارډز ترلاسه كړي
له بهترينې ټېكنالوجۍ څخه استفاده كوٶنكې به د سباؤن تر ټولو زيات قوت لرونكې قام وي٬ پاكستان د نړۍ پنځم لويې هېواد دې خو په ټېكنالوجۍ كښې ډېر وروسته دے، صدر مملکت ډاکټر عارف علوي
له بهترينې ټېكنالوجۍ څخه استفاده كوٶنكې به د سباؤن تر ټولو زيات قوت لرونكې قام وي٬ پاكستان د نړۍ پنځم لويې هېواد دې خو په ټېكنالوجۍ كښې ډېر وروسته دے، صدر مملکت ډاکټر عارف علوي | APP Pashto service
