اسلام آباد– 25 – مارچ (اي پي پي) پرڏيهي وزير محمد اسحاق ڊار کي برطانيا جي پرڏيهي، دولت مشترڪه ۽ ترقياتي معاملن واري وزير لارڊ ڊيوڊ ڪيمرون ٽيليفون ڪئي. پرڏيهي آفيس جي ترجمان پاران جاري بيان موجب پرڏيهي وزير محمد اسحاق ڊار بطور پرڏيهي وزير مقرري تي مبارڪباد جي پيغام تي برطانوي هم منصب جا ٿورا مڃيا ۽ چيو ته هو ٻطرفن لاڳاپن کي وڌيڪ مستحڪم ڪرڻ جي لاءِ برطانيا جي قيادت سان گڏجي ڪم ڪرڻ جو خواهشمند آهي. پرڏيهي وزير پاڪستان ۽ برطانيا لاڳاپن جي اهميت جو ورجاءُ ڪندي چيو ته پاڪستان ۽ برطانيا جي وچ ۾ گهڻ رخي تعاون سان گڏ پاراڻا ۽ تاريخي لاڳاپا آهن. پرڏيهي وزير چيو ته لاڳاپن کي اڳئين سطح تي وٺي وڃڻ جي لاءِ Enhanced Strategic Partnership (ESP)معاهدو جلد ڪرڻ گهرجي. پرڏيهي وزير واپار ۽ سيڙپڪاري، عوام سان عوام جي رابطن ۽ ماحولياتي ۾ ٻطرفو تعاون وڌائڻ جي ضرورت تي زور ڏنو. پرڏيهي وزير خاص طور تي برطانيا ۾ پاڪستانين جي وڏي انگ جي ڏس ۾ پاڪستان ۽ برطانيا جي وچ ۾ پي آءِ اي جي اڏامن کي جلد کان جلد بحال ڪرڻ جي ضرورت تي زور ڏنو جنهن سان رابطن کي وڌيڪ سگهه ملندي. ٻنهي وزيرن افغانستان ۽ غزه جي صورتحال سميت اهم علائقائي معاملن تي پڻ خيالن جي ڏي وٺ ڪئي. پرڏيهي وزير لارڊ ڪيمرون کي گڏيل طور تي مناسب تاريخن تي پاڪستان جي دوري جي دعوت پڻ ڏني.
پرڏيهي وزير محمد اسحاق ڊار کي برطانيا جي پرڏيهي، دولت مشترڪه ۽ ترقياتي معاملن واري وزير لارڊ ڊيوڊ ڪيمرون جي ٽيليفون
اسلام آباد– 25 – مارچ (اي پي پي) پرڏيهي وزير محمد اسحاق ڊار کي برطانيا جي پرڏيهي، دولت مشترڪه ۽ ترقياتي معاملن واري وزير...
